بنات كلمت مكتب يستقدم لي كوافيره فلبينيه وطلب مني اوراق من السفاره بالرياض يقول النظام الجديد صعب والفلبينيه سواء خادمه اوكوافيره ماتطلع الا بعقد من السفاره ومدري ابش غير راتب1800 ايش رايكم شالحل والاستقدام عنده مولع نااااااار
تعبت وانا اكلم بهالمكاتب مافي استقدام او رواتب غااااااليه
اللي تعرف احد موثوق ومجرب تدلنا الله يفتح لها ابواب الرزق
06-04-1431 هـ, 01:47 صباحاً
 
اقتباس مشاركة  (همس الليالي44)
ماتريكس تحصلينها بشارع الخزان عند دار المشاغل
وعند محل صبايا

والله يوفقك بالسعر الزين
الله يجزاك خير عالمساعده
06-04-1431 هـ, 01:53 صباحاً
 
اقتباس مشاركة  (لوما الكثومه)
يا الله انا اولكم لنها فعلا مشكله

كل يوم لجنه وكل يوم قانون
وكل يوم سالفه

حددو موعد وخلونا نتحرك انا اشوف نخليها

الاحد 4\4\2010
نجتمع ونروح مكتب العمل لمقابله المسؤولين

انا مسجله الاخوات انا والاخت تهاني العليان
وارقامهم راح نتصل عليهم
واللي حابه تنظم عندها فرصه تفكر وتقرر
وتتحرك معنا

نداء
ترف =غلا الروح2007 =الحفيده =همس الليالي =همومي كثيره= اضواء الزلفي= كلوك12 =عذبه المشاعر =ام عبدالأله= بدر البدور =حوريه الحور= احب الراحه= منيره العلي الماسه الشفافه = ست الحسن = ام نواره = لين ام الخلاقين = شهد2007 = جوجو3 د = بدايه حلم جديد = غ روب = الامعات في الافق = بسكوته ديمه = نونوكمانونو = اخيرا
نجلاء = بنلتقي = بنت حواء = الاميره نونا
ام احمد = مصممه ازياء = مرهفه الحس
من دارال سعود = ام باسل = غايتي رضى ربي = مرووومه = لولولولو = كرستاله =

ومعي حوالي10 مشتركات غير اعضاء فالمنتدى واللي تعرف صاحبه مشغل خارج المنتدى تقدم لها دعوه للاجتماع ونتفقعلى المكان والوقت المحدد لتجمع بعدها نذهب لوزاره العمل لحل المشكله وايضا امانها الرياض قسم بلديات الرياض

لاتلفو فنفس الدائره

( وحده تشتكي والثانيه تدعي لها)

لازال عندي امل بتحرككم
لمصلحتكم
اي وحده تحاول تراسل العضوات على الخاص مساعده منها لاتكليف

انتظركم
ياليت اتمنى مثل كل امنيه لي ماتحققت
لكن يالوما المشغل مو لي مو بسمي واللي انا فاتحه باسمهم مايبغو شوشره واكيد لما ارسل رقم الرخصه راح يبين باسم مين وانا موظفه ومابي الفت انتباههم
والله حالتي صعبه والشغل متوقف والعماله السعوديه ناشبه بزوري صرت عالحديده والاستقدام مااااااافي اي امل حتى لما طلعت فيزه خدامه مالقيت مكتب وين مارحت الاقي الابواب مسكره صار زوجي يقول سكري المشغل وفكينا من المصاريف والبهدله
ارجوكم بنات اللي تعرف مكتب يجيب اندونيسيات اوفلبينيات لاتبخل تعبت ادور وانا موضاره احد فيكم ولاني بمنطقتكم اقطع رزقكم اتمنى منكم التعاون
06-04-1431 هـ, 01:59 صباحاً
 
بنات اقدر اجيب شغاله فلبينيه واعطيها دورات
06-04-1431 هـ, 02:05 صباحاً
 
اقتباس مشاركة  ((بدرالبدور))
بنات كلمت مكتب يستقدم لي كوافيره فلبينيه وطلب مني اوراق من السفاره بالرياض يقول النظام الجديد صعب والفلبينيه سواء خادمه اوكوافيره ماتطلع الا بعقد من السفاره ومدري ابش غير راتب1800 ايش رايكم شالحل والاستقدام عنده مولع نااااااار
تعبت وانا اكلم بهالمكاتب مافي استقدام او رواتب غااااااليه
اللي تعرف احد موثوق ومجرب تدلنا الله يفتح لها ابواب الرزق
هلا أختي شوفي انا قدمت من مكتب العمري جداا ممتازين وأهلي يتعاملون معاه من زمان للشغالات بس هم مايقدمون كوفيرات بس اذا تعرفين نسقي معهم عشان يجبونها لك ولو حابه أساعدك ماعندي مانع أنا استقدمت وحده عن طريق الكوفيره اللي عندي وقلتلها الراتب مع المعيشه ب1500 ووافقت وهي تعرف وحده ثانيه تقربلها تعرف القص والبديكير وبعض الشغلات اذا تبين راسليني وانا أعلمك الطريقه بالضبط سواء عن طريق المكتب بيكون عليك 8500 تقريبا من غير التأشيره أو عن طريق مكتب بالفلبين أنا أخذته من الكوفبره اللي عندي يمكن بحدود 5500 ريال والله يرزقني ويرزقك ان شاء الله بالذات الايام هذي عندي ركود بالمرررررره

06-04-1431 هـ, 05:32 صباحاً
 


الساعة الآن 04:44 .