رقم شخص متخصص بالكوافيرات اللي من تونس والمغرب ورقمه 0502405060 واسمه أبو شيخه

وسألته عن الرواتب قالي تونس من 2000 إلى 2500
والمغرب .....اللي سبق لها العمل بالخليج من 1500 إلى 1700
................واللي ما سبق لها العمل بالخليج من 1200 إلى 1400
* الله الله بالشغل الحلال لا نمص و لا توصيل شعر

رقم شركة عوارض لتجهيز الصوالين (في جدة 026745797 وعنوانهم شارع المكرونة جانب مجمع الشرق)
أما في الرياض فعنوانهم شارع الخزان جانب محل ألعاب الحسين وليس لدي رقمهم في الرياض
أما بالنسبة لشركة لوريال فانا كنت أتعامل مع المندوبة ولا اعرف مقر الشركة وللأسف المندوبة غادرت المملكة هذا العام

أنا اخذ الكراسي من نزيه والمكياج من كريولان والصبغات من كلستون والاستشوارات سوبرتربو والفراشي من نزيه بالنسبة للبس العاملات إحنا عندنا في الرياض عند إلي يبيعون مراييل المدرسة ومره شفت محل في شارع العطايف عند أدوات المكتبات يبيعها
بالنسبة للعاملات السعوديات وحده قالت لي انها تسوي عقد معها في الغرفه التجاريه عشان تضمن حقوقها

بالنسبة للنصائح :
صاحبة الصالون لازم تكون عارفة للمهنة بكل تفاصيلها يعني لازم تعرف متى تخطأ الكوافير ومتى لا؟؟؟ كيف؟؟ أفسر لك:
مرات الزبون يتلكك على كوفيرة وصاحبة الصالون توقف مع الزبون وانا أؤيد (فكرة الزبون على حق لأنه مصلحة المحل إرضاء الزبون ولكن ليس بعدما يغادر الزبون) مثلا مرات انت تعرضين على صاحبتك او قريبتك او جارتك انها تجي تعمل عندك خدمة بالصالون وهي لسبب او لآخر( ربما هي متعودة على صالون معين) لا ترغب بالمجئ لصالونك ولكن خجلا منك تأتي لصالونك وبعد حصولها على الخدمة وتكون ممتازة تقولك مو مزبوطة هون انت لازم توقفي معاها بس بعد ما تروح لا تلومي الكوافير لانو شغلها كان صح بس الزبونة مو رايدة تجي عندك؟؟؟؟؟
لذلك لازم تكوني عارفة للمهنة حتى تعرفي وين الغلط فعلا وين الصح؟؟؟؟؟؟؟ومو عيب اذا صاحبة المشغل تعلمت ووقفت بجانب البنات اللي عندها أيام (الهاي سيزون) رمضان - الاجازات ؟؟؟؟؟
وبعدين بامكان صاحبة الصالون تتعلم المكياج _تنظيف البشرة _ التسريحات_ وضع الصبغة _ حمام الزيت _فرد الشعر _والخ .....بشرط توفر الرغبة لديها
ترى مو صعبة ولا عيب بالعكس كما أسلفت هو فن راقي.........وأيضا لا تنسين هذا مالك؟؟؟؟؟؟؟؟؟
و اكيد الزباين امانة في عنق صاحبة المشغل بس أيضا لا تنسي انهم أمانة في عنق الكوافير أيضا اذا كانت تخاف الله أولا
وتخاف على سمعتها المهنية ثانيا..
كمان اقترح على صاحبات المشاغل انهم يفكروا بالبدائل في الفترات اللي يكون فيها العمل قليل مثلا عندك قسم خياطة اعملي
شوية عبايات او شراشف صلاة موديل جديد من تصميمك او أشياء أخرى غير العبايات وبيعهم ارخص من السوق بشوية انت بكذا تكوني شغلت قسم الخياطة .........عندك ركن فاضي تعاملي مع شركات تجميل تعرضيهم فقط بدون ما تشتري لتتجنبي الخسارة وتبيعين لهم وأنت تاخدي الأرباح وهما يأخذون فقط سعر الجملة
اعملي خلطات زيوت وخلطات طين وكريمات خاصة للبشرة تكون صحيحة ومدروسة 100% وأنت راح تربحي من ورآها لانو انت مصدرها الوحيد ما بالك لو حصلت على رضا الزبون
قدمي لزبونتك الدائمة خدمة مجانية بين فترة و أخرى بشرط ان تكون الخدمة ما تستهلك مواد أولية مثلا قص شعر (هي حديد أحسن ما يعلوه الصدأ والكوافير ترتاح خليهم اثنينهم في حركة) او فتلة عبارة عن مترين من الخيوط ........ او غسيل شعر
او بدكير و منكير وهكذا
اعملي خاصية ألvip لزبوناتك الدائمات واللاتي يقمن بعمل خدمات دائمة لديك
اعملي اشتراك شهري و3شهور ونصف سنة وسنوي وقدمي من خلاله عروض على خدماتك المميزة
حاولي جاهدة ان تكوني منسجمة 100% مع فريق العمل اللي عندك حسسيهم انهم مثل أخواتك لو كانوا قريبين من سنك او مثل بناتك لو كنت اكبر سنا منهم مع بقاء حاجز الاحترام موجود ولا تلعبي معاهم من البداية عسكر و حرامية ......
أنا لا أقول لك سيبي مالك لهم لا ؟؟ ولكني أقول امنحيهم الثقة ترى مو كل الناس بطالة فيهم الكويس وفيهم الخايس الله لا يجعلنا من هؤلاء ولا يجمعنا وياهم . اللهم امين
أنا شفت انجح شي نظام الأسرة مع الموظفات مادري هذه قناعتي الشخصية و إلا انتوا ايش رأيكم؟؟؟؟؟؟؟؟
بالنسبة للتدريب سيدتي جاري الاتفاق حاليا في الرياض مع سيدة أعمال سعودية لديها معهد خاص ولم نقرر بعد؟؟؟
****************************** ********
دور مديرة المشغل :
أهم شي علاقتك بصاحبة المشغل تكون ممتازة وتبينين لها أمانتك في كل شي لازم تشوف حرصك على المشغل وكأنه لكي وتثق فيك من بعدها راح تعطيك صلاحيات كثيرة
وتفهمين صاحبة المشغل ان يكون لكي دور ولا تهمشك قدام العاملات وتخليهم يرجعون لكي في كل شي وأنتي بجدارتك لازم تثبتين لها إخلاصك وأمانتك وحرصك
ثاني شي لا تنقلين لها كل المشاكل في المشغل ولا يدرون العاملات انك انتي تتجسسين عليهم وتخبرين صاحبة المشغل كوني صداقة بينك وبينهم واحرصي عليهم ووجهيهم عشان يثقون فيك ويأتمنون لك وراح تشوفين كل شي يصدر منهم قدامك بدون ما يخبون عليك.
وحاولي ان لو صارت مشكله ونقلتيها لصاحبة المشغل ان ما يتم مناقشة اللي سوت المشكلة في نفس اليوم
وتتفقين انتي وصاحبة المشغل تحلونها بهدوء بينك وبينها وتوجهين العاملة بعد كذا

