الحقووني الحليب انكب على الموكيت

اختي عطر الكادي حطي عليه اسمك بتروح الريحه حطي عليه ملح الطعام وخليه لمن بكره وبعدين اشفطيه بالمكنسه وحطي ثاني عليه

تسلمين ياقمر على الكلام الحلو بجرب طريقتك ويارب تنفع

دائما الحليب بالذات يترك ريحه خايسه انا لي طريقه اذا انكب شي عالموكيت ماتخلي لاريحه ولا بقعه
جيبي اي علبه فاضيه خصصيها للموكيت ويكون طرفها رفيع مثلا علبة الاناناس المحلى اذا فكيتيها من فوق وفضيتيها استخدميها وممكن كاس بلاستيك يكون سميك شوي

الطريقه
جيبي المجرفه .. الجاروف .. احنا كذا نسميه
واضغطي بالكاسه على المكان اللي انكب فيه واسحبيها ناحية المجرفه الى ان تسحبي كل الكميه اللي انكبت من الموكيت

وبعدين حطي في الكاسه شوي مطهر + نقاط من الفيري + شوي ماء
كبيهم على المكان المراد واسحبي بالكاسه بنفس الطريقه الاولى
بعدين صبي شوية مويه من غير ماتضيفي عليها شي واسحبي المويه بنفس الطريقه السابقه

اخر شي جيبي فوطه نظيفه تكوني مخصصتها للموكيت واضغطي عالموكيت ونشفيه زين وماراح تلاقي بها الطريقه ولا بقعه ولاريحه غير ريحة المطهر والنظافه

تسلمين اختي جوودي تقصدين بالمجرفه الشياله اللي تجي مع المكنسه الصغيره؟؟

هلا عطر ايه هذي هي اللي اقصدها