اقتباس مشاركة  (aazzaazz)
السلام عليكم ورحمة الله وبركاته
اشكر صاحبة الموضوع على هذا التجمع واشكر كل البنات على تعاونهم
بدخل في الموضوع انا حابة افتح مشغل خياطة فقط وعندي كم سؤال ان شاء الله انكم تجاوبوني عليهم:
في البداية كم خياطة اجيب؟ يكفي اجيب وحدة تقص وتخيط وبعدين اجيب الثانية ولا اجيب ثنتين من البداية؟
ومين جربت الاستقدام وياليت اللي عندها اسم مكتب يستقدم خياطات تقولي؟
وكم راتب الخياطة اذا كانت استقدام وتقص وتخيط؟
وايش هي التجهيزات اللي يحتاجها المشغل من مكائن وكم عددها وايش اسمها؟
وتقريبا كم اجار المشغل اذا كان بشمال الرياض؟
والديكورات كم تكلف اذا كانت بسيطة؟
واللي عندها مشغل خياطة ياليت تقول كم كلفها المشغل من ايجار وديكور واستقدام ورواتب؟ يعني كم يكفي راس مال؟
ومتى طلع راس ماله وايش هي الصعوبات اللي واجهتها في البداية؟
معليش طولت عليكم بس انا واثقة ان شاء الله انكم تردون علي وتوجهوني لاني ابي اعرف كل شي قبل ابدا خاصة في الامور المالية
جزاكم الله خير

انصحك تجيبي خياطه واحده في البدايه .. وصدقيني راح تلحقين على الخياطه وعلى الزباين اهم شي تكون شاطره ...

التجهيزات انا عرف وحده عندها مشغل وفيه خياطه وحده ومكينه خياطه واحده بس ..

يعني كل إللي تجتاجينه ماكينة خياطه وطاوله وكوافيره .. وخلاص

وبالنسبه للديكور اهم شي تفصلين حاجز خشبي من عند نجار متر في متر وتحطين فيه مرايه ويكون له باب....


الراتب 1500 ..

اجار المحلات في الشسمال على حسب من 11 الف - 14 الف هذا اللي اعرفه ... وإذا تبين مكان مناسب حددي الحي وانا راح اجيب لك موقع ممتاز .. وراح تكسبي منه زباين ..


بس اهم شي يكون عندك خبره في التصميم والموديلات علشان تقنعين الزباين ...
18-08-1430 هـ, 03:31 صباحاً
 
اقتباس مشاركة  (غريبة زماني)
احب اشكر صاحبت الموضوع على موضوعه الأكثر من رائع وانا توني ادري فيه وابي ادخل بلموضوع على طول انا توني فاتحه مشغل من 3شهر قدمت على 2اندنوسيات مساج وكوافيره و3فلبينيات وخياطه الأندنوسيات وصلن لهن شهر ومن يومين وصلت الخياطه والفلبينيات لي 4شهور مقدمتهم ولى حصل يوصلون وتوهقت مررررره وتعبت نفسيتي الأندونسيات مايعرفن شي وحده تعرف تستشور وشغله بطيء والثانيه ماتعرف الى مساج وجت العطله وانا على هلحاله مدري وش اسوي وسويت اعلان وكلمتني مغربيه من جده والحمد لله جت بس طلبت راتب 4الف ورضيت كأنه طالبه 400ريال من شدة حاجتي له بس الحمد لله فرجته لي كثير علمت الكوافيرات طريقة الأستشوار بس رفضت انه تعلمهم التساريح وهي هلحين بترجع لجده علشان زوجه وعياله هناك وهلحين انا محتاره مدري وش اسوي والمشغل دافعين به دم قلوبنا الى الأن كلفنا 500الف يعني نص مليون الأيجار لحاله 100الف وهلحين الأيجار النص قرب وانا ماحصلت قيمته وانا محتاره والمشغل راقي من حيث الديكورات وفخم يعني لو فيه عماله كويسه يمشي اشير علي وش اسوي بهلأندنوسيات علشان يتعلمن الى ان يوصلن الفلبينيات
طيب عزيزتي انا عندي اقتراح

اول شي الحمد لله انهم يعرفون الاستشوار هذا اهم شي ... والتساريح امرها بسط الحمد لله جيبي اشرطه اكثر ما كثرها ربي (وإذا ما حصلتي اساعدك فيها مش مشكله) وخليهم يتدربون عليها وعلميهم عليها ... وخليهم يسوا على بعض تسريحات من يبدا الدوام لا يجلسون ... وإذا شفتيهم متاكسلين مو متحمسين حمسيهم إن اللي تتقن عمل التسريحه والناس يجوا علشانها لها زياده في الراتب او نسبه ولا تتعدى 5% كثيره عليهم..

والله يوفقك ويعينك والحمد لله مقبلين علىموسم العيد وراح يجيك مدخول ممتاز بس اهم شي الكوافيرات شاطرات ...وسريعات دربيهم على المكياج والتسريحات وسرعيهم في الالستشوار... واكثر الناس تطلب استشوار استريت وبوف فقط حتى النفخه تكون بسيطه...
18-08-1430 هـ, 03:39 صباحاً
 
الله يسعدكم محتاجة كوفيرة تجيد المكياج والتساريح فلبينية او اندونيسية مايزيد راتبها عن الفين وشكر
18-08-1430 هـ, 03:59 صباحاً
 
السلام عليكم ورحمة الله وبكاته

للجادين فقط
يوجد خياطات و كوفيرات فلبينيات خبرة من 5 الى 11 سنة للاستقدام
الرواتب 1200 ريال
المدة من 15 الى 30 يوم
متوفرة السيرة الذاتية وصورة الجواز
يمكن جلبهم بمهنة خادمات..
0500052393
مقتبسة من احد المواقع
18-08-1430 هـ, 04:10 صباحاً
 
يسعد صباحكم يارب
لو حبيت استقدم كوافيره فلبينيه عن طريق كوافيره بالسعوديه وش احتاج اسوي فيزه وايش ؟؟؟؟
يحتاج مكتب والا وش اسوي ؟
18-08-1430 هـ, 04:19 صباحاً
 


الساعة الآن 03:01 .