Analysis Services
بسم الله الرحمن الرحيم
السلام عليكم ورحمة الله وبركاته ....اخواتي الغاليات في ديار الغربة تحية معطرة بدهن العود والكادي
ابغى مساعدتكم بليييييييييييييييييييييييييييز ...
انا مغتربة في كانبرا العاصمة وادور لولدي يكمل 3 سنوات في جولاي القادم وبنتي تكمل سنتين في نوفمبر القادم ان شاء الرحمن ..ادور شايلد كير او وحدة تمسك عيالي ابي ادرس لي لغة صار لي سنتين في استراليا مااعرف احد ولااطلع وزوجي دايم مشغول وانا من كثر الجلسة والقهر جاني الم في المعدة من كثر عصبيتي ومللي
والله مليت ...بليز خواتي اللي تقدر تساعني لاتبخل علي والله يجعله بميزان حسناتكم ..انا لغتي الانجليزية ضعيفة وفشيلة ارجع ديرتي مااعرف اتكلم كلمتين على بعض ..
والله مقهورة ودايم ابكي بسبب الروتين والملل ...لاطلعات ولاروحة ولاجية محبوسة بهالجدران
تكفوووووووووووووووون وتكفى تهز الرجاجيل داخلة على الله ثم عليكم اللي تقدر تساعدني لاتبخل علي ولها دعوة صادقة في ظهر الغيب بقضاء حاجتها ورجعتها سالمة الى ديرتها ... وسلامتكم
08-03-1428 هـ, 05:13 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا حبيبتي كيفك وش اخبارك ودي والله اساعدك بس انا في سدني وملياااااااااان سعوديين ماشاء الله وعرب
اكيد حتى كانبرا فيها على الاقل عرب
دوري انتي واسالي وحاولي تتعرفين على ناس حتى لو اجانب اما تقعدين في البيت وتستنين الناس يجونك هذي مستحيله
حبيبتي كلنا ازواجنا مشغولين ولا نشوفهم لكن ماسكتنا
اطلعي قضي اغراض البيت اطلعي لعبي عيالك فاقرب حديقه تجرأي شوي وصدقيني بتقابلين ناس وبتتعرفين عليهم
وبالنسبه للحضانه اذا هم مثل سدني وهذا الاكيد تكلفك في اليوم49دولار تخيلي وانتي عندك اثنين
وعلى فكره احنا هنا بنات سدني مجموعه كبيره نبي ندرس بس عندنا مشكلة الاطفال الله يعين
ما حبيت اطلع من الموضوع بدون ما ارد
الله يسهل امرك ويفرج عليك
08-03-1428 هـ, 05:34 صباحاً
 
مشكورة الغلا على ردك وتجاوبك معاي وانا هذا اللي قاهرني ان سدني مليانة عرب كانبرا فيها عرب بس مو مثل سدني انا ز رت سدني وتمنيت نكون هناك لان فيها بحر والعاب وشي يفتح النفس وجوها حلو بس كانبرا جوها بارد جدا في الشتا
على كل اسعدني مرورك بموضوعي ومداخلتك اللطيفة تقبلي تحياتي
08-03-1428 هـ, 05:59 صباحاً
 
الف شكر لك بالعكس تمنيت لو افيدك اكثر
عموما الله يوفقك وخلينا دايم نجتمع هنا في الملتقى
سلاااااااااااااااااام
08-03-1428 هـ, 07:02 صباحاً
 
الله يخلي لك عيالك
اسمعيني وانا اختك فيه حل يمكن يساعدك عندك معاهد تقدم دورات بارت تايم يعني دوام جزئي
ثالث ايام او يومين بالاسبوع ادخليها وعيالك بحضانه حتى هم بعد يتعلمون ينبسطون يشوفون اطفال مثلهم
وابتسمي للحياة لاتقولين ليتني في سدني ولا في مدري وشو
اطلعي وشوفي عمرك موب لازم سعوديين ومصيرك تتعرفين على اي احد ان شاء الله يابانيه المهم تكلمي لغه
واذا الوضع صعب تعلمي بالبيت واطلعي بعيالك مره بالاسبوع او الاسبوعين للحضانه وتكلمي مع الموجودين يسمحون لك تبقين مع اطفالك ومنها تبسطينهم شوي ومنها تحتكين بالناس
وسعي صدرك الحياة حلوه بس اعرفي كيف تتعاملين معها
08-03-1428 هـ, 08:55 صباحاً
 


الساعة الآن 08:53 .