محافظتك على كل شي موجود في المشغل الأجهزة والمستلزمات للكوافير والخياطة وتحرصين على عدم التبذير لان تعرفين العاملة ما يهمها ترمي وتبذر انتي خلي لكي دور في التوفير
ولازم تسوين جرد لكل اللي موجود شهري وتقدميه لصاحبة المشغل ومن هنا ايضا تكسبين ثقتها
يبقى شي مهم اللي هي الفواتير طبعا يرجع لصاحبة المشغل اكيد هي راح تعلمك بدفتر الفواتير وكيفية كتابتها بالخدمات الموجودة والأسعار سجليها في دفتر لكي خاص.
ضعي لكي سجل خاص لتسجيل الفواتير وأرقامها والاستلام والتسليم وخليه ايضا شهري وقدميه لصاحبة المشغل
طبعا لا تنسين الاستقبال انتي راح تكونين بواجهة المشغل لازم مظهرك يكون مرتب ولبسك لائق ومرتب وأسلوبك في التعامل والترحيب يكون راقي جدا حتى يكون لكي دور في إقناع الزباين خلي عينك على الزبونه من تدخل المشغل لما تطلع ممكن من خلالك تقتنع وتعمل أشياء ما كانت ناويه تسويها
****************************** ******
أنا أجبتك عن انواع الفرد هناك اليوكو( وهو موجود عند أكاديمية أيلي وجاك خلف في البحرين وهم الوكلاء الحصريون له في الشرق الأوسط تقدرين تتعاملين معاهم ) بس ترى غالي وممكن اذا مشغلك على قده ما ينفع معك .
في فرد اسمه نازاكي قريب جدا من اليوكو حتى في خطوات العمل و يجي معه مكواة سيراميك ديجيتال والبكج كله تقريبا 650_700 ريال وانا انصح فيه اذا انت حابة تدخلي تكنيك جديد لمحلك
وفي كمان فرد اسمه x_tenso من شركة لوريال ميزة هذا الفرد انه هناك انواع منه للشعر المصبوغ والتالف وغيره وطبعا شركة لوريال غنية عن التعريف وأيضا هذا الفرد كويس والفترة التي يتم بها الفرد اقل من ناحية زمن العمل مقارنة بفرد اليوكو ونازاكي كما انه ارخص...
في فرد مائي من شركة عوارض موجودة بجدة بالقرب من مجمع الشرق وفي الرياض اعتقد في شارع الخزان
وفي فرد رخيص عند نزيه ويعطي نتيجة كويسة ايضا اسمه (dark and lovely)

بالنسبة للصبغات :

1- ( سعر الصبغة للزبائن ) هو إلى راح يحدد نوع الشركة إلى راح تتعاملي معها بمعنى إذا كانت سعر الصبغة عندك من ( 200 ريال ) وفوق , راح تستعملي الصبغات الغالية نوعاً ما مثل ( لوريال و ماتريكس......... ) لإرضاء ذوق الزبونة ,
وما أقل راح تستعملي الصبغات ذات السعر المتوسط مثل ( كيون ، أندولا ، كلستون ، بلاك...... )

2-أكبر خطأ تقع فيه المشاغل الاعتماد على شركة واحدة للصبغات مع العلم أن أغلب الشركات تتميز بعدة ألوان فقط, ( والكوافيرة الشاطرة ) هي التي تنتقي من كل شركة الألوان المميزة والثابتة .

3-أنا في اعتقادي الشخصي أن الكوافيرة هي التي تتحمل ( 70 % ) من نجاح الصبغة .

4- أغلب المشاغل للأسف تغفل عن مكملات الصبغة مثل ( شامبو وبلسم مثبت اللون) بعد الصبغة مباشرة ) والأمبولات التي توضع مع خليط الصبغة لحماية الفروه والشعر وكذلك ترطيب للشعر .

5- من أكثر المشاكل التي تواجه المشاغل بالنسبة للصبغات, في حالة إذا كان الشعر مائل للسواد أو الاحمرار فيصعب على الكوافيرة أحياناً ملاحظة الصبغة السوداء أو الحناء وعند سؤال بعض الزبائن ( الله يهديهم ) هل الشعر مصبوغ بالصبغة السوداء أو الحناء ( فتجيب بالإنكار التام ) وتتفاجأ الزبونة والكوافيرة بعد الانتهاء من الصبغة أن الشعر ( مرقـع ) وبعدها حلوها تقعد الزبونة تولول خربتوا شعري خربتوا شعري !!!!!!! .

6- للحصول على نتيجة رائعة لا نكتفي فقط بنوعية الصبغة وكفأة الكوافيرة فالأكسجين له دور فعال في نجاح الصبغة فالأفضل استخدام أكسجين من نفس الشركة مع الصبغة للحصول على لون مميز.

7- أنا أنصح كل صاحبة مشغل أن تطلع عاملاتها على كل شي جديد مثل حرصها على حضورهم دورات تدريبية نظري وعملي إلي تعملها بعض الشركات الكبيرة مثل ماتركس فمثل ما أنتم عارفين كل موسم له موضة وخاصة دمج الألوان و طريقة توزيع الخصل.

