بنتي عمرها شهرين ونصف وأبوها مصر علي تبويسها..(عنوان معدل)

السالم عليكم ورحمة الله وبركاته

أنا أتكلم بجد
كل يوم وأبوها يعذبها الين تصيح بأعلى صوتها

كانت بسم الله عليها في الأربعين هادية وماتصيح الا اذا جاعت وصياحها بشويش كأنها تنادي
بس من رجعت لبيتي وزوجي منجن فيها
وكل يوم يتعلق فيها أكثر
اذا شافها ساكتة وتناظر أو تلعب أو تسولف يقوم يهجم عليها ويبوسها من فمها وخدودها وكل وجهها الين تصيح وأحيانا يكتمها الين ماتتحمل (والله انها تصبر عليه ماشاء الله عليها)
والحين صارت تعرف طريق الصياح وماتقصر علينا
والله اني أحيانا أخاف أناديه اذا سوت حركة حلوة أخاف يصيحها وينكد عليها
قلبي يتقطع عليها لما اسمع صياحها
وماخليت شي أقدر عليه ماسويته
قلتله أنها بتصير صياحة وانك بتنقل لها الأمراض أو بتهبل بها أو يجيها شي الله يستر
بس ماينفع معه ويقول ماأقدر أتحمل وانها لذيذة وتوني ماشبعت منها
ويسألني متى يبدا بالعض؟؟؟؟
هالأيام صارت تسعبل وهو يقول أخاف انه مني...
بس مايتوب
وأنا معد صرت أقدر أتحمل
والله اني أبعده عنها وتتعب يديني وأحيانا أعضه وامشخه واقبصه وماقدر عليه الابصعوبة
حتى بنتي أم أربع سنين صارت تناديني : ياماما بابا يحببها ....بسرعة تعالي
وأحيانا تساعدني عليه عشان نفكها منه
وهو اللي قال اكتبي في عالم حواء يمكن أحد يقنعني ((لأنه بيقرا كل الردود))
مع انه يقول اذا انهبلت ماراح اسامح نفسي ......بس مايقدر يتركها!!!!
لا تحسبون هذي نكتة ...والله اني أحيانا شوي واصيح معها