لو سمحتوا عاوزة أعرف ما هى مقادير الأرز والماء الذى يضاف إليه حتى يطلع مضبوط مش معجن ياريت تساعدونى وبسرعة
وكذلك لو أضفنا الشعرية له ما هى المقادير فى التسوية
ولاء

بصي الرز المصري

تضعي نفس كميه الرز مايه
ولما بتضعي الشعريه بيتهيا لي بتكون الكميه قليله ما بتكون كتيره لدرجة انك تضيفي لها مايه زياده


بصي وصدقيني الرز مهما قلنا لك مقادير
مش هتتعلميه غير لما تعمليه بنفسك اكتر من مره

وتشوفي تزودي اد ايه او تقللي اد ايه


يعني انتي جربي كوب مايه لكوب الرز

وبعد كده شوفي الرز كان محتاج شويه والا كده كويس بالنسبه والا ايه


التجربه احسن حاجة عشان تتعلمي



وبصي عشان مايعجن

اول ما يغلي ع النار الرز والمايه مع بعض وطي النار وخليها النص
واتركيه يغلي كمان 10 دقايق وبعد كده قللي النار جدا لدرجه انها بسيطه اوي هتنطفي واتركيه 1\3 ساعه

وبعد كده شوفيه هتلاقيه ان شاء الله استوي

جربي الطريقة وقولي لي رايك
{ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَ ا قُرَّةَ أَعْيُنٍ }


اختى الحبيبه ---شوفى يا ستى الرز المصرى سهل وحلو وطعم
اعملى بس زى ماهقولك----انا شخصيا احنا 3 افراد فى البيت انا وجوزى والبنوته اللى بناكل الرز البيي لسه شويه عليه رغايه انا
المهم ياستى انا بعمل 4 اكواب ونصف من اكواب الشاى الصغيره اللى بتقدموا فيها الشاى فى السعوديه
الطريقه بقى 1-تغسلى الارز كويس قوى قوى بعد ما تنقيه من اى حصوات او اى شيء
2-ضعى ملعقتين زيت (النوع الذى تستعمليه) فى الاناء الذى ستطبخى فيه الارز واضيفى اليه نصف ملعقه سمن للطعم
3-حمرى مقدار 3 ملاعق شعريه تحمير خفيف حتى يصبح لونها ذهبى<<<----اوعى تحرقيها
4-تكونى صفيتى الارز بعد الغسيل وتضيفيه على الشعريه وتقلبى جيدا جيدا
5-اضيفى مقدار الملح المناسب لك انا اضع نصف ملعقه ملح واستمرى فى التقليب لمده حوالى 5 دقائق <<<<----على نار هاديه شويه
6-اضيفى الماء(مشكله المشاكل)<<<قال يعنى فاهمه كل حاجه مقدار الماء بقى لما يغطى كميه الارز اللى انتى استعملتيها ويكون اعلى منها بحوالى قيراط----القيراط هو سمك الاصبع
7-غطى على الارز والبوتاجاز عالى حتى الغليان
8-اول مايغلى انقليه على الشعله الصغيره ووطيها على الاخر واتركيه حتى ينضج ولا تفتحى الغطاء عليه كل شويه لان ده بيسبب تعجنه وعدم نضجه يعنى هياخد تقريبا 20-30 دقيقه بالكتير
9-لما يتشرب الماء بتاعه كله افتحى عليه وقلبى جيدا حتى ان كان فيه حبات لسه مااستوتش تستوى
وبالهنا والشفاء وانا كده كفيت ووفيت جربى وقولى لى
لو مش عاوزه تحطى شعريه ممكن تحمرى معلقتين رز بدل الشعريه وتكملى الباقى
وانا حاضره لاى وصفه ارزيه مصريه
متشكرة لكم يا جماعة وأنا إن شاء الله هجرب الطريقة وهقولكم على النتائج
أنا سويت الرز يا بنات وطلع مية فى المية ربنا يخليكوا ليا


الساعة الآن 10:32 .