صارلي مده طويله انقطت عن طرح مواضيع والسبب مشاغل الدنيا .... بس اليوم من كثر ما كنت متحمسه قلت خليني اراويكم مشترواتي الجديده ... وتقولولي رايكم فيها ...
طبعا هاذي المجموعه من ايف سان لوران كان في عرض اخذ الكونسيلر مع المسكرا والغلوووس اللي لونه فعلا روعه روعه مع شنطه كيوووت ... وخذت معاهم البلاشر بلون البيبي بينك وطبعا لونه جدا طبيعي مع لمعه وايد ناعمه
هاذي المجموعه من كريستيان ديوووور طبعا اللي تبيع اليوم كان عندها عيد .. كل شي بدك تجربي هيدا وتلحقني شافتني هبله واشتري اي شي تقولي عليه .. خخخخخخ المهم وبصراحه خذت كل شي فيها وانا مقتنعه فيه خذت لونين هايت لايت اي شدوو مجموعه جديده وحده لونها لؤلؤي ابيض والثانيه ذهبي على بني وكنت ابا اللون المووووف يا ويلي على الموووف بس للاسف كان مخلص :(
وخذت اللاين الجديد من الايلاينر والكحل وخذت قلم اي لاينر بلون الموف على قولت البايعه هاذي اخر قطعه :42: .. ومعاهم خذت الكولكشن اليديد اللي معاه بلاشر وغلوس وشدوو لونه اسود بلمعه ..
امااا الغلوسات ياويلي عليهن والله ياخواتي صح غاليات تقريبا الغلوس 95 درهم لكن فعلا يستاهل واحد على شفاف مع جليتر والثاني على قولتها توتي على لحمي بس فعلا يجنن وناعم على الشفايف ..
والشـــــــي اللي فعلا ارتحتله وايد وايد وايد .. تعرفون .. شووو ؟؟؟؟؟؟
المنظف 3 في 1 يا ويلي عليه كيف ناعم ويزيل المكياج بسهوله يعني هو مزيل للمكياج للوجه والعين والشفايف .. يعني للعيازااات اللي مثلي ...وريحته حلوه ...
المجموعه الثالثه .. كانت من ميكب فورايفر .. من كثر ما مدحولي كريم اساس بودي اند فيس فاونديشن اخيرا اقتنعت واشتريته .. وفعلا طلع على المدح تسلمون يا بنات حواء :22:
وطبعا خذت معاهم البيس اللي يوحد ويرطب طبعا هذا انا دايما اخذه ومرتاحتله وايد .... وخذت معاهم باليت الكونسيلر ....
واخيرا العطور .. خذت هالثلاثه عطور نيني ريتشي عطري المفضل .. ومادري ليه حنيت لجادور القديم وخذته وخذت معاهم الووور من شانيل .. وخذت مونت بلانك وستيلا بس هالعطرين عطيتهم الوالده فديتها ادعولها بالصحه والعافيه .. ان شاء الله يخليها لنا ..
وهكذا خلصت جولتي في باريس غاليري قسم المكياج ...:) واسمحولي على التصوير مب واضح بس اذا في اي استفسار تراكم على هالخشم :hahaha:
اتمنى اشوف رايكم في مشترواتي اليديده اللي حبيت اشاركم فرحتي فيها :26:
اغراضك مرة حلوة ..تتهني فيها ياارب
بس كان نفسي اشوف غلوسات ديور بصورة قريبة ..
عطورك روعة خاصة نينا مرة حبيتو وسار عطري المعتمد رسمياً
بالعافية عليك يارب