8- الإتيكيت في وضع الصبغة والأدوات الراقية له دور في جذب الزبونة مو خبط لزق يالله انتظري نص ساعة , وبعد مو حلوة تطلعي الزبونة بعد الانتهاء من الصبغة ونص الجبهة لون والرقبة لون لازم تتخلصي من الصبغة الموجودة على الجلد حتى يكون شكلها نظيف.

9- جهاز الأشعة الحمراء مع الصبغة يعطي نتيجة حلوة واختصار للوقت , وأنا ما أفضل استخدام المجفف الحراري >>> في فرق كبير بينهم.

10-الأفضل توفير شامبو وبلسم للشعر المصبوغ (للبيع) للمحافظة على الشعر بعد الصبغة.

11-أفضل تكون صاحبة المشغل ملمة بطريقة الصبغة وكل جديد حتى تكون واقفة على كل صغيرة وكبيرة في مجال الصبغة.

وهذا نوعا ما إلي في يدك تعمليه لنجاح الصبغات عندك والباقي أكيد شطارة الكوافيرة وأتمنى لكم التوفيق ...
****************************** ********************

موضوع الزيت موضوع مطول وشائك........
وانا منذ احترافي لمهنة التجميل وانا أنبه السيدات لعدم استخدام الزيوت بالشكل اللي يستخدمونه لأني أصلا حاصلة على بكالوريوس علم نبات والله والله ان وضع الزيت بهذا الشكل اكبر غلط ؟؟راح تستغربون ؟؟؟؟؟؟؟؟بس أنا راح أفسر لكم وانتم أحرار تقتنعون او لا؟؟؟؟
أولا:يجب ألا توضع الزيوت على فروة الرأس اكثر من 10_15 دقيقة وأؤكد على فروة الرأس بينما على أطراف الشعر ضعيه الفترة التي تريدينها راح تقولين ليش؟؟؟؟؟؟
السبب يا عزيزتي ان الزيوت توسع مسام الشعرة في فروة الرأس وتسهل عملية تساقطها عند التمشيط بعد الاستحمام هذا أولا وثانيا بعد التطور تفنن التجار بأساليب الغش التجاري لم يعد هناك من زيت صافي 100% بل أصبحت جميع الزيوت مغشوشة ولكن بنسب متفاوتة اذا انت لا تعرفين ماهي المادة الداخلة في تركيبة الزيت كاملة لان هناك نسبة من الغش التجاري من اجل الربح؟؟؟؟؟؟
فلماذا يا عزيزتي تضعين الزيوت بالساعات على شعرك ؟؟؟؟؟؟؟
أنا ما أقول لا تحطينها ابدا بل ضعيها لفترة معقولة وخاصة بالنسبة للفروة اكرر فروة الرأس لا يوضع عليها الزيت اكثر من 10 دقائق

بالنسبة للزيوت فراح اكتب لك أفضل انواع الزيوت بنظري بدون ترتيب:
(زيت السمسم _زيت الزيتون _زيت الصبار_ زيت إكليل الجبل_زيت النخاع _زيت الاس _زيت دابر أملا _زيت جوز الهند_زيت البقدونس_زيت الذرة_زيت اللوز ولكن احذري من الإكثار منه لأنه يحتوي في تركيبته على نسبة ضئيلة جدا جدا من المواد السامة......زيت الخروع وانا شخصيا لااحب ان أضعه على شعري لان أحسه ثقيل أنا أضعه في علبة ماسكرا فاضية بعد تنظيفها واستخدمه لرموشي......وكمان هناك زيت البندق الذي يستخدم لمن يتساقط عندها شعر الحواجب.... لان كترة استخدام القلم لرسم الحواجب وترك اللون عليها بدون مسحه ليلا يؤدي إلى تساقط شعر الحواجب .........لذا انصح بعدم رسم الحواجب بالقلم بل بالظل المخصص للحواجب أي البودرة او السائل أما القلم فلا...... واشدد على مسحه قبل النوم حتى لا تتشكل لديك فراغات في شعر الحاجب سيدتي .......

الزيت مفيد بالنسبة للشعر المصبوغ مافي اثنين يختلفون فيها بس المشكلة أين؟؟؟؟؟؟؟؟
تكمن مشكلة وضع الزيت على الشعر المصبوغ بأنه يسحب الصبغة بشكل أسرع في حال وضعتيه بعد الصبغة مباشرة وخاصة بالنسبة للشعر الذي تزيد فيه نسبة الشيب عن 30% لذلك انصح بوضع الزيت على الشعر المصبوغ بعد مضي اسبوع عملية الصبغ
وانا أفضل وضع حمام زيت من النوع الكريمي الخاص بالشعر المصبوغ مضافا إليها الأعشاب المفيدة للشعر والمعالجة للتلف الحاصل نتيجة عملية الصبغة مهما كانت درجة الضرر
وطبعا لازم تختارين الكريم المناسب مع العلم انه في نوعيات كريم( حمام زيت للشعر) لا انصح بها إطلاقا ولا أستطيع ان اكتبها هنا حتى لا يصير في قطع أرزاق ....
وعزيزتي صدقيني لما الكوافيرة فاهمة تمام لشغلها فنسبة الضرر من الصبغة على الشعر لا تكاد تذكر

لازم كل بنت منكم... تحط في بالها خطة عمل تحددها لنفسها... والي تبي تضمن النجاح... تتخصص في مجال واحد فقط.. خصوصا في البداية.. ولا تغركم أرباح غيركم.. يعني مو عشان موسم أعراس او أعياد تركضون عشان تفتحون كوافير وانتم عندكم مشغل خياطة... لا ركزوا في الخياطة.. وان شاء الله بتضاعفون الربح ... بدل ما يتشتت جهدكم بين الماكياج والكوافير والخياطة.. وتطلعون من المولد بلا حمص..

في اول مشروعك لازم تحددين نشاطك.. و تركزين على فئة معينة يعني أطفال ... كبار ... بنات جامعه ... طالبات مدارس ...وغيرهم.. هذا بيساعدك انج تتميزين..يعني مثلا.. لو عندك مشغل للخياطة... حطي في بالك مجال معين مثلا ملابس الولادة للام و البيبي...

