السلام عليكم ..

شخباركم يا احلى ناس ؟

انا والله اني فاقده امي الحبيبة هالفتره بطريقة مو طبيعيه ..يطولي بعمرها <-----تمهد لكم السالفه

حبيباتي .. انا الحين مسويه نفسي فلته قدام زوجي وقاعده اطبخ له هاليومين لان انا وياه مسافرين لظرف ما ..

اول الايام شحلوني مع المعكرونه ..

بس الرز .. الررررررررررررر رزززززززززززززز ززززززززززززززز زز طفرني من عيشي مو عارفه شلون اضبط المقادير ..

ابي اسوي رز مشخول الله عادله اليوم انحرجت والله ... سويت لزوجي خوووش دجاج بالكاري ماخذه الطريقه من اهني من هالمنتدى العسل .. ياربي طلعت شي رهييييييييييييي ييييييييييييييي ييييييييييييييي يييييييييييب الطعم خيالي ..

لكن الرز المشخول الله لا وريكم .... حصى حصى حشى مو اكل استغفر الله العظيم

انا حطيت 2 كاس رز مع 4 ماي وم ك ملح وزيت وخليته يغلي 6-7 دقايق

وبعدين شخلته من مايه ... وحطيته مرة ثانيه بالجدر مع مسحه زيت بالقاعه ..على نار هادئة جدا وعلى قاعده معدنيه لمده ربع ساعه

هاذي ثالث مرة اسويه مايضبط ..؟ بنات يرحم الله والديكم قولولي شنو الغلط

الله يجزاها خيييييييييييييي يييير ان شاء الله اللي بتعلمني الطريقه واكون لكم شاكرة

ارجوكم انا بسفر ومضطرة اطبخ لزوجي ... تكفون لا تردوني خايبه .

على الله سبحانه من ثم عليكم

اختكم

هلا عزيزتي..
أولا الله يردك سالمه غانمه لديرتك..
ثانيا أهم شيء يكون االماء اكثر من الارز بمقدار 2سم..
ولا تشخلينه أكبسيه..يعني خلي الماء يغلي بعدين ضيفي الارز..وقصري عليه النار بعد ما يفوح ..وقبل لا تطفين النار حطي عليه شوي زيت او زبده..
وان شاء الله تضبط الطريقه انتظرك تعلميني..

شكرا كنافه عالتوقيع
السلام عليكم .... حابه اقولك طريقتي بالرز لاني عانيت مثل معاناتك اول زواجي والله لا يورجيك كم طنجرة رز خربت ........المهم اذا بتساوي بالرز الطويل البسمتي ما يبغاله نقع كثير يعني اغسليه وانقعيه عشر دقايق وبماي النقع حطي رشة ملح وبهار خفيف وبعد كذا ساوي طبختك وحطي الرز وفوقه ماي بقدر عقلتين من الاصبع يعني من سطح الرز لحد عقلتين اصبع حطي ماي اما المصري فيبغاله نقع نصف ساعه و بماي مايل للسخونه و بماي النقع حطي مثل ما قلت ملح وبهار والملح حتى لا يخبص وبعد ما تصفي ماي النقع ( وهذا لجميع انواع الرز)حطي عليه زيت واتقلبيه قبل ما تبدأي طبخ والان ولجميع انواع الرز بعد ما حطينا الماي بمقدار عقلتين حطي القدر على الغاز وتكون النار عاليه وغطيه واتركيه لحد ما يتشرب يعني يكون الرز باين و في نفس الوقت لسه الماي خفيف وهنا الخطوه المهمه جيبي اي كيس نايلون او قصدير ودخلي اطرافه بجوانب الرز لحد ما يتغطى بالكامل وجيبي وغطيه بغطا القدر و وطي عليه عالاخر يعني تنويس خفيف واتركيه ثلث ساعه او على حسب مقدار الرز وياالله شو حيكون طيب هذه الطريقه استخدميها دايما واذا يوم حسيتي الرز مو مستوي جيبي نص كاس ماي حار وحطي نص قرص ماجي فيه وذوبيه واعملي فتحات بالمعلقه بالرز وديري الماي بالفتحات وغطيه بكيس النايلون او القصدير ونوسي عليه عالاخر اياكي تحركي الرز اياكي رح يخبص .............ز استنى تجربتك واي استفسار انا حاضر
الرز صعب ضبطه لاكن مع التعلم تلاقي نفسك تسوينه تلقائي دون اخطاء حتى لو زدتي او نقصتي تلاقيه يضبط معك000
اول ماتدخلى المطبخ اغسلي الرز ورنقعيه بماء حار
وكشني بصل وثوم وعود قرفه او(بصل وثوم مجفف) وفلفل حار و3ملاعق زيت وكشني الين يذوب ضعي الدجاج او اللحم وخليه يتقلقل معه الين يتداخل الطعم وتحسي اللحم طلع ماء شوي اضيفي الماء وحبه ماجي (انا مافضل الطماطم والبزار بالرز وان كنتي تحبينهم اضيفيهم اثناء اضافه اللحم)
بعد ماينضج 000
كشني في قدر بصل وزيت وعود قرفه وعودين قرنفل واضيفي الرز وماء اللحم او افرزي اللحم واضيف الرز للقدر الاول
وخلي الماء زايد على الرز 2 او 3 سم واضبطي ملحه وزيته والماجي وافضل الابيض
(اختياري)
كشني جزر مبشور او شعيريه محمره مع زيت وبصل واخلطيها مع الرز
(الحشوه)
بصل -زبيب- زعفران وليمون اسود
نقعي الرز البسمتي بموية حارة 10 دقايق أو ربع ساعة
صفيه من موية النقع وحطيه بقدر وضيفي عليه ماء حار او مرقة اعلى من مستوى الرز ب2 أو 3 سم
وزيت وهيل وملح وماجي أبيض
وعلي النار لحد ماتبدا الموية تغلي
ارخي عليه وغطيه وخليه يستوي على مهله
حتى لمن تنشف المويه حتشوفيه لسا ما استوى بس خليه يكمل السوى ع البخار لمدة ربع ساعة يعني لا تشيلي الغطا عن القدر لمدة ربع ساعة
وان شاء الله يضبط معاك
وسلامتك


الساعة الآن 01:55 .