حفل الزواج أزمة.. سهل الله امورك اذا ساعدتيني

السلام عليكم
أولاً مبروك عليك و الله ييسر لك و يكتب لك كل خير يا رب
ثانيا للاسف انا ما عندي خبرة بهالشيء
لأني للآن ببيت أهلي
ولكني أرفع موضوعك
ان شاء الله الاخوات يساعدونك
وتقبلي مروري
***
اللهم صلي و سلم على النبي محمد

غاليتي الله يوفقك فعلا اللحين كل شي غالي ولكن الاخت ديباج منزلة موضوع بتجهيز العروس مرة حلو أقرئية ان شاء الله يفيدك

قبل كل شئ مبروك الزواج
والسالفه اذا هونتيها راح تهون
بحالك ذي ماراح تستفيدين شئ ابدا بالعكس راح ياثر على بشرتك ونفسيتك

قبل كل شئ اكتبي كل الاغراض الي تحتاجينها من اعود الاذان الي الفستان
بعدين قسمي فلوسك على الاغراض مثل لبس السهرات بالمبلغ الفلاني ولبس البيت بالمبلغ كذا

واستغلي وقت التخفيضات على فكر بعض المحلات بدت مثل عندك واحه الجلابيه 70% وباقي الماركات بشهر 7
واذا حسيتي ان المبلغ مايكفي ممكن تتنازلين عن بعض الاشياء مثل فستان الزواج تستاجرين ولا تدفعين اكثر من عشر الالف على فستان راح يلبس كم ساعه بس
وانتي وتخطيطك

ولاتنسين حاولي تاخذين كل شئ وسط وعلى حسب ميزانيتك .. لاتهتمين بجانب وتهملين شئ اهم
واذا على الفنادق والزفه ممكن الدليل او جريده او حتى الوسيله تاخذين الارقام وتدقين وتسالين عن كل شئ وتسوين مقارنه بين المحلات وايهم احسن وارخص بنفس الوقت

والله يوفقك

مرحبا اميرة الكون والف مبروك
بصراحه مدري من وين ابدأ يبيلي صفحات اشرح بس بحاول اختصر ,, شوفي ياقلبي انا لافه الدنيا يوم زواجي شايفه الفساتين والقاعات ومافي شي رخيص
اذا كان زواجك مختصر على قولك 150 وتبين قاعه حلوه وفخمه وسعرها يعتبر الافضل مالك الا الشيراتون في قاعة الامير سلمان القاعه كأنها مجلس وتحطين كراسي بدون طاولات واللي يباشرون ويصبون هم الصبابات.واحجزي قد 70 شخص واعزمي 150 وطبعا لازم تستأجرين كراسي اللي على الارض حقت البنات يجلسون عليها عند المنصه وحوالينها يخففون وااااااااااااجد والكراسي بتلقينها في محلات تأجير الزل عند ابو يمن.
وانا بصراحه بس كنت دايره على الفنادق بس والقاعات الثانية القصور مدري عن اسعارها.
واذا كانت امكانياتك محدودة ليش تتكلفين؟؟
لازم تحطين زوااج؟؟؟ تراه والله خساير ومهما حاوليتي تقتصدين كل شوي بيطلع لك شي ,, لو تسوينه في بيتكم اخف مصاريف وااجد, وفيه محلات تجي تضبط لك البيت وتحط لك كوشة وطاولات وتزين البيت بالورد الطبيعي مع صبابات سنعات والعشاء من مطعم يضبط لك البوفية في الحوش مع طاولاته ويرتبه.
والناس اللحين صارت تسوي شبكة في البيت كبيرة يجون اهله واهلك المقربين والعرس يلغوونه

اكتبي لسته بالاشياء اللي لازم تشترينها مثلاُ:
1- ملابس داخلية (قمصان النوم لاتتكلفين فيها تراهم والله مايدرون عن شي هههههههه) وتلاقينها في الاندلس اشتري واحد شيك لاول يوم والباقي جيبي اسعارها عادية
والسنتايانات عندك الريس ممتاز وبرضو في الاندلس

2- ملابس للبيت برضو لاتتكلفين اشتري جنزات وتيشرتات بديهات مليان سيتي بلازا صحاري السدحان

3- ملابس رسمية جيبي كم تايور وطقم

4- ملابس السهره حلى حسب مجتمعهم او مجتمعكم عندكم عروس واجد ولا لا بس انصحك لاتكثرين يمكن تسمنين يمكن تحملين 2 يكفي

5-المكيااااج لاتكثرين الشي اللي انتي متعوده عليه يعني ماتجيبين عدة كوافير

6- العطور برضو لاتكثرين واشتري اصغر حجم لانك بتملين من الريحة .