السلام عليكم ورحمة الله وبركاته..........

بغيت حل لمشكلة محشي الملفوف و الكوسا...

كا ما اسوي محشي الملفوف يطلع الملفوف يابس ومتين و الحشوة تنشف و كا ما اسوي الكوسا نفس الشي الطعم يكون نيء و الحشوة تطلع ناشفة ..

كل مرة اقولهم بسوي المحشي افتشل
الله يخليكم ساعدوني

[align=CENTER]
عطيني طريقتك علشان أقولك الأخطاء ...
هلا اختي الرقيقة ..........

اسوي الخلطة نفيها للملفوف والكوسا :
اقلي شرائح الطماطم و البصل في الزيت بعدين يوم اتاكد انا الطماطم والبصل انطبخوا عدل اضيف بهارات مثل الملح والفلفل و الكزبرة والكركم وساعات الماجي..بعدين اضيف الارز..واحشي الملفوف بعد ما اغليه شوي عشان يطلع لين بس ما يلين) و ايب جدر اصف فيه الملفوف و اصب عليه الخلطة(ماء + معجون الطماطم) و احطه على النار بس بعدين احصل الماي نشف و الملفوف انتفخ ونفس الشي بالنسبة للكوسا بس ما افور الكوسا قبل
شوفي هذي خلطتي جربيها وقوليلي شنو يصير معاك
البصل تحمرينه على النار بعدين تحطين ماجي وفلفل أسود وبعدين تحمسينة وتضيفين المعجون + الطماط + كزبرة وشبنت خضرة وتحمسينه وآخر شي تضيفين العيش (الرز) يكون منقع مسبقا وتخلطينهم .. هذي الحشوة خلصناها

الحين الملفوف تاخذينه وتسلقينه مع ماي وكمون (وطبعا تكونون قاصة الراس علشان بسرعة ينفتح معاك الورق) وتخلينه يفور شوي مدة 7 - 10 دقائق فقط. تاخذين ورق الملفوف وحدة وحدة وتشرينهم على مشخال وتبدين تحشينه بالطريقة العادية وبعدين الملفوف السميك اللي ماتبينه تحطينه في قاع الجدر وتصفين فوقه كل الملفوف وبعدين تاخذين ماء + ماجي + ملح وترشينه فوقه لما يغطيه ، وتحطينه على النار تحته حديدة طبعا، وتعلين على النار أول مايفور تنزلين على النار وتخلينه يتخدر مدة ساعة ونصف للجدر الكبير، وبعطين يطلع إهبل أحلى من الملفوف المصري بوايد وبشهادة الجميع.

يلة خبريني إذا جربتيه ..
هلا أم ندى

آنا أقصد الحديدة اللي تنحط على النار علشان تخدرين عليها العيش أو الشاي أو غيره، تصير مدورة وفيها فتحات صغيرة أو من غير فتحات على حسب عرفتيها ولا لأ ؟؟؟؟

وبالنسبة للكوسا .. مايصير تسلقينها ... نفس طريقتك ok .... بس هم بعد حاولي تخدرينها بنفس طريقة الملفوف..

وأي إستفسار آنا جاهزة ..


الساعة الآن 04:31 .