ممكن تسوين أطقم كاملة... او بس قمصان نوم لاستقبال الضيوف.. او قمصان نوم للبيت وتكون مميزة ما تتعب الأم في الرضاعة... وأنصحك تروحين المحلات الكبيرة وتشوفين الجديد عندهم وتحاولين تسوين شي قريب منه..
يعني أختي لما ولدت..عملت قميص نوم لولادتها يجنن وموديله راقي... المرة اللي خذته من عندها قالت انه تقليد لقميص نوم في محل وايد راقي عندنا ... وكان بنص السعر او يمكن اقل..

وانا شخصيا أفضل ان الوحدة تحط خيارات قدام الزبونة.. يعني في زباين عندهم خير ومستعدين يدفعون أي مبلغ... لازم تلقى الشي اللي يعجبها عندك... مثل ما الزبونة المتوسطة الحال تحصل طلبها... والي على قد حالها... بس لازم تفرقين في النوعية يعني ما تحطين الأسعار عشوائي.. ولا القميص يكون واحد و بأسعار مختلفة حسب شكل كل زبونة لا... هذا غش و خداع..واتقوا الله في هالنقطة بالذات..

بس تقدرين تستخدمين أقمشة غالية للي تقدر تدفع.. وأقمشة رخيصة للي ما عندها..
طبعا بعد ما ينجح مشروعك .. وتكون الخياطة تمكنت من شغلتها.. تقدرين تتوسعين.. وتكبرين نشاطك.. بس أهم شي التركيز..

وفكري في كل مرحلة في وقتها... وتأخذك الأحلام بعيد.. لانها ممكن تخرب واقعك ومستقبلك .

في نفس الوقت حطي لنفسك خطة عمل عامة... يعني بحلول الأربع سنوات بفتح فرع ثاني.. او بكبر نشاطي... وأنتي حسب إمكانياتك حطي أهداف قريبة ممكن تحقيقها..

وتقدرين بعد تأخذين ورقة وقلم.. وتقولين عقب عشرين سنة بتكون عندي إمبراطورية أزياء... وماركة خاصة فيني <<<< يحق لك تشطحين قد ما تبين ... لأنه حلم عام وبعيد ... وإذا اتبعتي شروط النجاح ان شاء الله بتوصلين.. بس تحري الرزق الحلال.. عشان الله يوفقك..

الأفكار كثيرة... والنت يحمل في صفحاته الكثير... بس ما ابي أطول عليكم اكثر من كذا ....والي بيتصفح النت يلقى أشياء كثيرة مو متوفرة عندنا.. لو قدر يوفرها بيربح الكثير... وإذا ساعد أهل بلده على العمل.. بيكون كسب اجر بعد...فكروا في البنات اللي مو لاقين وظايف وما عندهم من يعيلهم.. حلو انتم مشكلة البطالة بدل الاعتماد على الحكومة...وفكوا ضائقة أخواتكم مهما كانت جنسيتهم... او أصلهم...

وأتمنى البنات يستفيدون من الموضوع كامل.. ونتناقش اكثر في عمليات التسويق وشلون ننفذها..ونبتكر طرق جديدة لمجتمعنا الخليجي..

لان الطرق الغربية المعروفة للتسويق ما تناسبنا... او خلنا نقول اغلبها ما يناسبنا... مثل وجود مندوبة تعرف الناس عن المنتجات... الأجانب عادي عندهم بيطقون باب كل بيت ويدرعمون ... بس إحنا طبعا مستحيل..

وبعد كل وحدة تحس ان السوق فيه نقص معين يا ليت تذكره..

مثلا ما عدنا نلاقي ملابس محتشمة تناسب مجتمعنا ..كل الموجود لبس غربي جاهز...وموديلات بايخة... مو على ذوقنا.. فممكن صاحبات المشاغل يوفرون ها لنوعية من الملابس.. او يجهزون موديلات تتفصل حسب الطلب.. بس تكون جاهزة... وبعيدة عن التقليد.. يعني مو يأخذون من المسلسلات ويقلدونهم و يعرضونهم... لا نبي شي جديد.. او حتى توفر المقاسات اللي ما تكون متوفرة عادة في الأسواق... اعرف وحدة عندها مشغل في البيت ... أسعارها نار لكنها ناجحة لانها توفر الموديلات بكل السايزات... وخامتهم تكون حلوة وكشخة..

وحتى الماكياج... احيانا المعازيم في الأعراس ما يعرفون يحطون ماكياج لكن لان الأسعار مبالغ فيها.. فما يتمكيجون في الصالونات.. ممكن البنات يوفرون ماكياج اسمه ماكياج العزايم.. ويكون ارخص من الأعراس.. او ماكياج عشا... او ماكياج زيارة...

ما عليه كل غريب وجديد ممكن ينجح ويمكن لا...

بالنسبة للإجراءات شغلتها طويلة انا قدمت سجل تجاري كامل يحمل اسم مؤسسة
مثلا تكون باسمك ويكتب باسمك (مؤسسة هدى عبدالله للتجارة)
الشروط والأوراق الهامة :
1_ ان لا تكون المتقدمة موظفة
2_ الأوراق المطلوبة : 1_ صورة من بطاقة الأحوال او البطاقة الشخصية
2_ صورة من بطاقة ولي الأمر مع الأصل للمطابقة
3_ وكالة عامه منك لولي أمرك مثلا زوجك او والدك
4_ برنت لسجلك من الأحوال
5_ توكيل من الموكل الأول اللي هو ولي أمرك لمديرك التجاري
( شخص تثقين به طبعا غير ولي أمرك ) ولابد ان يكون المدير التجاري لديه مؤسسة
6_ تعريف من عمل زوجك او ولي الأمر الموجود
7_ اختيار النشاط
هذا بالنسبة للسجل التجاري

