يا بنات ساعدوني حاكوني اي شي او شو اعمل :(

كيفكن بنات شو اخباركن
على فكره انا الي فتره ما عم فوت كتير على القسم لانو عليي امتحانات :09:
والله يا بنات مضغوطة ضغط مو طبيعي :(
بس نشالله الله يفرجها يا رب
بتعرفو في عنا مادة اسمها مايكرو بيحكو عن االامراض وادويتها احلى شي انو هي الفتره كل المادة عن البيبي والاصابات الفيروسيه والبكتيرية الو وهيك و انو البيبي ما بيعطو عسل ولا اي اكل وشو الامراض ومن هالحكي وانا بعد بسرح بخيالي شو حاعمل بابني
ومين ما بشوفو عندو بوبو بحكيلو انو ما تعملو هيك ما تساويلو هيك
:hahaha: عاملة فيها دكتورة
المهمممممممم يا بنات انا كنت حاسه انو عندي التهاب وفعلا رحت عند دكتورة وحكيت بشرحلها وضع زوجي
المهم فحصتني وعطتني ادوية وحكيتلها عن جوزي انو عندو 6 ملايين وانو الدكتور التاني عطا جنسنج
بتحكيلي حبيبتي هدول ما بحبلو جاجه :09: :( وليه ما اجا معك وابصر شو
ولما حكيتلها هي الادوية تبع الالتهابات بتأثر على الحمل لانها انتي بيوتيك حكتلي ليه انتي اول حتحملي :(
والله يا بنات طلعت من عندها مو شايفه الضو وحكتلي راجعيني السبت :(
والله ما انا عارفه شو اعمل غير هم الامتحانات
وخلص عندي شعور انو ما رح احمل هاد الشهر من الادوية من الضغط النفسي
يا رب يا بنات ساعدوني احكولي تجربة هيك متل هيك وحملت احكولي شو ساوي :(
احكولي اي شي :(
انا لله وانا اليه راجعون بس