ما شاء الله عليج يا مهى أفكارك جد حلوه... عمري ما فكرت أستغني عن العصير وأستبدله بالفواكهه الطازجه... تصدقين كنت أشتري الفواكهه اللي بالصحون الصغيره وتتخزن بالثلاجه ولا من ياكلها!! وفي الأخير تنرمى !! وعلى فكرة ماركة 1 اللي بالكارفور وايد توفر وبعد منتجاتها معقوله وأنا صار لي كم شهر آخذ منتجات التنظيف من هذي الماركة... أوفر ونفس النتيجه ...والكلينكس بعد....منها تخيلي علبة مسحوق التنظيف الــ 5 كيلو أظن بــ15 أو 16 درهم؟؟وتنظف زي الماركات الثانيه.... وأنا عني بما أن الغسيل عندي يستهلك كثير صابون وملطف فالحمد لله قدرت أوفر شوي في المشتريااات بس كاش في البنك للأسف لسه....

والله إلك وحشه يا أم حمزة....
24-02-1426 هـ, 09:26 مساءً
 
والله يا اختي اني مثلك متزوجه من عشر سنوات ولا قدرنا نجمع ريال وماادري اشلون احل هذه المشكله
24-02-1426 هـ, 10:27 مساءً
 
ابقولكم عن تجربتنا ...
لي عشر سنوات متزوجة .... والفلوس تروح .... زوجي سيء التدبير تعبت وانا اقتر على نفسي بس ما فيه فايدة يضيع الفلوس بس ما ادري على ايش .... ( يمكن ما فيه بركة )
مع انها حلال والحمد لله ...
ومن حوالي الثلاث سنوات وزيادة قرر انه يتدين عشان شغلة في باله ... طبعا انا قلت اني ما راح اقتصد وبتطيح في دوامة ديون ... وما تفكر اني بحرم نفسي من شيء ( يكفي السنين اللي راحت بدون فايدة )
وديونه يبيلها خمس سنوات عشان يسددها غير ان الراتب بيكون اقل من النصف ...
والله يا بنات اشتري اللي ابي وما يهمني ... والحمد لله سددنا ديوننا قبل الخمس سنوات بسنتين ...
واشترينا سيارة جديدة وغالية بعد ... ونخطط الان نشتري بيت ...
والله اني متعجبة ... انا مو مسرفة بس والله اللي بخاطري اشتريه في الغالب ...
بس اعتقد ان السر في هالرزق هو
دعاء خالتي ام زوجي دايم ان الله يرزقه ويبارك له في ماله وعياله
لأنه دايم يبرها واللي تطلبه يجيبه لها ....
24-02-1426 هـ, 11:44 مساءً
 
أهلا أخواتي :
الحياة بحاجة لعقل وليس عواطف ( حكيمة أنا .................)

بصراحة أنا لو تصدقون اني ما اشتريت لأولادي ملابس من العيد ولا بيجامات ولا شي وكنت من قبل كل أسبوع ىخذ شي من الكارفور وأقول رخيص هذا مش محسوب .

وبعدها قلت خلاص :
مسكت الخزانة :
ورميت الملابس على الأرض.
ونظفتها بالمعطرات والديتول .
وبدأت الترتيب وعلقت القمصان وطبعا اكتشفت ان الشغالة عاملة الخزانة مخزن للملابس المتسخة .
ونظفت أغلب الملابي وعطرتهم وكويتهم واشتريت علاقات جديدة للتغيير ( هذي اسراف )
المهم واتفقت مع زوجي الا نشتري ملابس جديدة ونجرب ( زوجي صار يزغرد لولولولييييش ) لني اتخذت هالقرار .

ولحد الآن يلبسون ويلبسون ووالله لو تعرفون كم قميص لكل ولد !!!!!!!!!!!!!!!!!!! على الأقل 12 أو 15 قميص غير التي شيرتات طبعا الشكال والألوان .................

ومن ضمن الترتيبات اكتشفت تي شيرتات جديدة بورقتها كنت مخبيتها . وهذي خبيتها أيضا لأنهم ليسوا بحاجة لها حاليا .