بالنسبة للنشاط يعني لما تضيفي النشاط تحت اسم المؤسسة
الأوراق المطلوبة :
1_ الورقة الأصل من تسديد الرسوم السنوية ولابد ان يكون تاريخها ساري المفعول
2_ الأصل من السجل التجاري المستخرج الأول
3_ تعبئة نموذج الطلب ( طبعا من وزارة التجارة طلب إضافة نشاط)
4_ برنت من سجلك من الأحوال
5_ برنت من سجل الأحوال لمديرك التجاري
6_ الوكالة العامة لولي أمرك مع توكيل منه لمديرك التجاري
7_ تسديد رسوم السجلات بعد استلامها ( سجل الجرد _ سجل الشهري _ سجل الأستاذ )
تعليق : سجلات كبر الطاولة والله ما تقدرين تشيلينها مفروضة عليك فرض ولا ما فيه إضافة نشاط رسومها 105 ريال فقط
8_ صورة من بطاقة الأحوال
9_ صورة من البطاقة الشخصية لولي أمرك

( طبعا الأفضل انك تعطينها معقب والمعقب يعطيه ولي أمرك توكيل لإنهاء الإجراءات)

نصيحة يا بنات أضيفوا اكثر من نشاط راح يقبلون واهم شي الاستيراد والتصدير ينفعكم بعدين
مثلا مركز نسائي لا تكتبين مشغل بس مركز نسائي يشمل ( خياطة ، أدوات تجميل ،إكسسوار، تجهيز حفلات ؛ تغليف هدايا ، ملابس) كل شي يخطر على بالك راح ترتاحون بعدين لو حبيتي تعدلي او تغيري مشروعك
هذا انا تعبت وانا اكتب ما بالك بتحضيرها والروحة والجيه الله يعينكم

طبعا كل نشاط راح تسوينه له شروط لحاله
لازم تسوون إعلان عند وزارة التجارة تكلفته 900 ريال
لإضافة النشاط حتى لا يكون هناك تشابه بالأسماء وبعدها تتم الموافقة

شمعة أمل اكيد الماركة شي ضروري خاصة في الايشدو وكريم الأساس تعطيك شغل تمام
وفيه ماركات جيده وسعرها معقول اخذ منها الارواج والبلشر زي ماكس فكتور وبرجوا وكاراجا
على فكره أخذت آي شدو من لانكوم سعره 105 ريال ذهبي والله حرام فيه 10 ريال وأخذت من كاراجا 30 ريال ذهبي رقمه 04 روعه وأحسن من لانكوم ميت مره مو دايم الغالي أحسن
بالنسبة للشعر استخدم ماركه كولستون روعه وما تعدم الشعر.
ربي اني لما انزلت الي من خير فقير


قصتي مع المعاناة .
بعد تخرجي من كلية الاقتصاد المنزلي –قسم تفصيل وخياطة ما تعبت نفسي بالبحث عن وظيفة لأني ما راح أحصل شي ؟؟؟؟؟؟
فكرت أفتح مشغل صغير على قد ميزانيتنا وأول خطوة استخرجت سجل تجاري ( باسم تجاري ) وبعدين بديكور المشغل وبعد ما انتهينا راح زوجي يراجع البلدية عشان الرخصة وهنا بدت المشكلة مع شروط البلدية وشرطهم أنه يكون مشغل خياطة فقط يعني الكوافير ممنوع بالمشاغل والمشكلة أني ما أقدر أغير الديكور حتى ولو شلت كراسي التجميل لأنها مكشوفة, قلت يالله نفتح المشغل وتعبت من كثر ما أدور عن عاملات والحمد لله فتحنا المشغل وكانت بدايته معقولة نوعاً ما.
وبعد سنه غيرت ديكور المشغل>>>> وتغيير الديكور كله لعيون البلدية . ( يا الله خسارة عشان الرخصة )
وحسبت دخل المشغل أول سنه لقيت الخياطة ما توفي معي خلني على الكوافير وبعدها فكرت أني أستقدم عاملات لقيت الشغلة مطولة ....... قلت أنقل كفالة أفضل, صح مكلفه بس أضمن أجربهم فترة طويلة وإلي تعجبني أنقل كفالتها .

وبعد أربع سنوات لا حضت أن طموحي ما وقف عند كذا وفكرت أفتح فرع ثاني في منطقة راقية ومساحة كبيرة بحكم المعاناة في المشغل الأول ( وقولوا ما شاء الله تبارك الله )

وأخذ زوجي قرض من البنك وبدينا نبحث عن موقع مناسب والحمد الله وفقني الله بالموقع المناسب وكان أول تفكيري تجهيز الديكور إلي يليق بمقام شروط البلدية وبعد الرخصة عملت الديكور إلى في بالي ونفس المشكلة الأولى دوري على كوافيرات مناسبات للموقع لازم تكون رواتبك عالية حتى يعملوا عندك والحمد لله وفقناً الله .

بداية عمل المشغل الثاني كانت غير متوقعه بالنسبة لي ماديا لأن مصاريفه الشهرية عالية لكثرة العاملات والإيجار والأدوات , فأضطريت أدبر مبلغ أضافي صرفته في أعمال الدعاية والإعلان ( ديون في ديون والله يفرجه وأبي دعواتكم معي ) وبعده الحمد الله بدا يتحرك بشكل حلو .

نصائح للاستفادة
1- إذا تبي الله يبارك لك في رزقك أبعدي عن الأشياء المحرمة مثل ( النمص والحمام المغربي والمساج ) .
2- لا تقطعي رزق صاحبات المشاغل بإغراء الكوافيرات برواتب مغريه ( لأنه قطع الأعناق ولا قطع الأرزاق )
3- تجنبي وضع الصور الكبيرة على الحائط .
4- نجاح المشغل بنجاح اختيارك للإدارية .
5- أهم شي وسعي صدرك من ناحية مشاكل العاملات لأنها ما راح تنتهي .
6- لا تبخلي على المشغل بالأدوات الراقية .
7-أهتمي بنظافة وتعطير المشغل .
8- ( خبي قرشك الأبيض ليومك الأسود ) استفيدي من المواسم وخبي لك قرشين لأيام الركود صدقيني راح تحتاجينها .

