مرحبا بنت السعودية..


الباين إن حالتك مثل حالتي..

سويت لزوجي مرة..وكل أسبوع صاروا يطلبون...


الله يعين...عسى نرضيهم ونكسب فيهم أجر...يكسرون الخاطر ما ياكلون زين بالدوام...

إذا بتسوينهم..ممكن تسوينهم بالصواني القصدير..اللي تجي بغطاء..أريح لك...وأريح لزوجك..

وعشان لا تحاتين صوانيك..وبيخلصونهم..وعلى طول بتنرمي..


أنا إذا سويت شي أدبلهم..يعني أحط ثنتين..عشان تتحمل الثقل..

وأقسم المقدار..
يعني إذا بسوي صينيتين كبار..
أسويهم أربع...


لأن أحياناً ما تنأكل...وما ياكلونها وهي مقطعه ومخربة...وأخر شي يرمونها..

لما قال لي زوجي..قلت: حرام كذا..وصرت أسوي نفس الكمية مقسمة..عشان لو بقت صينية صغيرة..إما أحد ياخذها..أو يعطونها أحد من اللي ينظفون في الشركة...


ولا تنرمي النعمة..حرام...

والسلطة..كل مرة أنوع..

تبولة..فتوش..سلطة المكرونة الباردة..

هذولي أكثر شي يطلبونه...

والحلى نفس الشي..بصواني من نفس النوع..

بعطيك اللي ما يسوون حوسة بالنقل..ولا يحوس وهو يوزعهم...

سويت مرة ميني شيز كيك..كنافة(مرة كنافة عادية..,مرة كذابة)..بسبوسة..سينابون..دونت..الكيكة الفلبينية..تيراميسوا..سويت مرة حلى الشتلات...بس أنا اللي إنحست..ما عرفت شلون أحطه بحافضات وأحطه بالكيس...

وكلهم بعد ما يستتون أقطعهم..وأخليهم بنفس الصينية...
وكل واحد يجي..ياخذ له قطعه..


أدري قلت لك قصة حياتي...


بس عشان تستفيدين..
13-02-1428 هـ, 01:08 مساءً
 
اهلين اختي
الحمد لله ان الكلوب دخل في القائمه وصدقيني سهل وما ياخذ منك وقت اذا جهزتيه قبل بوقت
اما بالنسبه للحلا فكرته حلوه والاحلى فكرت اختي قطعة السكر في صواني القصدير
وهذا رابك كيكه سهله مره وطعمها جنان وممكن تسوينها في قوالب القصدير وتصبي الصوص فوقها وتقطعينها وكل واحد يا خذله قطعه منها
لاتفوتك طعمها مره حلو
وهذا الرابط
http://forum.hawaaworld.com/showthread.php?t=776715
13-02-1428 هـ, 04:05 مساءً
 
ماشاء الله عليكم يابنات ....


بس ياليت تعلموني كيف تقدرون تسوون اكثر من طبق رئيسي وحلى وموالح في وقت واحد؟؟...ماشاء الله لاقوة الا بالله..

ابغى استفيد منكم .. يعني كيف تقسمون الوقت عالطبخات؟؟ وكيف ماتبرد ؟؟

ياليت نستفيد من بعض..الله يعطيكم العافية...
13-02-1428 هـ, 05:43 مساءً
 
سوي الحلى من الليل واي شىء يبي له لف من الليل والصبح ابدى سوى الاشياء الصعبة والعصير حطي لهم معلبات بيبسي سفن ويارب يوفقك
15-02-1428 هـ, 06:53 مساءً
 
جزاكم الله خيرا اخواتي

ابشركم الحمد لله بيضت الوجه

لا ويطلبو كل اسبوع خخخخخخخخخخخ


الحمد لله

سويت ماكرونه بالباشميل
سويت باذنجان بالباشميل
كلوب ساندويش الدجاج
فطاير سبانخ
فتوش
وحلى الضباط << قطعته صغير وحطيته في اكياس مثل حقت الكيك صغيرة<<

قطعة السكر المرة الجاية ان شاء الله بسوي اللي قلتي عنه لانه ما امداني اروح السوق اجيب شي

هواجس ناعمه ان شاء الله بجربة لعيالي وبعدين اسويه لزوجي في العمل

برد والله تعودنا الحمد لله
واخلص ولسة في وقت

الدلوعه كناري تصدقي نسيت العصير

وانا الى اليوم اقول في شي بسوية وما سويته
طلع العصير خخخخخخخخخخخخخخخخخ

شكلي بسوية وارسلة مع زوجي واخليه يقلهم نسينا العصير خخخخخخخخخخخخخ

يعطيكم العافية

لاتسالوني على الصور من العجلة نسيت اصور
17-02-1428 هـ, 12:57 مساءً
 


الساعة الآن 09:18 .