Analysis Services
كيفكم يابنات
السالفه وما فيها اليوم كنت مقرره اني اسوي لازانيا على الغداء
طبعا قلت خليني اشوف الطلبات كامله لكن اكتشفت انه مافي دقيق عشان الباشمل
ياربي ايش اسوي رز امس اكلنا ونفسي اسوي مكرونه قشطه عشان اسوي فيها الباشمل السريعه كمان ما عندي
قلت خليني ادخل حواء يمكن القى عندهم حل لطريقة مكرونه لكن للاسف ماوجدت وما عندي وقت اسألكم
ياربي ايش تسوي يا.............( يعني اسمي)
وفجاه وجدتها ( ايش ياامي نيوتن زمانك )
سويت مكرونه باالطلبات الموجوده ( خلصينا طفشنا )
اول شئ سلقت المكرونه ( مكرونه صدف واقلام) حاولوا ماتكثروا ملح عشان لسع حنحط جبنه
وبعدين في زبديه صغيره نصف كاس ماء دافي ذوبي فيه حبة ماجي بعد ماتذوب اضيفي لها ثلاث ملاعق جبنه كرفت كاسات وحركيها حتى تمتزج
بعد ما تستوي المكرونه وتصفيها اضيفي لها الماجي مع الجبنه وقلبيها كويس
في قدر ثاني سوي لحمه مفرومه مع البصل وبعد ماتستوي اضيفي لها نصف علبه صلصه مخففه بشوية مويا وحطي ملح وكمون وفلفل اسود واتركيها تتسبك شويه ( المفروض تكون ناشفه إلى حدا ما)
في صينيه افرشي المكونه ورشي شوية زعتر وبعدين اللحمه وكمان شوية زعتر ( الزعتر الناشف الي
ينباع في السوبر ماركت في علب بلاستك)
وبعدين على الوجه بشرت جبنه كرفت عشان ماعندي مازوريلا ودخلتها الفرن عشان تذوب الجبنه
وكنت مقرره اسوي سلطه وأنا اقطع السلطه قلت لنفسي اخ لو عندي جبنه بارميزان أو مازويلا
وفجاه تذكرت انه عندي في الثلاجه جبنة الناتشوز السائله ( اكلنا نصف العلبه مع الناتشوز يوم الخميس واحنا نتفرج على فلم)
رحت اخذت الجبنه واضفتها على الوجه مع الجبنه الي كنت حاطاها من أول وتركتها في الفرن إلى أن احمر الوجه
وبعد ماخرجتها من الفرن طلع شكلها حلو وطعمها امممممممممممم لذيذه جدا جدا
حتى اولادي يا ماما كمان يا ماما كمان
جربوها والله مرررررررررره لذيذه ما راح تندموا
13-03-1428 هـ, 05:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله عليكى تسلم ايدك
13-03-1428 هـ, 05:47 مساءً
 
تسلم يدك
13-03-1428 هـ, 07:24 مساءً
 
يسلمووووووووا
13-03-1428 هـ, 08:05 مساءً
 
وااااااااااااااااااااااااااااااااااااااااااااااااااااااااااااااااااااااو من جد رهيبه
13-03-1428 هـ, 10:08 مساءً
 


الساعة الآن 06:52 .