بنات انا طبخي محسه حلو مدري ليش حتى زوجي يقول تعلمي من الطبيخات

والله اني ابذل جهدي بس مايطلع حلو كل الطبخ بدون استثناء


لما اروح للناس اشوف طبخهم يهبل وخاصه الريحه تجنن انا مدري ليش طبخي عادي وريحته عاديه

واغلب طبخاتي تخرب وارميها


بالله عليكم ساعدوني


زوجي صار يجيب الاكل من برا

لانه صار يكره كبستي واداماتي وش الحل

أول شيء ابشري انك بتصيرين احسن طباخة مادام عندك العزيمة وحب التعلم

فيه أشياء أساسية في الطبخ خاصة الرز

1- خلي البصل يتكشن زين يعني يصفر ويميل إلى البني الفاتح وحطي عليها البهارات وخليها تنحمس شوي مع االبصل
2- حطي الدجاج وخليه يأخذطعم البصل والبهارات ( بعض الناس يصبون الموية على طول )
3-بعدين اضيفي الطماطم وحركيه شوي وتطلع موية الدجاج على نار هاااااااااااااا دئة
4- بعدين الماء المغلي ( احذري الماء البارد)
5- تكونين منقعة الرز من فترة
6- مرق من الطماطم والبهارات
7- اضيفي الرز وخليه على نار عاليه اللين يبدأ ينشف وحطي هنا فلفل حار حتى يغير ريحة الرز ويعطيه نكهة مميزة

قصري على النار وخليه حوالي نصف ساعة على نار هادئة
وبعدين اغرفيه وبالعافية

سوي هذه الطريقة بالتحديد واتبعي التفاصيل وباذن الله يبيض وجهك عند زوجك وعلميني
نفس الشيء مع الايدامات كثري البصل وخليه يتحمر واضيفي الثوم والبهارات المطحونة ثم ضعي الخضار اللي تحبين
وخليها تستوي عاى نار هادئة
وبالعافية
لاتنسن التسمية في أول دخولك المطبخ واسالي الله ا لبركة
والله يوفقك
صافي الود استانست يوم شفت اسمك
جود حبيبتي شوفي الدعوه كلها تجارب خذي دفتر و قلم اكتبي متلآ ك رز=ك ماء وكل يوم سوي مقس معين حتى تضبط معاك الطبخه اتمنا انك فهمتي قصدي
عيونى خذى طبخات من المنتدى وطبقيها حرفيا وخصوصا ان لها خطوات
مصوره واتبعيها وراح تشوفى كيف يمدحك زوجك والله يسعدك يا قلبى


اسألك يارب باسمك الأعظم .. وبصفاتك العلى .. أن تفرش لهذه الغالية دربا من .. نور
وتجعل وجهها دائما مسرور .. وتملأ قلبها بذكرك يا غفور ..
وتجعل لها الصراط سهلا للعبور .. وتجعلها في الجنة أجمل من الحور . .

ولك بالمثل يالغاليه ...







الساعة الآن 10:11 .