وبصراحة اكتشفت أن الأطفال لا يطلبون ولا يتذمرون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! عادي يلبسون أي شيء وعلينا أن نستغل هذي الفترة العمرية قبل أن يذهبوا للمدرسة ويطلبون ويصممون على طلباتهم .


المهم : وانا انظف الخزانة لقيت ( طواقي ) يعني قبعة :
تخيلوا ............................................................46 واحدة !!!
صيفي وشتوي وراضي وبيبي !!! وبسرعة غسلتهم واغلبهم جديد غير ملبوس . وخفت يشوفهم زوجي طبعا ويعلق علي وعلى الإسراف .

واستغليت فرصة ذهابنا لحديقة مع أولاد عم أولادي ووزعت القبعات عليهم !!! وكانت فكرة حلوة وأعطيت الشغالات وكانت فكرة حلوة للتخلص من أغلبهم ..................

نيجي للأحذية :

وضعتهم بالغسالة الأوتوماتيك وعلى اقل دورة !!! وغسلت الكل مع بعض .

طبعا الأحذية الجلد الأصلي صغرت قليلا لأن الجلد ينكمش لفترة واصبحت جديدة .

ولقيت أشياء من ابني الكبير وصارت صغيرة ولم يلبسها أولادي الصغار .

والملابس القديمة جمعتها وأغلبها بيجامات :
البلوزات متسخة ولا مجال لإعطائها للفقراء .
البنطلونات اللي للبيجامات كانوا 16 وقلت سأبقي عليهم حين يبدأ ابني الصغير التدرب على استخدام الحمام وحينها اذا اتسخ الشورت أو البنطلون نرميه ولا داعي للغسيل .

أما الألعاب : رميت المكسر والقديم جدا التالف.
والقصص رممتها وألصقتها .
25-02-1426 هـ, 07:17 صباحاً
 
أخواتي : بالنسبة لألعاب الأطفال :

أكيد الكل بيحب الألعاب الهادفة والجدة والتي تكون آمنة والبطاريات ما تطلع صح ؟؟؟
أنا معاكم لكن اليوم الفجر قررت أعمل لهم لعبة جديدة وهي التسوق :

وأتتني الفكرة في الحمام أجلكم الله لأني شفت علب الشامبو والشاور جل خلصت !!!
4 مرة واحدة وبدأت أغسلها وأغسلها وطبعا شكلها جميل وحلو ( خصوصا شامبو فازلين جربوه روعة ريحة ونعومة !!! يم يم ) انتظروني اشم شعري شوي !!! يم يم يمي

المهم : طبعا غسلت العلب وقلت بخليها للطفال على رفوف بغرفة الألعاب وبيجرون العربايات أو السيارات الكبيرة وبيتسوقوا !!! لأني أعرف أولادي يحبون هذي الأفكار .

طبعا تأكدت أن الغطاء لا يجرح وليس صغير الحجم.

والبارحة كنت بالمطبخ : وقلت بسوي جرد على التابرويرات والعلب :
ولقيت علب النسكويك الصفراء 4 أو 5 فارغة طبعا ونظيفة ورتبتها وقلت بزينها وبحط فيها سكر وشاي وزهورات أو أي شيء وشكلها بزينه بأشرطة عن قريب وبنزل الصور .

وعلب الآيس كريم : نوعية ( لندن دايري ) العلب بلاستيكية وحلوة بعطيها للأولاد للشوبينج الجديد يلعبوا فيها .




بالنسبة للأكل خصوصا العشاء قلت سابقا بأني كنت أحضر صحون كبيرة جدا وكأنها عزومة وبعدين تدخل الثلاجة وخلاص تنرمي لكن البارحة حضرت لكم صحن تشوفوا كيف شكله وقيمته الغذائية : وبخبركم عن السعر ايضا ولا يزيد شي لثاني يوم :

http://www.w6w.com/w6w.php?pic=469255

ان شاء الله تطلع الصورة .

وهالوجبة فيها عناصر غذائية شبه شاملة !!! بالإضافة الى طبق الفتوش وعصير طازج !!
وبعدها شوية كستناء مشوية !!!
25-02-1426 هـ, 07:28 صباحاً
 


الساعة الآن 02:12 .