السلام عليكم ورحمه الله وبركاته

هذه خطوات مصوره لعمل الستائر

ونبدي باسم الله


هذا شكل حافه القماش من تحت



يعني ما يرادله كفه من تحت لان هو فيه نقشات


تقيشين عرض الشباك المطلوب
وتضربين الرقم في 3 او 2 ونص
يعني مثلا لو كان عندج الشباك عرضه مترين لازم تاخذين اقل شي 5 امتار

وتقيسين الارتفاع ايظا
وتضيفين على ارتفاع الشباك 20 سنتمتر
حتى يكون 10 سنتمر من فوق و10 سنتمر لكفه التحت
لاكن بهل قماش ما كنت محتاجه اكف التحت فضفت عليها بس 10 سنتمتر عشان كفه الفوق
وتفرشين القماش وتقصيه مع زياده العشره سنتمتر مع قماش النقشات من تحت و20 سنتمتر مع القماش بدون نقشه

وتفرشين القماش على الارض او طاوله كبيره
وتستعملين السنتمتر بطول الحجم المطلوب
مثلا تحطين راس السنتمتر من تحت على مكان النقشه وتمدين السنتمتر لما تحصلين على الطول الي تريديه وتحطين على مكان الرقم الصحيح خط صغير بطبشور الخياطه وتضيفين 10 او 20 سنتمتر وتحطين خط ثاني يعني لهني مكان القص
وقماش النقشه لا تقصيه من تحت ابد
قصيه بس من فوق



وهذه الادوات الي نحتاجها بخياطه الستاره

هي سفيفه عاديه بدون حبل
ولاصق خاص للستائر
هو ما يلصق لكنه يكون مثل الورق المقوى يرتب الستاره كلها ويظهر الكسرات بصوره واضحه




نبلش بالجوانب للقماش
ناخذ من كل جانب سنتمتر واحد ونطوي عليه اما 3 سنتمتر او 5 سنتمتر
يعني انتي وذوقج تريديها عريضه تكون او رفيعه
هي الاحلى تكون 5 سنتمتر
ونخيطه بصوره عدله ومستقيمه



من تكملين خياطها
على طول تكوين المكان الي خيطتيه كوي عدل
وهذا شكلها بعد الكوي





هسه بلشنا بالجهه الفوق
اول شي بيكون في خط انتي خطيتيه للطول المناسب
نحط الاصق على مكان الخط ونطويه طويه وشوي عشان يكون الخياط نضيف مثل ما موضح بالصوره



وتخيطين بخط مستقيم وعدل لما توصلين النهايه



والجوانب ايظا خيطيها ولا تتركيها مفتوحه



وشي اكيد لا تنسين الكوي
وخاصه اذا كان عندج اوتي بالبخار بيكون افضل واسهل للقماش



يتبع >>>>>>

















والان نبدي بعمل الكسرات او الثنيات

اول شي ناخذ مكان الخياط من الجانب ونطوي عليه القماش مرتين ونبدس السفيفه فوقه ونكون طاويين شوي من راس السفيفه تحتها عشان ما تطلع خيوطها




هذا شكلها من الجانب





ونبلش نخيط بنفس الطريقه مره الطويه يمين ومره يسار

بس تكون بترتيب وبنفس القياس

والسفيفه تخيطيها عدل يعني بدون كسرات ولا اي شي
تحطيها بخط مستقيم وتطوين القماش تحتها
هي ما تطويها مع القماش ابد
















وتفرشين مكان السكرات على طاوله الكوي
وتكويها بالبخار فقط حتى تضبط الكسرات
ويكون الكوي من الجهه الخلفيه للقماش بكل مراحل الكوي ابد لا تكوين على الوجهه

وهذا شكل السستاره من الامام بعد الكوي
وهي اكيد لما تتعلق مكانها بتكون احلى
بس هي مو حقي ولا عندي مكان اعلقها فيه لا ستائري كلها كبار وما اقدر انزلهم وحده واعلق هذه مكانهم




شكل الكسره الوحده





اتمنى يكون الشرح مفهوم والكلام واضح والصور اوضح

اي سؤال انا تحت امركم


بحفظ الرحمن


















"وتضيفين على ارتفاع الشباك 20 سنتمتر
حتى يكون 10 سنتمر من فوق و10 سنتمر لكفه التحت
لاكن بهل قماش ما كنت محتاجه اكف التحت فضفت عليها بس 10 سنتمتر عشان كفه الفوق
وتفرشين القماش وتقصيه مع زياده العشره سنتمتر مع قماش النقشات من تحت و20 سنتمتر مع القماش بدون نقشه"
سؤال لو سمحتي : يعني لو القماش بدون نقشة سفلية الستارة تكون أقصر ولا 10 سم بتختفي في الخياطة
و مشكورة على الموضوع أكتر من رائع
تبارك الله عليك اختي منصاف مواضيعك دائما مفيدة
جعله الله في ميزان حسناتك
جزاك الله خيرا
تسلمي حبيبتي على لشرح والتوضيح


جعله الله في ميزان حسناتك



اللهم صلي على حبيبك محمد




يا بنات صلو عليه


الساعة الآن 08:52 .