مساء الخير جميعا
يابنات اكيد استغربتوا من العنوان بس اذا عرفتم القصة بتعذروني
هذا سلمكم الله زوجي راح يتقهو عند زميله وقدم له حلى غريب عجيب وطريقة تقديمة اغرب
يوم شافه زوجي حسب انه بخور وموضوع في صندوق وهو عبارة عن دوائر بنيه يقول والله العظيم مافية فرق بينها وبين البخور ابد
والحين زوجي طلب مني اسويه له ولكن ماعرف المقادير ولا الطريقة تكفون يابنات اي واحد اسمعت فية او تعرفة تكتب طريقته
والله يجزاكم الف الف خير واعذروني على الاطالة
27-02-1428 هـ, 05:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي مس جامعيه
(اتوقع تقصدين حلى معمول الدواسر)
ممكن تكتبي الطريقة الله يجزاكي خير
27-02-1428 هـ, 05:59 مساءً
 
السلام عليكم ورحمه الله وبركاته
هذا هو الحلا و أسمه المعمول الدوسري ممممممرة لذيذ و أنا زينته صراحة طعمة كذا
المقادير
2كيس شعيريه باكستانيه
علبه حليب نستله المحلى المركز
4جلكسي الساده
للتزيين
بسكوت اوريو ( تمسحين القشطه الي داخله وتطحنينه )
الطريقه
تحمسين الشعيريه على المقلى بدون زيت او زبده حتى تتحمر بعدين تحطينها في الخلاط وتحطين معها الحليب والجلكسي
بعد ما طلعينها من الخلاط تصير زي العجينه الينه كوريها كور صغار بحجم المعمول الدوسري
بعدين غمسيها في بسكوت الأوريو المطحون
وبيصير شكله نفس المعمول الدوسري
27-02-1428 هـ, 06:07 مساءً
 
مشكوره حبيبتي على الموضوع
ومشكوره حبيبتي ينبوع على الامانه وسرعه الفزعه تسلمين وجزاك الله خير
27-02-1428 هـ, 07:02 مساءً
 
فيه طريقة ثانية تحمسين الشعرية بدون زيت وتخلط مع بنت بتر وشوي حليب مركز وتعجن وتكور وخذي شوي من الشعريه وحمسيها غامق شوي واخلطيها مع البسكويت عشان تصير مثل اعواد البخور وغلفي فيها الكور هي نفس خطوات الطريقة الأولى بس الحشوه غير أن شاء الله تعجبك
27-02-1428 هـ, 09:22 مساءً
 


الساعة الآن 09:34 .