اسال الله لي ولكم التوفيق
حنا ما ننكر اننا مقصرين بس والله ما باليد حيله
29-02-1431 هـ, 05:07 صباحاً
 
اقتباس مشاركة  (لوما الكثومه)
اآآآآآآآآآآآآآآآآآآآآآآه يانيراز

اااااااخ

انا مواصله من أمس ارسل مساجات رسايل خاصه
ايميلات بالموقع والاجتماع
ماحظر الا 8 اشخاااااص

اشكر الاخوات الحاظرات وتفاعلهم معنا


همس الليالي +عذبه المشاعر+ ام يزيد+ همومي كثيره+ تهاني العليان + ام عبد الله 2+ام عبد الاله
ان شاء الله يتنفد الاتفاق وبدأنا انا والاخت تهاني
***** المسوده وراح نرسلكم نسخه لاطلاع عليها
واعتمادها ومشكورات

سلامتك من الاهـ والاخ

بالعكس احسك بشرتيني 8 بنات اذا هذا انجاز عظيم وكفااااح بصراحه

بس قلتي كلمة حق في احد ردودك

اذا انتي تشتكي الظروف والبيت والبيبي والزوج على اي اساس تفتحي مركز يحتاج ويتطلب وقفة امراه متفرغه او بالاصح ما يثني كلمتها الرجال اذا ماكان لها العون ما طلع فرعون


بنات والله ثم والله اني قلبي متقطع عليكم ... عارفين ليه مش عشان حاسين بالخوف من الفشل لا لا هذا احساس طبيعي لأي احد يبدء في اي مشروع جديد عليه

لكن اللي قاهرني اللي تقول زوجها يطلع عيونها على المشوار وحده امس كاتبه موضوع زوجها شارط انها تشتغل بروحها شايفها مكينه حسبي الله ونعم الوكيل والا اللي ما يبيها تروح ولا تجي في مشغلها وحلالها


بنات اللي ابيكم تعرفونه ان مال المراه وتجارتها وحلالها لا يحق للزوج انه يمنع زوجته في طلب الرزق والسعي في التجاره هذ حق من حقوقك ولو منعك الزوج تقدرين توقفينه عند حده والادله في الشرع كثيره افتحوو الكتب واقراو عن حقوقكم الشرعيه لا تمثلون دور الانكسار والزوجه المطيعه ترا الطاعه مهي بهضم حقوقك وحلالك مافي احد راح يحرص عليه كثرك

لو هو فاتح مغسله بيعطيها هندي ويقوله عطني بالشهر المبلغ الفلاني بس حتلاقيه مع ذلك مرابط في المغسله 24 ساعه وصاجك ليل نهااار هذا شغلي هذا بزنس

انا ما اقول الا الله يصلحكم وينور قلوبكم ويهدي قلوبكم للحق الحق اللي انتم ضيعتووه برضاكم

انتم عارفين قبل امس واحد يقول لزوجي حن حرامين ما غير نصرف عليهم ما نشوف منهم فايده ما غير اكلا ومرعا وقلة صنعاا عارفين ليه قال الكلام هذا لانه سمع عن مدرسة زوجي راتبها 300 الف دولار في السنه وعشان ترد على اي استفسار لمجرد الرد لا يقل عن 2000 دولار

انا لما سمعت هالكلام ما قدرت اصبر رديت عليه مع اني احترمه بصراحه بس ايش اسوي ما احب الرجل اللي يقتل القتيل ويمشي في جنازته قلت انتم يالرجال اللي تبونها كذا اكلا ومرعا وقلة صنعاا ما تبونها تشتغل ولا تبونها تطلع ولا شي كل شي عنكم بحكم الحرام والعيب ولا تعرفون من الحرام والحلال شي وبالاخير لين شفتو الحق قدام عيونكم قلتو حريمنا حريمنا


يعني اصحووو فاهمين ايش معنى اصحووو

الرجال يحبون المره اللي تعتمد على نفسها ويكون لها دخلها الخاص غير دخل الزوج اللي ملزم انه يصرف عليها

يحبون المره اللي توقف وتقول هذا صح وهذا غلط هذا حق وهذا ظلم

اصحوو يا بنااات الزمن تغير والطفره وعز الزوج راااح ولى وانتهى

وعلى فكره ترا حتى المشاغل اللي سمحولكم تفتحونها ههههههههههههههههه والله ان الكيد كيد الرجال سمحولكم عشان تضيعون هالفلسين اللي مجمعينها وعشان يثبتون لكم انكم فاشلات وانتم يا غافل لك الله

وبالاخير يطلعك من المولد بلا حمص <<<<< كانها قلبت زهره اللي في مسلسل ايام السراب كل كلمه والثانيه طقيت بمثل هههههههههههههههه بس تروني والله مو مثلها بس الامثال هي خلاصة وتجربه امم فاحرصوو عليها يالغاليات

اذا ما تبون ترجعون للشرع والدين وكتاب الله والسنه النبويه المطهره وتعرفون اللي لكم واللي عليكم اقل شي اقرئوو في كتب الامثال تعرفون اللي لكم واللي عليكم لو شوي بس


ويالله الله يكتب لكم اللي فيه الخير
29-02-1431 هـ, 06:03 صباحاً
 
كيفكم يابنات و***** الله تكونو اتوفقتو بالاجتماع للاسف والله انا من الساعه 5فجرا الس الساعه العاشره صباحا وانا بالمطار بس للاسف لم يحالفنى الحظ بس كنت اتمنى من الاخوات الى بمدينة الرياض كان حضروا الاجتماع على العموم ياخت لومه عملنا الى علينا وبيكيفهم وعدم حضورهم لايخدمنا ولايوصل اصواتنا للمسئولين على العموم اتمنى ماحد بعداليوم يسال ويشتكى ويلطم على الوضع لاننا على قولة المثل النفخ بالقربه المخروقه مايجيب نتيجه انا حاولت جاهده اجمعكم ليرتفع الصوت وللاسف عموما شكرنا للاخت تهانى على مجهودها الجبار والشكر للاخت لومه لاستضافة الاخوات المهتمات واتمنى توصل الاصوات القليله الى المسئولين لوضع قوانين وانظمة جديده تخدم المصلحه العامه لسيدات الاعمال الذين يحاولون جاهدين لاثبات انفسهم بلمجتمع
29-02-1431 هـ, 06:19 صباحاً
 
يالحفيده

دخلت بعدك اقولك هاتي رقم الحجز بس شكلك رديتي وطلعتي

كان ممكن اعملك شي اذا انتي مقعد واحد كان والله خليتك تمشي بس عاد يالله ما الله كتب

والا والله شغلت جوالي السعودي مخصوص قلت اصج العالم اخليهم يطلعونك

بس الخيره فيما يختارها الله

والا كل شوي ادخل النت اقول هالحين بترسلي رساله وتقول هذا رقم حجزي

يالله الجايات باذن الله تكوني متواجده ونرتب لك الموضوع ولا يهمك
29-02-1431 هـ, 06:26 صباحاً
 
مشكوره اختى لومه على حسن الضيافه وعلى حسن الترحيب والكلمات اللى اسعدتنى وبالعكس انا مره مبسوطه بمعرفتك ومعرفه الاخوات همس وتهانى وعذبه وام عبداله وام يزيد وبصراحه استفدت مره من التجمع معكم وان شاء الله نبداء خطوه بخطوه لحل جميع المشاكل اللى تناقشنا فيها
29-02-1431 هـ, 08:46 صباحاً
 


الساعة الآن 09:04 .