Analysis Services
انا سالفتي سالفه خخخخ
اول شي كنت في وظيفتي ماني ناويه افتح مشاريع
جتني بنت عمتي قبل زواجها باسبوع وقالتلي ابي تزينيني كوافيرات بلدتنا مايعرفون يمكيجون
وكنت متردده بس شجعوني قرايبي
ومكيجتها والكل صار يقولي افتحي مشغل بس ماقدر بحكم وظيفتي اني ممرضه
المهم وتجيني وحده من زميلاتي لما كنت بالثانويه
وكانت معها دورات مكياج وخياطه
وصارت بيننا مكالمات وقالت انها تشتغل في بيتها لجل تساعد زوجها
وقلت لها بفتح باسمك واعطيك راتب عالرخصه غير عن شغلك بالمشغل واتفقنا
المهم واخذ 11 شهر وانا ابحث عن بيت على شارع تجاري مالقيت
ولما لقيت بيت جديد كملت مراوحه وبعض الاضاءات وعدلت فيه وقلت لها تجيب شهادتها لجل نفتح الرخصه
الا البنت تقول زوجي رفض
ورحت ادور شهاده وطلع واحد من الجماعه من بعيد عند اخته شهاده وهي موكلته فيها وقال اللي تبون بسويه وسالناه كم اللايجار قال بلاش قلنا ذا حقك ولازم تقول قال مانختلف
المهم وخلص اجراءات المشغل وافتحه وكلمتني البنت انها تبي تشتغل معي
وهي ماقصرت دلتني ايش اشتري وايش يلزم المشغل
وكلللللللللل شي
وافتتحناه واخذ شهره خلال اسبوعين
بس البنت شافت اني عطيتها شهره واختفت لاحس ولاخبر
ولما كلموها البنات قالت لهم ابيها تزيد نسبتي وانا اشتغل في مشغل ثاني 50 بالميه طبعا تكذب
وانا طول الفتره ماكلمتها وتراسلني ان العرايس يبونها تزينهم بمشغلي وماعطيتها وجه مع اني كنت محتاجتها وفاتحه المشغل على اساس انها موجوده
واضطريت اني اخذ اجازه واتعلم الصبغ والتسريحات لجل اعوض النقص
طبعا في هالفتره الرخصه ماكانت طالعه
وقبل لاتطلع طلب علينا صاحبها مبلغ خيالي لايجار شهري احنا رفضنا وقلنا تنازل عن الرخصه لعمي لاني اكتشفت ان عنده شهاده وقالي خذيها
قال خلاص بتناازل وكان هالكلام بشهر 7
وكانت كل ماتجي عندي موظفه تتعلم وتروح عدا اللي يشتهرون يجلسون شهرين وبعدين يطلعون بدون اي سبب والعقود عندي ولي حق اطالب بس مابي شوشره
جا رمضان وطلعت الرخصه ورفض الرجال يتنازل والى يومك هذا وهو رافض رغم العروض اللي قدمناها
والبنات اللي عندي تبع المكياج وتبع النقش جت لهم وحده من اللي توظفوا عندي وحاولت تسحبهم لمشغلها الجديد بس هم رفضوا لكن جت لهم باساليب ثانيه وكرهتهم بالمشغل بدون ماتوضفهم عندها يعني حسد
والحين مابي استقدم والرخصه باسم هذاك الشخص لجل ماتورط بالعامله ويسحبها مني لانها بتكون عكفالته


اتمنى تاخذوا درس ولاتثقوا باحد شفتوا زميلتي ايش سوت وكمان الرجال اللي من قرايبي



انتبهوا يابنات انا صار لمشغلي 5 اشهر ونصف اخذت فيها دروس وعبر
15-11-1429 هـ, 02:43 صباحاً
 
الله يرزقك يا بدر البدور وينصرك عليهم يارب وتاخذين كل شي بارد مبرد
واسمحيلي صديقتك هذي حرام تطلقين عليها مسمى صديقه
الله يعوضك يارب .. ويغنيك بحلاله عن حرامه
15-11-1429 هـ, 05:14 صباحاً
 
الله يسهل عليك يا بدر البدور

(( اتابع من خلف الكواليس ))
15-11-1429 هـ, 06:02 صباحاً
 
خواتي عندي غرفة خياطه وابي اأجرها تقريبا كم اطلب اجار وبرضو عندي زاويه للبيع بكم اعرضها لأجارر ياليت تردون بأسرع وقت انا من الرياض
15-11-1429 هـ, 09:13 صباحاً
 
مشكله الصراحه العاملات

طيب البنات اللي قد فتحو مشاغلهم

كم فيزه عطاهم مكتب العمل ؟

وهل الفيز صحيح على مساحة المبنى

وانتو كم كانت مساحة مشاغلكم وكم عطوكم فيزه ؟
15-11-1429 هـ, 12:11 مساءً
 


الساعة الآن 09:00 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