كيفكن يادبدوبات ...
في يوم من الأيام وأنا اختخت بين المنتديات وجدت قصص أشخاص نزلت أوزانهم بحمية متوازنة فأعطتني دفعة من الحماس على المواصلة على هذا النوع من الحميات فقلت أفتح موضوع نتساعد فيه مع أخواتي من عالم حواء ونضع فيه قصص النجاح في عالم الحمية ..
وحاليا عندي لكم قصتين :
الأولى: وهي منقولة من منتدى الإقلاع لعضو اسمه (راعي المميز)
والقصة كما يرويها:
"ودي اشاركم بتجربتي المصورة
كــان وزني 90 وطولي ماش مو مرة حوالي 174
يعني يبين علي دبدووووب
وانا مصيبتي اذا سمنت على طول يبين علي , وبالذات خدوودي
المهم بديت الرجيم بتاريخ 28- 10 - 2006
يعني بالضبط صارلي اربع شهور
وزني في اللحظة هاذي ----> 71
هنا كم صورة قبل وبـعـد
قــبـــل
بعد
نظامي اليومي تقريبا ما غيرته من اول ما بديت
بس الي مصبرني انه كل يوم ربوع اتعشى الي ابيه .. بس طبعا بكميات معقولة
يعني بالانقلش Reward ur self once a week
المهم فطوري واحد من الاثنين ذولي
ثلاث حبات وتابكس مع حليب منزوع الدسم
احلى ما فيه ان طعمه رهيب ويشبع بشكل مو طبيعي ... يصبرك لين الغدا
كيلوقز سبشل مع حليب منزوع الدسم
موجود بنكهات مختلفة في السيفوي
مررررة خفيف , بس انه ما يشبع الصراحة , يبيله معه حبة توست او شابورة او تفاحة
الغـدا واحد من هذولي الاثنين
صـب واي
طبعا اختار الـ 12 انش - الحجم الكبير -
احيانا ترياكي , او ستيك , او بي ام تي
بس اهم شئ الخبز بر , و بدون جبن , وبدون صووووص
لان الصوص والجبن (حتى لو كان لو-فات) يرفع السعرات في الساندويش
انا ما حط معه الا خس و مخلل
واكيد بيبسي دايت عشان يشبعك صح
كوزنوز صب
زي نظام صب واي , بس يمكن الذ شوي
ترى بالنسبة لي صب وي يشبعني اكثر , وما يخليني احس بالذنب
تخيلوا حوالي اربع شهور ما تغديت في البيت .. امي حقدت بعد
وحقون صب وي عطوني كرت VIP من كثر ما هبلت فيهم
الى الان كل شئ تمام
للاسف نظامي ما في اي سناااااااك
يعني اذا جعت اروح اشرب مويه
بالنسبة للعشا
في ساندويش عند دايت شوب (الي عند مجمع النمر) اسمها chickeen ساندويتش
فيها تقريبا 250 سعرة , تشبع نوعا ما , بالذات لو معها بيبسي دايت
واذا ما فيني حيل اطلع , اكل 2 توست اسمر مع زبادي منزوع الدسم
واذا كانت حالتك صعبة اشرب لبن منزوع الدسم , كاسة طبعا , لانها تشبببببببع
احيانا كنت اجوع لدرجة احس اني بمووووت
الحـــل : رح نام
ايه وربي النوم يطير الجوووع
نقطة ضعف الرجيم في الويكند
صعب الواحد يلتزم .. بس مع ذلك اذا الواحد اضطر ياكل يحاول يخفف
مثلا كنت في مادونالدز , خذ لك بيق ماك بدون بطاطس
ترى ما فيها الا 500 سعرة حرارية
بينما برجر ( تشيلي لافا ) من هارديز فيها 1200 سعرة لحالها !!
ما بالك مع البطاطس
نجي لاهم شئ
الرياضة
6 مرات في الاسبوع
ويوم راحة على كيفي اختاره
افضل اخليه يوم الجمعة او الربووووع
رياضتي عبارة عن ركض لمدة نص ساعة , احرق فيها 300 سعرة
ونص ساعة تعتبر ممتازة
كنت كل يوم سبت في الصبح اقيس وزني
ومر على اسبوعين نشبت على وزن 75 .. بغيت انهبل
عندي دفتر صغير اسجل فيه وزني كل يوم سبت
وعندي دفتر ثاني اسجل فيه اراء الشباب الي لاحظوا اني نحفت
عشان ارفع معنوياتي لا اكثر
حاول قبل لا تبدا رجيم تصور نفسك من كل مكان وتحطها في سي دي وتنطلها في دولابك
هذا الي سويته انا
لا وبعد نص ملابسي رميتها فوق الدولاب وما جربتها الا بعد ثلاث شهور
يمكن اصعب شئ في الرجيم انك تحس بالعصبية .. مزاجك يصير ماش
بس يبدا يتعدل المزاج بعد اول شهر
ونصيحة .. انسى انك مسوي رجيم ... ولا تطالع نفسك كثير الا بعد 3 شهور على الاقل
يعني انشالله السمستر هذا يكفي ان الواحد يغير من شكله نهائيا
عموما الــ Target حقي هو 67 لاني نوعا ما قصير
"اسمعي بقول لك قصتي مع الريجيم وانتي احكمي
انا من ايام الجامعه كان جسمي وسط .. مرات يزيد مرات ينقص بس still ماعليه كنت البس مقاس 38
لما حملت وزني صار ينقص وكل مره اروح للدكتوره تقول لي ياويلك لو ماجيتي زايده الشهر الجاي ع الاقل كيلو ..
