تكفون يابنات الفزعة ابي اسوي لزوجي حفله قدام حمولتي مابي الفشله ساعدووووووني....
[أخواتي زوجي اخيراً قبلوه في الماجستير بعد عنا وواسطات وابي اسوي حفله له يوم الخميس عند حمولتي تكفون اتحفني بافكاركم اكيد كل وحده ماتحب الفشيله فحطو مكانكم مكاني وش راح تسوون وش الحلى او التقديم متدري كيف ابد او اخطط تكفون ساعدوني .............
21-02-1428 هـ, 07:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أنا زعلانه منكم كلكم ان شاء تنحطون مكاني وتنحرجون الله يسامحكم مراح ادخل المنتدى ابد
22-02-1428 هـ, 11:39 صباحاً
 
مرحبا حبيبتي...


الف مبروك لزوجك..

وإن شاء الله ياخذ الماجستير والله يسهل عليه الوصول للبي يبيه...


أول شي لازم تحددين وين بتسوين..وتجهزين مكان الحفلة..من طاولات..وأواني..وصحون..وملاعق.


إذا تبين تسوي غدا..

أريح لك تاخذين ذبيحه...وتسوينها بالمطعم...


وعليك تسوين باقي الأشياء...


من سلطات...ومقبلات...وحلى...



لو عشا...

تقدرين تسوين أشياء واجد...إذا ما كنتي بتسوين رز...

وتقدرين تسوين رز بالمطعم..بس مو تكثرين...مدري بس أحس الرز أوجه على السفرة...حتى لو كان أرخص شي..


تسوين صواني...مكرونة..سمك محشي ومشوي بالفرن..بروستد ربيان أو ربيان بالخلطة...

تقدرين تنوعين بالمقبلات...ورق عنب..سبرينق رولز..كبة..سمبوسك..متبل..أو بابا غنوج..حمص..وغيره...


تسوين أنواع الحلى...


والأفضل تسوين حلى بارد..بحيث تسوينه قبل بيوم أو يومين..وعادي تخلينه بالفريزر...

وبالنسبة للورق عنب..سبرينق رولز..كبة..سمبوسك..تقدرين تلفينهم..حتى قبل 4 أو 5 أيام..وتفرزنيهم..

ويوم الحفلة تسوينهم...


والعصاير إما تسوينهم أو تاخذين عصير طبيعي من المطعم...


وأي خدمه..لا تترددين تطلبين...



أتمنى لك التوفيق..وترفعين راس زوجك بالحفلة...



في أمان الله..
22-02-1428 هـ, 12:36 مساءً
 
22-02-1428 هـ, 03:04 مساءً
 
الله يوفقك انتي وزوجك ....واذا تبين تسوين حفله اهم شي ترتبين من قبلها زي ماقالت الاخت قطعة السكر طاولات ...ملاعق...صحون واهم شي الورد حاولي تشترين ورد طبيعي وتنثرينه على الطاوله بيعطي منظر رائع ...
سويله الاكله المميزه اللي هو يحبها من ايدك واذا تبين تعطينه هديه اعمليله كيكه مصوره عليها صورته من اي محل حلو جنبك...بالنسبه للحلويات سوي 4صواني حلا مميزه وماشاء الله منتدى حواء ماقصر مليان اختاري اللي يعجبك وافضل وجود الارز لانه بيريحك من كثرة الاصناف
سوي اصناف طبعا جنب الارز مثلا سمبوسه...... صينية بطاطس بالدجاج.....سلطات تبوله ...فتوش..
الكبه انا افضلها جاهزه مدري عن ذوقك.....
سوي كشري على طريقة فديتك رائع...

بفكر واذا في شي جديد رجعتلك...
22-02-1428 هـ, 03:28 مساءً
 


الساعة الآن 12:04 .