Analysis Services
البلاد والراجحي والاهلي الاسلامي وبس لانه مافيه ربا
باقي البنوك ربوية لا يجوز التعامل معها
07-03-1428 هـ, 07:50 مساءً
 
up
08-03-1428 هـ, 06:09 مساءً
 
انصحك ببنك البلاد مرة تعاملهم راقي ويستقبلوك وانتى داخلة ومافي زحمة ابدا ومرة سهل تعاملهم وديكورات فخمة ومافي ربا

رحت الراجحي واسغربت تعاملهم زحمة وديكورات قديممممممممممممممة ومافي تعاون ابدا
08-03-1428 هـ, 06:16 مساءً
 
والله لاسامبا ولا راجحي ولا غيره غير بنك البلاد لاتدورون يمكنه عشانه جديد ماتدرون عن خدماته المميزه جدا جدا واللي مو موجوده بالبنوك كلها واهم ميزه فيه انه ماياخذ منك ولا ريال رسوم لو حتى انشاء الله رصيدك 100 ريال مااخذو منك ولا شي وغير كذا مايشترطون منك اي مبلغ لفتح الحساب وبطاقة الصراف مجانيه ماعليها رسوم والاحلى من كذا انه اذا ضاعت بطاقتك ولا صار فيها شي عطوك ثانيه ومجانيه ولو بغيتي الف بطاقه عطوك مجانيه لالالا كله كوم وشكل بطاقه الصرافه حقتهم مرررره تجنن وشكلها بناتي ورديه وعليها ستراس حركتااااااااات
وحسابك تقدرين تتحكمين فيه وتسوين فيه اللي تبين عن طريق النت ولا التليفون
والمحفظه مجانييييييييييه لا وعندهم عرض التداول عن طريق الفرع مجاني ومن غير اشتراط اي مبلغ وتخفيض على معاملات البيع والشراء 50%
والتداول عن طريق الانترنت 600 ريال بالسنه مع التخفيض50%
والاهم من هذا كلها تعاملهم مرررررررره راقي ويكفيك انه اسلامي 100%

لا وتسديد الفواتير فوري زي الراجحي تنقطع فاتورتك من هنا واول ماتسددين على طول ينشبك



وعندهم الحين حساب جديد اسمه حساب البلاد هذا الحساب مثل الحساب الجاري بالظبط يعني تحت تصرفك مبلغك في اي وقت وعليه بطاقة صراف وتقدرين تحولين منه او عليه وعليه كشف حساب بس ميزته عن الحساب الجاري العادي انه ينزل لك ارباح شهريه بطريقه شرعيه بس بشرط انه من واحد الشهر ميلادي الى اخر الشهر ميلادي يكون في هذا الحساب 20,000 وما فوق
يعني مررره خطير للي عندهم مبلغ وجالس بحساباتهم الجاريه لاشغل ولا مشغله


بالنسبه لاجراءات فتح الحساب المطلوب
بطاقه احوال اذا عندك فقط وتكفيك
او اذا ماعندك بطاقة احوال وعندك دفتر عائله + جواز السفر
او اذا ماعندك جواز سفر يكون دفتر عائله + جيبي معك اي وحده معها بطاقة احوال تعرف عليك
واذا ماتعرفين احد جيبي دفتر عائله مع احد من محارمك يعرف عليك
يعني مررره سهله الاجراءات
08-03-1428 هـ, 10:47 مساءً
 
8
8
8
شكلي بروح للبلاد أفتح حسابي هناك
ماشاء الله عليك يامحبة المفروض البلاد توظفك عندهم نعرفي تشرحي مميزات وخدمات البلاد
مشكورة عزيزتي...
09-03-1428 هـ, 10:54 صباحاً
 


الساعة الآن 11:32 .