ولدت والحمدلله لما انتهيت من فترة الاربعين كنت البس نفس ملابسي عادي كنت بموت من الفرحه واقول من قال الولاده تسمن
المصيبه انو بعد الولاده بشهرين انتفخخخخخخت والله صرت دبا دبا مره
جاني اكتئاب بقوووه .. خصوصا انو توظفت وعمر ولدي 4 شهور
كنت اطفش وانا اروح للدوام ما يعجبني لا لبسي ولا شي, الشي اشتريه حلو واذا لبسته عفته
لقيت وحده بالدوام برضو توها ولدت اتفقنا نسوي ريجيم
ياربييه كانت انواع العذاب الموظفات كلهم يجيبون حلويات ومعجنات وفطور يفتح النفس
وانا وزميلتي شابوره نخاله وشاهي
وبالبيت اكل صدر دجاجه والعصر مرات اكل بذرة الكتان تراها فظيييييييييعه للتنحيف
ومرات اشرب اكليل الجبل وهذا من جد روووووووعه وغير كذا يجيب لك النوم اللي فيها ارق تشربه
والعشاء كان زبادي او سلطه او اي شي
من جد كنا انواع الحرمان ..
كنت متحمسه اروح اقيس وزني بس اقول لا يابنت اصبري لما ينتهي الشهر ع اساس
تفرحين بكيلوات كثيره
ونهاية الشهر لما قست وزني صرت نازله بس كيلو ومو كيلو كامل ناقص كم جرام
انواع الاحباط وجلست ابكي من القهر .. كلمت زميلتي صارت مثلي نازله كيلو ونص بس
كملنا ريجيم ونهاية الشهر الثاني قست طلعت نازله 2 ونص بس
بغيت انهبل واروح لدكتوره قلت ابيها تقيس وزني بنفسها اخاف الميزان اللي عندي مضروب
طلع نفس الشي وزني ما نزل من بداية الريجيم شهرين الا 3 ونص
ما تتخيلين كيف نفسيتي صارت زفت
غير تريقة زميلاتنا بالدوام يقولون ذابحين نفسكم شهرين ولا نشوفكم تغيرتو
انا وياها طنشنا كلامهم اللي يصبرنا كان انو لنا يوم مفتوح ناكل فيه وجبه على كيفنا .. مره بالاسبوع
وبعدها كنا ناكل حبة زينيكال اذا كانت دسمه مره
بدينا بالشهر الثالث وكنت احس جسمي ينزل بس اقول اكيد يتهيأ لي لاني من جد بديت احس بالاحباط
من انو ينزل ..
لما انتهى الشهر الثالث وقست وزني ياربييه ما تصدقين نزلت 7 كيلو وقسم بغيت انهبل
اطلع وانزل ع الميزان كل شوي مو مصدقه
انا كنت حاطه ببالي انزل 15 كيلو بس كملت بعد ثلاث شهور ثانيه ونزلت فيها 7 كيلو
وصار المجموع 17 كيلو بـ 6 شهور تقريبا
والله لما انتهيت من الريجيم ملابس الدوام صارت واسعه كلها .. واااو وناسه رحت اشتري ملابس جديده
الفرحه اللي تحسينها وانتي تقدرين تلبسين اي شي تسوى الجوع والاحباط اللي تحسينه وقت الريجيم
تخيلي بعد الريجيم وحده من زميلاتي قالت لي بعترف لك باعتراف
تقول اول ما داومتي عندنا اقول بنفسي يالله مسكينه تلبس ملابس حلوه بس ابدا ما تبان عليها عشان سمنتها
اللي ابي اوصل له من هالكلام انو عادي تحسين بلحظة ضعف بالريجيم ولحظة تحبطين فيها
وتحسين انك بلحالك لكن بالاخير اهم شي عزيمتك وهل انتي تبين فعلا تنحفين او لا
اذا ايه معناها لازم تكملين خلي ببالك لحظة لما تقيسين وتلقين وزنك نازل 20 كيلو
واااااو وناسه هاللحظه من جد ما تتقدر بثمن"
بصراحة هذي القصة حمستني اتابع واترك الميزان شهر كامل