السلام عليكم

أخواتي العزيزات

قبل أسبوع تقريباً إشتريت هذا الجهاز



طبعاً لعمل القهوة و الكابتشينو

وانشغلت مااستخدمته من وقتها

اليوم جيت ابستخدمه و أبشوف اشلون أشغله لقيت الكتالوج مو فيه معاه مع إنه كان موجود

المهم اللي تعرف تستخدمه تقولي الطريقة بالتفصيل الممل لاهانت

وسلامتكم
26-02-1428 هـ, 10:41 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله ماعندي علم فيه

للرفع ...وان شاء الله تلاقي من يجيب لك على تساؤلك
27-02-1428 هـ, 12:25 صباحاً
 
هذا الجهاز للقهوة بجميع أنواعها : الأسبريسو أو الكابتشنو أو الموكاتشينو ( الموكا )
واحسن نوع قهوه هو Melitta
أو فيك تشترين بالكيلو من محلات القهوة مثل بارنيز أو جوفريز
برضه فيك تستخدمين بن القهوة التركية بس ما يكون عليها هيل

طريقة الأستخدام

توضع القهوة في المكان المخصص( اللي زي الملعقه اليد السوداء اللي فوق)ويكبس البن بشكل جيد بأستخدام الملعقة أو أي أداة مناسبة اذا كان ماجا المكبس معاها وتركبيه مكانه
تحطي المويه من فوق وتقفليه
فيه موزع لأتجاه المويه أما من جهة القهوة أو من جهة البخار ( راح نرجع لطريقة استخدام البخار بعد شوي )
تحطي على اتجاه القهوة وبتشوفين القهوة تنزل في الكوب لين يمتلي وبكذا نكون انتهينا من تحضير القهوة ( اسبريسو )
علشان نخلي الاسبريسو كابتشينو نحط حليب في كوب ثاني ونقرب سطح الحليب لين يادوب يلامس فتحة البخار وبعدين نحول موزع المويه جهة البخار ( علشان نسوي رغوة حليب ) ... بعد يصير عندنا رغوة حليب ... نضيف شوي من الحليب للأسبريسو وبعدين الرغوة من فوق وبكذا يصير عندنا كابتشينو

عدلت الموضوع علشان اقولك .... أدعيلي
27-02-1428 هـ, 01:23 صباحاً
 
الله يوفقك ويبارك فيك
انا من زمااااااااااااااااااااااااان امنيتي اشتري لي ماكينه كابوتشينو بس ما اعرف استخدمه واللي عندي يحطمني يقول تشترينها وتخزنينها لانك ما راح تعرفين
بس الحين ابشتريها وانا مرتااااااااااااااااااااااااااااحه
27-02-1428 هـ, 02:01 صباحاً
 
الغريبة :

كفاية ياعسل مرورك و رفعك الموضوع يدل على خلق رفيع

سكرة حنطة :

روحي ياشيخة إلهي يحقق لك كل أمنية خطرت أو ستخطر على بالك و ييسر لك كل عسير و يبارك لك في كل أمر
وربي داعيتلك بدون ماتطلبين

أبجرب اللي قلتيه و خليكِ ياقمرة على الخط يمكن أحتاجك

الشابة :

و إياك ياحلوة
و الله أنا مثلك و اخيراً تجرأت و أبشوف اشلون عملها لكن القهر من الكتالوج مدري وين راح

تحياتي لكن
27-02-1428 هـ, 03:05 مساءً
 


الساعة الآن 01:06 .