ابغاها بالتفصيل اللي اعرفه انها زي الدائره الصغيره وفيها زي حشوة الكليجه
اختي انا عندي طريقه الاخت بسر برحي الله يجزاها خير

ما ادري اذا هذي الي تقصدين والا لا

وهذا نسخ لموضوعها



اقتباس مشاركة
هلا والله وغلا بصويحباتي الحلوات
طبعا كلكم تعرفون الكليجاء حقتنا يا القصمان وكثير من الناس يحبونها
مهب حنا بس يا القصمان عاد انا قلت بعلمكم عليها لان الولده الله يحفظها
ويشفيها تسويها تجنن ماشاء الله بس صعب اعلمكم عليها لان امي تسويها
من غير مقادير معينه بس فيه كليجاء كذاب ( زي كنافه كذابه ) سهله ولذيذه
وبمقادير اتمنى انها تعجبكم .

الطريقه

1- نبداء با لشيره عشان يمديها تبرد وهي كاس شيره عاديه تحطي عليه
ثلاث ملاعق كبيره عسل + ثلاث ملاعق صغيره قرفه مطحونه تخلينها تطبخ
خمس دقائق مع بعض وتخلينهم على جنب لين تبرد.

2-بالخلاط حطي 3بيضات + نصف كاس سكر +نصف كاس زيت.

3- كاس طحين ابيض + كاس طحين بر + ملعقه كبيره بكم بودر +
ثلاث ملاعق كبيره حليب بودره + نصف ملعقه صغيره من( الزنجبيل
المطحون + هيل مطحون + ليمون اسودمطحون)
حطي المقادير رقم -2- بعد ماتخلطينهم على المقادير رقم -3-وعجنيهم
مع بعض لين يختلطوا زين خوذي من العجينه تقريباكبر صفار البيض
دوريها بين ايديك لين تصير مثل الكوره بعدين اضغطي عليها شوي
بين يديك لين تنفرش شوي و جيبي سكين وحطي على وجه القرص
خطين بطول وخطين بالعرض زي رسمه لعبة ( اكس او) وبينيهم زين
يعني اضغطي شوي علي السكين.وصفيهم بصينيه تيفال لين تنتهي
الكميه وحطيهم بالفرن من تحت الين يتحمرو وبعدين حمريهم من فوق
وبعد مايطلع من الفرن تكون الشيره بارده من زمان سقيهم بالشيره
وذوقي الطعم يميميميم الذيذ
اللي ينسيك طعم الكليجاء الصحيح يارب يعجبكم.

دعوتكم الصدقه لنا والمسلمين
برحيه


رجأ وضع الاسئلة في اطباق عالم حواء

شكرااا
حبيبتي...ان شاء الله تلقين طلبج..

لطفا ..
يرجى عدم وضع الاسئله والتجارب في اقسام الطبخ...

ينقل لاطباق حواء...
اتوقع تلقينها في كتاب نخبة الاطباق


الساعة الآن 09:31 .