aquarius @aquarius

عضوة نشيطة

ميك اب آرتيست و الخبيرات ممكن تريحوني من حيرتي

السلام عليكم و رحمة الله و بركاته

كيفكم بنات؟ إن شاء الله بخير

محتاجه نصيحتكم

بشرتي مختلطه , أسمر فاتح و عندي هالات سودا خفيفه تحت العين عند الزاوية الداخلية للعين

* أبغى أشتري أساس سائل ما تكون تغطيته قويه و محتاره بين اثنين

1) أساس ديفينورا من جيرلان

2) أي أساس من ميك اب فور إيفر مناسب للبشره المختلطه

* أبغى أشتري بودره مضغوطه و محتاره بين اثنين

1) بودرة جيرلان الذهبيه

2) بودرة كانيبو

* بالنسبه للكونسيلر , عندي من ميك اب فور ايفر الباليت اللي فيها 5 ألوان

بس للأسف عمري ما استخدمته و أعطاني النتيجه اللي أبغاها (ما عرفت أستخدمه صح)

و أحسه ثقيل

أما الكونسيلر القلم من ايف سان لوران و ديور ما ناسبني يعطي لون رمادي

ايش ترشحولي كونسيلر خفيف و يخفي الهالات ( ما يعطي لون رمادي )؟

1) ليفت كونسيلر من ميك اب فور ايفر (tupe ) العصار

2) كونسيلر جفنشي السائل ( نصحتني بيه الأخت مريومه )

3) أو أي نوع آخر ممتاز جربتوه

* آخر حاجه , أبغى قلوس قوامه خفيف و من غير الحبيبات اللي تلمع

آخد من ماك و لا نارس و لا جيرلان (kiss kiss )؟

آآآآسفه طولت عليكم , بس مالي غيركم

و شكرا

في انتظاركم

يلزم عليك تسجيل الدخول أولًا لكتابة تعليق.

تسجيل دخول

ام قمور • 17 سنة

اقدر افيدك بالكونسيلر والجلوس لان بشرتي موب مختلطة ومااحب اذكر شي الا عن تجربة

بالنسبة للكونسيلر عندك full cover من فور ايفر هذا رهيب

بالنسبة للهالات فيه طريقة بتنفعك ان شاء الله انتي عندك الباليت اللي من فور ايفر جيبي اللون الغامق وحطيه على الهالات طيب بعدين جيبي الدرجة اللي تناسبك ووزعيه فوقه عشان مايطلع لك اللون الرصاصي

تقدرين تستعملين النوعين السائل والباليت يعني الغامق من الباليت وفوقة السائل من الفور ايفر او الماركات اللي عندك اذا لسه باقية

وبالنسبة للجلوس جيرلان فظيع ونارس ميك ارتيست تمدحه كثير

aquarius • 17 سنة

ام قمور ... شكرا يا قلبي الله يسعدك

إن شاء الله حاجرب طريقتك في الكونسيلر بعد ما اقرر و اشتري النوع السائل

الجنــ ام حمد يـبي • 17 سنة

اختي انا بشرتي مختلطه نفسج ... بس انا مب سمرا ... وجربت الاساسين دينفورا من غيرلان .. وميك اب فورايفر ...

بالنسبه لدينفورا الاساس مالهم تغطيته روعه بس للمناسبات بالاضافه ان يعطي اشراقه روعه ..

واذا فورايفر .... انا ااستخدم حاليا بودي اند فيس فاونديشن احسه خفيف واستخدمه للجامعه .. يعني للاستخدام اليومي ..

بالنسبه للبودره .. انا بعد استخدم الاثنين .. بودره غيرلان حلوه واييييييييد اذا بشرتج مافيها اثار حبوب وبقع لونيه :( وبصراحه وايد احبها .. وكانيبوووو تغطيتهااااااااااااااااا ممتازه لدرجه ما تتخيلينها .. والزبده ... اشتري بودره كانيبو وتوكلي على الله ..

الكونسيلر ... انا بعد عندي الباليت واسوي نفس طريقه اختي ام قمور..

الغلووسات .. بصراحه انا اعشق الحبيبات اللماعه في الغلوس وتبين الصدق ما عندي ولا غلوس مافيه هاللمعه عشان افيدج ... بس ممكن تشترين قلوس شفاف من اي ماركه وقبلها تحطين روج من اللي تحبينه بس يكون خفيف يعني طبقه خفيفه .. وفوقها الغلوس الشفاف يعطيج نفس النتيجه ..

عشان تثبتين الغلوس .. اولا استخدمي محدد الشفايف .. والشي الثاني قبل الروج حطي مرطب الشفايف لاليبو واتركيه فتره بعدين حطي وانا احيانا اكتفي بالغلوس فوق المرطب لان يكون في لون خفيف .. ويطلع وااااااااااو

لهلووووبة • 17 سنة

بالنسبة للفاونديشن كل الاختيارات الللي حطيتها ممتازة
أما البودرة فأنا استخدم ايف سان لوران منفتره ومرتاحة عليها قدن
والباقيات بصراحة ماقدر أفيدك فيهم لأني ماجربتهم :)

الكونسيلر مثل ماقالت الأخت أم قمور
وجربي بعد تشترين لون على أورانج أو لون على موف
سمعت إن هاللونين يلغون السحنة الرمادية
طبعاً تلقين الألوان تنباع منفصلة في فور إيفر ..
وبالنسبة للكونسيلر الباليت من فور ايفر هذا أطلق كونسيلر
معليش حاولي معاه مره ومرتين وبتضبطين إن شاء الله
وزعي قبله كريم مرطب خاص بالعيون
ووزعيه بطريقة التربيت على المنطقة مو دهن ...تربيت خفيف
والكونسيلرات السائلة من جميع الماركات بتعطيك نفس نتيجة ايف سان لوران
كلها تعتبر تغطيه خفيفة جداً

والجلوسات أنا بصراحة جربت كريولان رااااائعة
شانيل ناعمة وثابته
ماك حلوة بس ماتثبت

وموفقة

aquarius • 17 سنة

الجنــ ام حمد يـبي... مشكوره ما قصرتي :26:

أنا أبغى الأساس للمناسبات , لأني ما أحط في الدوام أساس

ردك أوحى لي بفكره , أشتري أساس ديفينورا من قيرلان و بودرة كانيبو المضغوطه

في انتظار ردود أخرى