Analysis Services
كيفكم ياحلوات كيف استعداداتكم للاجازه
لاتشكولي ابكيلكم من ها الزباين
تصورو زبونه يوم الخميس تبينا نسويلها مكياج ب 20
صراحه انا اكتشفت ان الناس اذا سويتي عروض تطمع فيك مدري وش يبون
وكله كوم واذا جو يقولون المشغل الفلاني ارخص منك كوم
طيب ليه جيتيني روحي له
واكثر شي يقهرني اذا دخلت الزبونه وقالت يالله سولي الخدمه بسرعه ولا بطلع ياسلام مو مكلفه نفسها تنتظر شوي
الله يهديهم ويهدينا يارب
عادتا كيف تستعدون للاجازه هذي اول اجازه صيف تمر على
18-06-1431 هـ, 12:30 مساءً
 
اقتباس مشاركة  (موكا فربتشينو)
السلام عليكم

حابه اسأل أيش أحسن الأنواع للمكاين للمشاغل ؟

ياليت تكتبوا لي اسمها بالعربي والانجليزي والنوعيه وكل شي يخصها .

وبصراحه موضوعكم جدا مفيد

الله يجزي الخير لكل وحده فيكم
مكاين جوكي
كانك في الرياض روحي للمحسن فرع النسيم الي يبيع فيه مصري مرره امين ويعلمك وشو الزين وشو الوسط
18-06-1431 هـ, 12:33 مساءً
 
ههههههههههههه صراحه الله يعيننا على الزباين ..انا مسويه عرض اي خدمه بعشرين جتني وحدة تبي استشوار قلتلها بعشرين قالت ليش غالين انا بقيت عيوني قلت وايش كم تبينه مجانا...قالت لابس المشغل الفلاني عندهم الستشوار بتسعه ريال صراحه ماصدقتها هدي كيف تطلع رواتب العاملات والايجار وتقول عليها امة محمد زحمه .........تقول سوي زيها عشان يجوك الزباين؟؟؟؟؟؟؟؟
18-06-1431 هـ, 12:36 مساءً
 
بنات من جربت كوفيرات سعوديات من جمعيه النهضه ؟؟؟؟؟؟؟؟؟ تقولي وحد انهم عندهم سعوديات مدربات وممتازات والجمعيه متكفله بالنقل من والى.الي عندها اي معلومة تفيدنا............ودمتم بخير
18-06-1431 هـ, 12:44 مساءً
 
اخواتي انا عضوة في الاتحاد العالمي للتزين وعضوة في حمله سعودة الصالونات ولي خبرة والحمدلله في التدريب واعطاء دورات شعر ومكياج
واعمل في مركز تدريب في اللسليمانية
بس الي حابة اعطيها هي وعاملاتها دورة مكثفة خلال عشرة ايام اما مكياج او شعر
بناء على طلب كثير من المشاغل لاانهم يقولون صعب نطلع العاملات ونترك المشغل
خاصة زي مانتو عارفات اكثر الكوفيرات يااجون غير مدربات حتى المغربيات والسوريات مكياجهم الي متعودين عليى مايناسب المجتمع عندنا
من اجل ذالك اقترحات علي احدى الاخوات انا اقوم بتدريب العاملات في مراكزهم او مشاغلهم
ويدئت بالفعل احد الاخوات عندها مشغل في الزلفي واتفقت معها يكون تدريب مكثف للعاملات
اربعاء وخميس وجمعة والسكن طبعا عليها راح تكون الدورة مكياج فقط 1000ريال للعامله الوحدة اذا كانت في الرياض تكون عشر ايام
واذا كانت برى الرياض تكون ست ايام مكثفة والسكن عليها طبعا
والحمدلله تعلمي مميز وسهل ومعي بطاقة عضوية والله خير الشاهدين
فالي حابة تحجز من الان موعد للدورة حياها ترسل لي على الخاص

الحمدلله انا جامعية وسعودية
18-06-1431 هـ, 03:26 مساءً
 


الساعة الآن 06:37 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