ورحت للبلدية وطلبوا اني اعمل كل الديكور واللوحة بشرط انه اللوحة تكون باسمي الرباعي يعنى اللوحة لا تحمل إلا اسمي الرباعي ويعطوني بعدها الإذن بفتح مشغل >>ما ادري هو فسح او رخصه ؟

شوفي عيوني وقت اللي فتحت المشغل الوكيل هو اللي تولى كافة الأمور لكن اذكر اني رحت وكلت

الوكيل الشرعي بالمحكمة وبعدها تولى كل الأمور وما اذكر المساحة بالضبط بس اسم المشغل اشترط انيكون اسم عربي غير أجنبي وكمان البلدية تشوف الموقع ولا يكون هناك باب خلفي ويكون هناك مكان مسجد وتسديد غرفه تجاريه 350 ريال وكشف من الدفاع المدني ويا ليت تراجعين المنتدى كامل حيث قد تستفيدين من البنات وأم نواره عضوه متفاعلة وهندية وكلهم فيهم خير

وهل اقدر افتح خياطه وبعد فتره افتح كوفير ؟
اعتقد انه لازم يفتح خياطه لأنه لا يوجد مسمى كوافير او تجميل وبعد ما ربي يكرمك ان شاء الله
تضيفين الكوافير ولو حابه تسوين خياطه وكوافير وإمكانياتك زينه فتوكلي على الله وإذا كان لك واسطة فترى الإجراءات ما رح تأخذ وقت
بنات أنا برأيي اللي بتفتح مشغل لازم تتميز بشغلتين
أولا الشغل يكون مستواه عالي والنفس حلوه هذا أهم شي
ثانيا السعر معقول لأن اللي قاعدة اشوفه بالمشاغل استغلال
أسعار غالية يعني ماكياج 500 ريال اغسله بعد 3 ساعات !! مو حرام
حتى ماكياج ب 300 ريال والشعر ب 200 يعني 500 بعد غالي حيل المفروض الأسعار تكون معقولة
بالنسبة للي اشوفه بالمشاغل الأسعار نار ويا ليت الشغل مضبوط !!
وبما ان الموضوع يتكلم عن هموم المشاغل بالنسبة لي أحب الدقة فلما اطلب من الكوفيره الفلبينيه تعدل الشسوار او تعيد على خصلة او تضيف الميش في جهة هي نستها مثلا يعني تزعل وتتعمد تخرب الشي يعني ان تكلمتي مشكله وان سكتي مشكله
أنا ما أعمم بس الأغلبية كذا خصوصا اذا اشتهر الصالون او جدد ديكوراته ؟؟؟
يعني لما أقارن بدوله ثانيه ألقى الأسعار ارخص بكثير يعني أهم ما يربحون ؟؟ ما أظن

كريستاله وش تسوين اذا اكتشفتي ان فيه عامله تعامل الزباين من طرف خشمها مع ان شغلها زين
لكن معاملتها تنحش الزباين ؟؟؟
عندي سؤال هل تقبل البلدية لو أسوي مشغل بالدور العلوي من بيتي خصوصا ان بيتي على شارع

ثاني سؤال ذوق وشوق انتي وش دراستك ؟؟ مثقفه بالجانب التجاري والاقتصادي

أنا أحط بودره فلوريلا الناشفة على أساس كريولان وفوقه بودره سايبه من شارمل او ريفلون كلهم حلوين بس قبل الأساس أحط بيس عشان يثبت الماكياج
****************************** *****************************
المشغل عوامل نجاحه ثلاثة :
1- العمالة الممتازة
2- الموقع الجيد
3- الصبر
يعني ما رح تنجحين من اول سنه اصبري شوي

عن نفسي استعمل بيس من كريولان قبل الماكياج عشان يثبته
أساس كريولان كمان عندي جميع الدرجات
بودره فلوريلا او ماكس فكتور اضائه ريفلون - شارمل- فورا يفر-بودي شوب- كلهم حلوين
بلشر جوست جولد وفيه ماركه عندي جابتها لي وحده اندونسيه من بلدها حلوه
الفرش اللي عندي فيه من بودي شوب وفيه من كريولان
****************************** ******
مكائن الخياطة :
طيب وسنجر الكبيرة ..شفتها بالمركز اللي أخذت فيه الدورة..ومدحوها..

وش رأيك فيها للخياطة والتطريز..
_____________

والسرفله جوكي فعلا مدحوها..

أنا أخذت النوع اللي ب 1000 وجيده..
تبرم وتسرفل..

بس ودي بالكبيرة..وسمعت عن نوعيه اسمها هوسكي ممتازة ولها كذا نوع سرفله..كثير مره

أنا ما جربت غير جوكي ومرتاحة معها سرفلة وخياطة
أنا رأيي الشخصي ومن خلال تجربتي عشان تحققي مكاسب ركزي على بيع المستحضرات ومي أي مستحضرات لازم تكون مستحضرات مش موجودة بالسوق مثل كريمات وكبسولات الكولاجين وكريمات البوتكس ومقشرات الالفاهيدروكسي اللي يستعملوه الأطباء بعياداتهم في مثلها نوع مخفف تستخدم للصوالين ومراكز التجميل استعمالها سهل وآمنه وركزي على الكريمات الفرنسية والإيطالية الطبية اللي تعطي نتايج حلوه على وجه الزبونة وتجي تطلب منها وتخبر اللي حواليها وعلى فكرة أنا موزعة لكثير من المستحضرات المقشرات والكولاجين فاللي حابة تأخذ من عندي تراسلني خاص وطبعا في خصم حلو للصوالين وللكميات اللي بالجملة
بالنسبة لتخصصي هو بالبشرة والشعر ولكن أنا ركزت معظم دراستي بالبشرة وعندي شهادات من أمريكا ومن معاهد عالمية معروفة مثل كلارنس ومعهد بايو لاين الإيطالي وسوثيز وعندي دبلوم بالسكن كير تعلمت فيه التقشير والحقن بالميزوثيرابي والبوتكس ومعالجة كافة انواع البشرة والمساج ومعالجة كافة مشاكل الشعر و االبرافين لليدين والرجلين ومعالجة البشرة بالكولاجين وبالكافيار وكريمات البوتولايك او البوتوكس .....وغيره

