اخواتي الغاليات
انا استخدم المايكرويف احيانا او في الحالات الطارئة فقط و سمعت ان الحامل مو زين انها تكون واقفه امام المايكرويف عشان الموجات هل هذا صحيح؟

وعندي سؤال ثاني الله يسعدكم
عملية الخياطة اللي يسوونها بعد الحمل اللي سمعت انها ترجعك مثل البنت هل يسوونها بعد الولادة مباشرة ؟ السؤال هذا لاحد الاخوات سألتني عنها مو لي لان بالنسبة لي انا خايفة من الولادة بكبرها ولا افكر اسوي هالعملية بحكم اني اول مره احمل بس خوفي من الولادة بشكل ما تتصورون ما ادري ليه لدرجة اني فزيت من نومي البارح وكنت اتخيل اني قاعدة اولد و اتألم .. كل يوم يمر اخاف من موعد الولادة اذا قرب الله يستر ما ادري ليه الاحساس هذا يراودني

وشكرا لكم اخواتي .

ام سلطان

بالنسبة للمايكرويف انا ماعندي فكرة كبيرة عنه بس انا اللي سمعته عنه مثل اللي سمعتيه يعني ان الموجات اللي فيه مضرة بس مو متاكدة من الحكي
بس انا لما كنت حامل كنت اتحاشي اني اوقف قباله والمشكلة اني استعمله كثييير سواء اول او الحين الله يعين

بالنسبة للخياطة انا صاحبتي دكتورة نساء وولادة وسالتها من زمان عن هالسؤال او بمعنى اصح كنت اسولف لها عن بعض الحريم اللي يفضلون الدكاترة اللي يسوون هالنوع من الخياطة بعد الولادة فهي قالت انه مو صحيح . العمليات التجميلية ماتتسوى بعد الولادة مباشرة واللي يقول كذا يلعب عليكم (على ذمتها) فحبيت اقولك اللي سمعته منها

بالنسبة للولادة اختي اتكلي على الله وصدقيني شئ وراح تنسين الالامه نهااااائي
يعني انا الحين لي اربع سنين من بعد ماجبت بنتي والله مااذكر الامها

انا اخذت الطلق الصناعي والله لايوريك حار بحار ورا بعض
بس بعد كم ساعة اخذت ابرة الظهر
يعني ممكن انتي تحاولين تسالين المستشفى اللي تتعاملين معاه وتسالين دكتورتك قبل الولادة
وترا موضوع انها خطرة او لها اثار جانبية مو صحيح
يعني دكتورتي بنفسها قبل مااولد سالتها عشان كنت متخوفة منها استغربت اساسا اللي قلته وقالت احنا الطبيعي اننا نعطيها الحريم في كل الولادات
اهم شئ في الموضوع كله انك تتكلين على الله و*****لله كل شئ بيتسهل

*****الله اكون فدتك ولو بالشئ القليل

اختك
بنت الخزامى
مشكورة اختي الغالية والله يطمنك ويطمن قلبك دايم .. الظاهر اني بحاجة لنوع من الطمأنينة عشان يخف شوي علي التفكير بموضوع الام الولادة .

بس ما ادري انا سمعت ان الولادة من غير الطلق الصناعي افضل ؟ هل هذا صحيح ؟ و ابرة الظهر هاذي ما تخوف ؟ <--- كل شي يخوفها

مع جزيل الشكر
اختي ام سلطان
الطلق الصناعي ماينعطى الا للحامل اللي يعدي موعد ولادتها
انا كنت مفوته اسبوعين كامله
واظن ان الطلق الصناعي والطبيعي واحد غير ان الصناعي يبدأ حار بحار يعني مو زي الطبيعي ياخذ وقته

بالنسبة لابرة الظهر انا ولدت بنتي في امريكا وعندهم هنا اللي مو طبيعي انك ماتطلبينها
اقولك لما سالت الدكتوره عنها قبل الولادة قالت لي غريب اللي تقولينه انها مضرة ولها اعراض جانبية
قالت حنا ماعمرنا سمعنا عن هالاشياء

المهم انا اخذتها والحمدلله الى الان مافي اي مشاكل
صاحبتي كمان ماخذتها في ولادتها الثانية والثالثة والحمدلله مافي مشاكل بعد

مثل ماقلت لك انتي استفسري عنها
والله يكتب لك مافيه الخير *****الله

بنت الخزامى
السلام عليكم

اختي ام سلطان

صدقيني اغلب آلام الولاده نفسي وهذا يؤكده الاطباء

انت شيلي من راسك ان الولاده صعبه او مؤلمه

فكري بالي يحصلك حقيقي اثناء الولاده

حتحصلي انها آلام بسيطه بالنسبه لافكارك

وعليك بالدعاء اثناء الطلق بان الله يسهل عليك

وتذكري الاجر والمثوبة من الله

صدقيني حتكون ذكريات حلوه وانتي تطالعي طفلك وهو يصرخ

صرخة الحياة مااجملها من لحظه تنسيك كل الالم

ويارب تولدين بالسلامه :24:


الساعة الآن 09:36 .