مرحبا بنات ..
انا نفسي بشقة تمليك بس تكون شوي وسيعة مو زي شقق هالايام
كانك في جحر ضب
انا شفت نموذج من شقق الصعب حلوة على نظام دورين بس كانت بحي غرناطة
و المنطقة موحشة و ظلمه ... تخوف الصراحة ...


انا ابي بشرق او شمال الرياض ..
ياليت تساعدوني .. لاني بجد تعبت من التدوير و اخاف مع الوقت اخذ شي ما يستاهل
و اتندم .. لان باقي شهر و نطلع من بيتنا هذا و مافي وقت



هلا الغاليه
والله ما عندي فكره انا مثلك صرت افكر بشقق تمليك
بس مشكله زوجي عليه قرض فما ادري هل يقبلون بعض الشركات انه يسوون له تقسيط للتمليك وهو عليه قرض
وعلى فكره اللي شفتيها بحي غرناطه كيف نظامهم وكم اسعارهم وهل هي وسيعه وحلوه او حد مادحها لكم
وعن طريق اي مكتب

الله يعينا
هلا والله
اللي شفتها وراء شركة سابك . عند كمباوند بريطانيين ..
وسيعة الصراحة و فيها مجلس و صالة كبيرة و مطبخ فيه غرفة صغيرة للخدامة و غرفتين نوم .. و الدور الثاني فيه غرفة نوم منفصلة مع حمام .. و سطح
بس المنطقة ماعجبتني ... شوفوها يمكن تعجبكم ..
عن طريق مكتب الحميدي .. بس ماقدر اكتب الرقم هنا ..
بس فيه تموينات اسمها تركي قريب للكمباوند .. اتركيها على اليسار و امشوا سيدا تلقون العماير يسارك ... دوروا بين العماير بتلقون لوحة اكيد .. معليش بتتعبون بس تجربة تستحق المحاولة


طيب ارسلي لي الرقم على الخاص للمكتب

والله شكلها حلو على ما توصفي، وما عاد يهمني المكان اهم شي ما في مجاري هههههههههه

بس كم سعرها اللي شفتيها؟؟
اقتباس مشاركة  (مليكة القلم)
طيب ارسلي لي الرقم على الخاص للمكتب

والله شكلها حلو على ما توصفي، وما عاد يهمني المكان اهم شي ما في مجاري هههههههههه

بس كم سعرها اللي شفتيها؟؟
اسفه حبيبتي .. دورت الرقم لقيته راح من كثر المكاتب اللي دقينا عليها انا وزوجي
بس هذي اللي شفناها كانت مسكونة سنة و معتقه ..
حاولي تدقين على الاستعلامات و اطلبي مكتب الحميدي .. ممكن تلقونه و اذا مالقيتوه روحوا الحي اللي قلت لك عليه و دوروا .. ترا انا سويت كذا امس انا و زوجي لين طحنا على لوحة مكتبهم




الساعة الآن 03:39 .