الفرد
نحن في مجموعة مشاغل كان نتميز بالفرد ، حيث إننا جربنا جميع أنواع الفرد ونجحنا ولله الحمد والشكر فيها كلها ، ولكن ... وجدنا إن الأفضل من حيث عدم إضراره بالشعر ومن حيث شكله فهو فرد البروتين والذي يسمى أيضاً بفرد الكبراتين ، لأنه فرد معالج للشعر لأنه يعالج مشاكل الشعر لإحتوائه على مادة الكبراتين والبروتين المهمة جداً لإعادة التوازن للشعر الخشن أو التعبان .
نحن في مجموعة مشاغل كان لا يهمنا أن نفرد شعر الزبونة فقط ... لا ... نحن يهمنا أن تعود إلينا مراراً وهي سعيدة وتدعى لنا وليس علينا .
في البداية يتم فحص شعر العميلة من قبل أخصائية الفرد للتأكد من إمكانية الفرد لها ، لأنه هناك الكثير من الزبائن التي لا يمكن أن نفرد لها بسبب شعرها المتعب ، فمن خلال تعاملنا مع الكثير من الزبائن نجد أنه يأتي إلينا زبائن قد فردوا في المنزل أو في أي مشغل آخر ، وتحت أيدي كوافيرات ليس لديهن خبرة في الفرد فنجد أن الشعر تساقط أو احترق فنحن لا نستطيع إعادة الفرد لها ، ولكننا نعمل لها برنامج معالجة لشعرها ، وبعد علاجه نفرده إذا رغبت مرة أخرى .
كما إن هناك بعض أنواع من الشعر تكون ضعيفة ومتعبة لا نستطيع فردها إذ لا بد في البداية من معالجتها ...
لأنها لا تتحمل الفرد ... إن القاعدة في عملنا إن الشعر لهو تاج المرأة ولا بد من المحافظة عليه ، لأنه لو لا قدر الله خرب شعر الزبونة بأنه لن نستطيع إعادته لها فالشعر ليس فستاناً إذا خرب رميناه ، لذلك فنحن يهمنا المحافظة عليه بأي حال من الأحوال حتى لو قالت الزبونة أفردوا لي على ضمانتي وكان شعرها لا يتحمل فإننا لا نجازف ونفرده أبداً .

يخطر في بالي سؤال : الملاحظ على مجموعة مشاغل كان تميزها في الفرد وتركيزها عليه لماذا كل هذا الاهتمام بالفرد ؟
في الحقيقة الملاحظ على بنات الجزيرة العربية قوة الشعر ومتانته وطوله وجفافه بسبب البيئة التي نعيش فيها، والملاحظ على بناتنا حبهن للتجمل الدائم وفي ظل خشونة الشعر وجفافه يصبح الاهتمام به صعباً جداً ومقلق ومتعب ، فحاولنا أن نوجد الفرد الذي يفيد الشعر وينعمه ويريح الزبونة وفي نفس الوقت لا يضر شعرها ، وفي الحقيقة البحث عن ذلك الفرد أخذ منا المجهود والوقت الكثير والتجارب الهائلة ، لأننا نرغب أن نكون الأفضل ويهمنا سمعتنا ومصداقيتنا مع عميلاتنا ، وبعد كل تعبنا ولله الحمد حصلنا على سمعة غير مسبوقة في الفرد وذلك بسبب إخلاصنا وتفانينا في العمل ، فلنا ولله الحمد زبائن من جميع مناطق المملكة وكذلك زبائن من دول الخليج العربي .
ربي اني لما انزلت الي من خير فقير


يابنات الله يجزيكم خير ابغى فيزا سوريه ضروري ضروري

اللي عندها تقول لي بكم بلييييييييييييي ييز لان عندي سوري يعمل بياع يبغى يجيب مرته يقول انها توب بالمكياج
مرحبا اخواتي العزيزات اليوم راح اكلمكم عن المشاكل اللي لم اجد لها حل حتى الأن

طبعا اللي عندها حلول او مقترحات الموضوع للنقاش واتمنى الجميع يستفيد ا
1- الوكيل الشرعي وهذا اللي ما تقدرين تشكين خيط في ابره اللا عن طريقه الدواير الحكوميه
طبعا خذوا تجربتي وكيلي طبعا خارج العائله وكمان صاحب مكتب تعقيب
هذا الوكيل الأول وظليت معه لحد ما توجع قلبي وهو بسلامته يسافر
وعايش حياته واوراق المششغل لا حياة لمن تنادي وفي النهاية دفعت غرامات تاخير الإقامات
وهو خسرالمحل وتكبد غرامات وبلاوي زرقاء
الوكيل الثاني اخذ اوراق المشغل وظلت عندها ونكلم ونبغى استخراج تاشيره ولاحياة لمن تنادي
ولما انتهت الأشتركات والأقامات رجع لي الأوراق طبعا اتوقع ان مكاتب التعقيب
مكاتب نصب واحتيال والله يخارجنا
طبعا فيه خطوة حلوه في جدة ان فيه امراه اسمها((هيا)) صارت معقب وللأول مره في السعوديه وفتحت لها مكتب والله يوفقها طيب اين المشكله المشكله ان اي غرفة تجاريه او مكتب تعقيب ما يخدم الأ المنطقه الموجود فيها او المحافظات التابعه لها ومنا الين تفتح غرف
تجاريه ومكاتب تعقيب نسائيه في جميع انحاء المملكة يفرجها الله
**********88
2 0 مكاتب الأستقدام ونصبها وتحايلها والأخت هنديه افرد ت لها ملف خاص جزاها الله خير
وتابعوها
30_ دعم سيدات الأعمال للمبتدئات في العمل التجاري تصوروا اني رحت لمركز خديجة بنت
خويلد لدعم سيدات الأعمال وقالت فيه منتدى لسيدات الأعمال وفيه محاضره قيمه قلت اوكيه
ابغى احضر ردت وقالت لازم تدفعين الآف علشان3000 تذكرة دخول طيبوالكلام اللي مكتوب عن دعم المركز لسيدات الأعمال تقول هذا القوانين وكمان احنا الموظفات مايسمح لنا ندخل قلت لها اجل من فين نحصل على خبرات ةتجارب لطالما لا يوجد دعم او مسانده
قالت: والله هذا اللي عندي طبعا رجعت بخفي حنين وكمان انا مش من جدة او محافظاتها
اكيد اليوم طولت عليكم بالكلام ابغى تفاعلكم ولو اسعفتني الذاكرة بجديد باكتب لكم
فلعل للنداء من يجيب
لكريستاله عن نفسي انا اقوم بتجديد اقامات عاملاتي لان عندنا في الرياض قسم نسائي في الجوازات صراحه ارتحت من المعقبين وغثاهم والفيزه انا كمان استخرجها واوديها للمكتب
بس باقي البلديه اهي الي متعبتني ماادري اذا فيه فرع نسائي اولا
ام البدر معدل الرواتب يحكمه الجنسيه

