السلام عليكم

بنات تعرفون كريمة الخفق اللي تنباع في كراتين مثل كراتين الحليب طويل الأجل ؟

شريت أمس منها وكنت أحسبها كريمة ثخينة طلعت سايلة

شلون تصير كريمة ثقيلة يابنات ؟

ساعدوني بسوي اليوم كيكة يالكريمة لضيوفي وتوهقت

وماعندي وقت أدور دريم ويب اللي أنا خابرته << مدري وش لقفني وشريت هذي .
أخفقيها زي البيض في الخلاط دقايق وتتكثف
مشكوووووووورة يالغالية الله يوفقك
خفقتها وصارت رهيبة ,
الله يسر أمورك ويرزقك ماتحبين .
أختي .... اول شي لازم تكون الكريمة باردة حتى تنتفش .... لا تخلينها برى الثلاجة وبردي زبدية الخلط تبع الخلاط مع ريشة الخفق في الثلاجة حتى تضمنين الحصول على كريمة جامدة ومنفوشة بشكل جيد .....
واذا كانت الكريمة غير محلاة ( بدون سكر ) ضيفي لها سكر بودرة اثناء الخفق بقدار ربع كوب سكر لكل كوب كريمة سائلة ....

ممكن على طول تحشين فيها الكيكة او تزينينها اذا كانت الكيكة باردة ( لا تحطينه ابدا على الكيكة الدافيه والا بيسيح معاك وبتشربه الكيكة ) .... ممكن تخلينه بالثلاجة لحد ما تبرد الكيكة واذا جهزتي الكيكة اخفقي الكريمة فقط بالملعقة حتى يسهل عليك التزيين .....

ملاحظة .... اثناء خفق الكريمة .... لما تجمد الكريمة بشكل جيد توقفي عن الخفق ... لأن كثرة الخفق تجعل الزبدة الموجودة في الكريمة تنفصل عن مكوناتها وتصير محببة وغير ناعمة وما تصلح للتزيين ....
أبدعي ... فأنت في عالم حواء






الساعة الآن 08:07 .