شخباركم بنات الصراحه مافكرت انزل الموضوع الطريقه الا بعد ما شفت موضوع اللي جايبه سر خلطه كنتاكي ولا اعجبتني فقلت انزل طريقتي
بس الطريقه اللي انا اسويها طعم حتى ما تلقينه في كنتاكي هذا كلامي وكلام زوجي واولادي جربوه انتو احكموا بأنفسكم
يله نبدا المقادير
المقادير :
بصل
ثوم
ليمون
خل
سفن نص العلبه
صلصة الصويا
ملح
فلفل اسود
كمون
كزبره
بهارات كاري
بهارات اكل
سماق
شوي زعفران اذا امكن
نضع كل المقادير في الخلاط ونخلطها
الى ان تصير زي الصوره اللي تحت
تجيبي 4 دجاجات وقطعي كل دجاجه 8 اجزاء
اغسليها بالماء ثم افركيها بالخل والملح وغسليها مره ثانيه بالماء
الان صبي الخلطه على الدجاج واخلطيها
الان غلفيها وحطيها في الثلاجه لمدة يوم وهذا يخلي طعمها رهيب واذا كنتي مستعجله خليها ساعتين
.
.
وهذي شكلها بعد ماخليتها تتبل لمده يوم
الان قلبي الدجاج في البيض وبعين في الدقيق
انا افرزنها في صينيه وبعدين احطها في كيس واذا بغيت اصلح على طول احطها بكيسها في ماء
واذا ذابت شوي اجيب صحن فيه ماء واغمسها مره واحده عشان يروح الدقيق الزايد(اسفه ماصورة هذا المقطع)
بعين احطها في الزيت على نار هاديه لمده من 4الى 5 دقائق وراعي ان لون الدجاج يكون زي ماهو في هذي الصور
وبعد حطيها في صينيه موضوع فيها شبك شوي عشان ما يحترق الدجاج من تحت
شغلي الفرن من تحت وحطيها فيه مكشوفه مدة نصف ساعه او حتى يستوي الدجاج
بعدها طلعيها وضعيها في حصن بجانب بطاطس مقلي مع كاتشب
وصحه وعافيه
وبنفس الخلطه ممكن تسوي دجاج مشوي
يعني بدل ما تقلبينها في البيض والدقيق لا على طول بعد بعد ما تتبلينها وتخلينها تتبل مدة يوم اشويها في الفرن
وهذا شكلها بنفس التتبيله بس من دون بيض ودقيق
واعذروني على الرغي الكثير ويله من بتجربه
واذا فيه اى صوره مو طالعه قولوا