مثلا اندونسيا خياطه من 800 الى1200

المغرب من 1500 الى200ريال

لبنان من 500 الى 300ريال

وطبعا يتحكم فيها امور مثال لو انتي جايبة الخياطه عن طريق مكتب وعقد بالراتب

او جاية عن طريق شخص معرفه لك وحدد مبلغ معين

مرحبا لحلى تجمع هذا رقم مندوبه ويلا لكل الي طلبوه
مدام غاده 0551849099

السموحة منك لانني وضعت رقم عوارض القديم بالفعل هذا رقمهم بس هما انتقلوا لمحل اخر بنفس شارع المكرونة بجدة وهذارقمهم 026762212
ولكل من تسال عن صبفة بلاك هي موجودة عند شركة عوارض واعتقد سعرها 11 او 12 ريال للتيوب الواحد بس انا ماعجبتني كثير .........


كوافيرات سعوديات


0541753837

الأخت الباحثه عن كوافيرات سعوديات هذا رقم المختصه بهذا المجال

وهذا الأسم لها بالمنتدىk f 500

اخت كريستالة وجميع العضوات انا عندي استفسار بسيط اتمنى تفيدوني
انا افكر افتح مشغل واللي اعرفة انة لازم يكون عندك شهادة خياطة
بس المشغل ابية فقط تجميل يعني حلاوة وقص وتساريح ومكياج .......الخ
يعني مو مشكلة اذا ماسويت فية خياطة
عيوني كل عام وانت بالف كان من اول ماهو لازم شهادة خياطه بس الحين يقولون لازم شهاده خياطه اودورات معتمده
**********************8
تبغين المشغل تجميل لحد الحين عيوني ما فيه تصاريح اورخصة فعليه لمجال التجميل

وانما يتم فتح مشغل خياطه ثم يضاف قسم التجميل وفيه ناس اعرفهم جايبي بسخياطه وحده ديكور وباقي الوظفات كوافير****************** *

من ناحيه الصاله الرياضيه ممكن تسالين عند فتح رخصة المحل

اختاي احببت ان اسأل عن العدد للادوات مثلا المكياج كم يحتاجة المحل


هل اشتري مفرق او جملة

كذلك الصبغات وغيرها من الادوااات

وياليت يالغاليات تذكرون لنا احتياجات المشغل الاساسية من اكبرها لاصغرها

سؤالي الثاني هل اشتري انا الادوات ولا اذا جاءت الكوفيره تنزل وتشتريها

عيوني فيه التجهيزات وهذي مثل غرفة الكوافير الأجهزه والغسالات لغسل الشعر

اوات التنظيف ادوات البخار بلوحابه تسمعين كلامي انتظري اليت تجي الكوافيره وخذيها على اي محل
يختص بتجهيز المشاغل مثل شركة العوارض او نزيه علشان تضمنين ماتجيبين اشياء زياده عن الحاجه وبعدين خذيها لأقرب محل ادوات تجميل وخليها تختار وتكونين معها
وبعد كذا عندك الشامبو والبلسم ممكن تاخذينه وحمامات الزيت بالجمله العبوه الأقتصاديه


المهم الي يسالون عن الشهادات لازم عند افتتاح مشغل

النظام في الرياض مايشترط انة يكون عندها شهادة ابدا اهم

شي تكون سعودية وغير موظفة حكومية وبس

بس عاد المكشلة من البلدية ومكتب العمل

المهم بحكم خبرتي بهالمجال ممكن افيد اي وحدة

بخصوص الاجرات والمراحل الكثيرة والمعقدة احيانا في هالمشروع


اصحاب المشاغل والي تعاني من قله الارباح او الخساره
عندي ايميل مستشاره في الاداره وانجاح المشاريع
تساعدك للوصول لنجاح " باذن الله "
تقف معك بكل خطوه
ولا تتقاضى الاجر الا بعد الحصول على النتائج " القمه "
"اجرها مو كثير حق اتعابها فقط "

( الي تبيه ترسلي مسج )



وكمان
الي تبي تصاميم فساتين
" رسم على ورق " ررسم واضح جداً
لمصممه سعوديه "بنوته " لسى بتدرس بالثانويه " حبيت اشجعها واعطيها فرصه "
ويكون التعامل كله ع النت .. لانها زي ما قلت لكم تدرس
واذا بدكم ممكن اعرض هنا واحد من تصاميمها

او ممكن اذا وحده من الرياض " صاحبه مشغل "
تدخل معها شريكه توفر لها ركن بالمشغل تعرض فيه تصاميمها
من المصممه القماش والتصميم ومن صاحبه المشغل الخياطه وركن العرض
صدقوني مارح تندم الي بتتعامل معها لانها مصممه لئطه تصاميمها روعه وهي لسى في بدايتها
ولضروفها المستحيل تطلعها .. قررت اساعدها واخليها تستفيد من موهبتها
واول ما يكتمل الركن .. عندي خطه اعلانيه حلوه
راح تجيب الزباين بالهبل

طبعاً اذا توفر الركن ما اراح يكون فيه بيع للتصاميم الخاصه فيه

والله يرزق كل باحثه عن الرزق الحلال
أمــــين
ربي اني لما انزلت الي من خير فقير


كل الثلاثة ردود الاخيرة من اللي جمعته من نفس الموضوع يعني مو من كلامي
ربي اني لما انزلت الي من خير فقير




الساعة الآن 01:25 .