omlmar @omlmar
عضوة فعالة
انا منيب فاضي ؟
بنات انا مليت من حياتي عندي واحد هدفه في الحياة هو يعيش سعيد تخيلوا بنات قالي هالاسبوع بندخل السوق نجيب ملابس للبنات ودخلت انا وياه اربع مرات يقولي لا تدخلين اي محل روحي محلات الاطفال على طول قلت بيختصر الوقت يوم خلصنا اغراض البنات قلت له ابغا محل على طريقنا ابشتري كريم اساس قال لا منيب فاضي ليش كذا ويرجعني بسرعه ويطلع يسهر مع اصدقاه لين الليل كرهت حياتي بسبب اصدقاه تخيلوا بنات يوميا يروح يركض لهم ليش مدري وياليتهم صاحين اصدقاء سوء ما يتكلم هو وياهم الا بالكلام الفاحش لا وتحسبون قال منيب موديك وبس لا ويجلس يتكلم علي هو يروح لاهلي مره في الاسبوع لان استراحة اخوي بعيده يقولي انا مابي اشوف اهلك واعرفي انك ما يهمني تروحين لاهلي بدون مناسبه غير انواع السب حتى السفر ما يبغا يسافر عشان ما يتركهم وش رايكم؟
8
855
يلزم عليك تسجيل الدخول أولًا لكتابة تعليق.
omlmar
•
شكرا يالمحترمه على ردك فيك الخير ولله المشكله يابنات كثيرين يقولون لي اطلعي من بيتك وخليه عشان يحس بقيمتك وانا طلعت كثير ما حسيت ان هذا الشي نفع معه وانتم وش رايكم؟
أم عطاء
•
اختى انا لن اقول جربى الدعاء لان الدعاء ليس تجربة بل هو حل مضمون وكونى على يقين بذلك وعليكى بالاستغفار والصدقة واقرأى سورة البقرة كل ثلاثة ايام حتى يخرج الشيطان الراقد فى بيتكم وكل بيت لا تقرىء فيها سورة البقرة وتصدقى ولو بشىء يسير وداومى على الصدقة..................ولا تنسى الدعاء الدعاء الدعاء وتوكلى على الله وريحى بالك واتركى المشاكل معه حتى يحب بيتك وعليكى بالصبر لانه فى البداية سيستغرب الوضع ولكن تعاملى معه بلطف وقابلى السيئة بالحسنة وتوددى لاهله وسترين النتيجة ................باذن المولى جل وعلا.......................ولا تتركى بيتك هناك حلول مجدية بالفعل انتى لم تطرقى بابها بعد ...................وتقربى الى الله واتركى اى شىء فيه معصية لله حتى يتم عليكى الله نعمه الظاهرة والباطنة..................وربى يصلح مابينكم ويوفقك يارب ويسخر لك زوجك حبيبتى.
يا قلبي اغلب الرجال كذا والله زي حالي,,,الحمدلله ,,مالنا الا الله في هالدنيا,,,حاولي تجربي النصايح وباذن الله ربي ما يخيب دعاكي وان الله ليستحي ان يرد يدي عبده صفرا,,,ماااااااااااااااا اكرمك يا رب.... والله المستعان
الصفحة الأخيرة
والله يهدي زوجج
انا عانيت مثلج واااااايد وكانت نفسيتي تتعب من طلعاته لربعه وتخيلي كان ما يرد الا الفجر!
وكنا ببداية الزواج واضل لج بروحي في البيت
وكل ما ادق عليه يقول جاي جاي
ويتااااخر
وانواع المشاكل كانت تصير لما يجي
وصلنا لحد انه يكره يقعد معاي بسبة المشاكل اللي تصير من هالموضوع
اضطريت اروح اقول حق رفيجتي تقول لزوجها يشوف لي حل وياه
بس ماقدر يعطيني حل هو الاخر
وضليت سنتين على هالحال الكسيف
تالي رفيجتي عطتني رقم واحد اخصائي اجتماعي وترددت اتصل فيه لاني مو متعودة اكلم رجال
لكني اضطريت لاني عاااااااااانيت
ولما اتصلت ماقول انه مافادني
بس عطاني كلام حلو وماقدرت اطبقه لانه صعب بالنسبة لي
قال لي المرأة تقدر تعجن الرجل كيف ما تبغي
بس تعرف المفتاح شنو
قال لي شنو هوايات زوجج؟ وشنو يحب؟
قلت له السياسة زوجي سياسي بحت
قال لي حاولي تاخذين وتعطين وياه بهالسوالف
قلت ما احب السياسة ولا افهم فيها قال لاااااا حاولي مو تبين زوجج يقعد معاج ويترك ربعه؟ قلت بحاول بس ماقدرت لانه صعب ادخل بمجال السياسة:eek:
وحاولت بالطيب وما نفع
وبالهواش وما نفع
بالصراخ ما نفع
مثلت الطيبة والطيبة والرضى
همممممممم بعد ما نفع
بعدين ماقدرت الا اني ادعي الله في كل وقت ياربي اهدي زوجي لاني تعبت ومابيدي حيلة
سبحان الله
عقب فترة صادته تجربة صعبة بحياته افترق عني 5 شهور لاسباب كانت اجبارية وتعبت نفسيته وهو بعيد عني عقب ما رجع صار يتاسف لي ويتسامح وندمان على الاوقات اللي قضاهم مع ربعه ويخليني ومستغرب شلون انه كان يسوي جذي
فجربي كل الحلول وادعي الله
ومسامحة طولت عليج
بس كنت ابي افيدج
وتقبلي تحياتي