اقتباس مشاركة  (فخوره-)
اكيد يوم العيد وثاني العيد والايام كلها الواحد يركذ ورا رزقه وايام العيد موسم حلو للمشاغل
بنات حبيت اسالكم اذا جددتم الاقامه تدفعين انتي الاقامه والضمان الصحي
لان اعرف وحده عندها اربع مشاغل ولها عشر سنوات او اكثر تقول على العامله الاقامه والضمان الصحي
ابي اعرف منكم انتم مثلها
طيب متى يبداء الدوام ومتى ينتهي ومشكورة على الرد
عاملتي جديدة وناوية اسوي لها الاقامة والضمان الصحي لاني اللي اعرفة انه علي لاني كفيلتها
28-09-1430 هـ, 08:15 صباحاً
 
اقتباس مشاركة  ((بدرالبدور))
وي وي من قال انه خطير
صحيح البلديه منعته لان المشاغل مهي رخصه تجميل وهم مانعين اي شي بالتجميل
بس يمكن عندكم شددو بس عليه
لانه ماراح تجيهم اوراق تقول خلو التجميل وامنعوا الاجهزه
ومنطقتنا ملياااااااااااااااااانه
ومامعاهم شهادات بس مديني اللي مافيها

وبعدين انا تعلمت طريقته سهل مره بس تتلخبطين بالخطوات
لكن ماعرفت وظيفه الليزر اللي فيه
هل هو تفتيح او تغقيم او ايش بالضبط


اللي رتعرف احد عنده هالجهاز للبيع ابي واااااااحد

والله ياعزيزتي ان الليزر للي في جهاز 10 وظائف انه ممنوع الا با خصائيه والبلديه قالت كذا
29-09-1430 هـ, 01:39 صباحاً
 
طيب الكوافيره اللي نستقدمها ودارسه عن البشره ماتعتبر اخصائيه بشره
29-09-1430 هـ, 12:58 مساءً
 
مرحبا يا بنات التجمع قريت بعض الصفحات يالله والله معاناه انا على بالي الموضوع سهل وان اللي فاتحه مشغل مستانسه من جد الله يكون في العون خليتوني احسب الف حساب قبل ما افتح مشغل والله يكتب لكم الرزق يارب

لي تعليق بسيط هنااااا وانا ما الوم الاخت فراوله على تعليقها بس اذا عرف السبب بطل العجب يا فراوله ...

اقتباس مشاركة  (فراوله****)
تشقير حواجب =10 ريال
صبغه حواجب =10 ريال
فتله وجه=15 ريال
منكير مع لون=15 ريال
بدكير = 15 ريال
مساج=50 ريال
برافين لليدين=10ريال
برافين للارجل =10 ريال
قص مع استشوار=50 ريال
تسريحه ويفي=70 ريال
حمام كريم=20 ريال
حلاوه جسم كامل=80 ريال
4 جلسات في الشهر لعلاج تقصف الشعر=100 ريال
4 جلسات في الشهر لعلاج تساقط الشعر= 100 ريال
4 جلسات لعلاج قشره الشعر=100 ريال

نيو لوك بعد النفاس او لتغير شامل(بدكير ومنكير+صبغه+قص واستشوار+فتله وجه او شمع+حواجب صبغه وتشقير+حلاوه جسم كامل او شمع+حمام كريم)=500 ريال فقط

هـــــــــــــــــــــــــذا اللي كسر السوق الله يهدييييييييكم ولا لو كانت اسعارنا وحده ماكان صار فيه خسائر ابدا زمان الصبغات ماتقل عن 500 والفرد 2000 واكثر .. والتشقير 100 لو اسعارنا موحدة ماكان شفتوا هالرخص البايخ والاجارات تكسر الظهر غير رواتب هالعااااملات
الاسعار هذي اسعار الاخت نجلاء في المنتدى ولو شفتي وصف محلها في الرياض وفي شرق الرياض تحديدا


هناك يالغاليه لازم تنزلين سعرك لهالاسعار عشان تكسبين الزباين ويصير لك اسم وينعرف انتي عارفه ليه ..؟؟

لانه فيه مشغل في شرق الرياض اسمه دار لبنى الله يرزق صاحبته يارب حاطه اسعاااار خياااااال زي نجلاء وارخص منها كماااان بس ايش مشغل عدد الموضفات في الاستقابل اكثر من 15 وحده هذي بس في الاستقبال والفواتير

مقسمه المشكل صالات كبييييييييييره كل صاله مختصه بشي صاله للاستشوار والصبغ وصاله للتسريحات والمكياج

صاله للبودي كير والحلاوه صاله فقط للفتله واصبغ الحواجب صاله لتنظيف البشره

واذا كان صالة البودي كير لحالها فيها 12 مقعد للبودي كثير ارجل ويدين وكلها زحمه تجلسين لا يقل عن ربع ساعه الين يجي دورك واذا صالة الفتله لا يقل عن 6 عاملات او اكثر وكمان زحمه

اذا كل صاله عليها رسبشن عدد الموضفات على الرسبشن عشان ينادون الزبونات بالمكروفون لا يقل عن5 موضفات بس على الصاله الوحده


واذا قلت لك ان المشغل يفتح الساعه 10 الصباح هذا على الباب نظاما اوكي واروح انا الساعه 8 الصباح رقمي في الاستشوار 65 يعني انا الزبونه 65 واذا قلت لك اني دخلت ولقيت ناس عاملين الميك اب وخالصين وان قسم البوديكير ملياااااان ولسى باقي ما بعد جو الزباين هل تلومين صاحبات المشاغل اللي يحاولون يكسبون الزباين خصوصا اذا كانوو من شرق الرياض


فانتي اسعارك اشوفها حلوه اذا انتي في منطقه مافيها مشغل ضخم بالشكل هذا بالعكس خلي اسعارك على حسب وضع المنطقه واللي مايخسرك بعد وشوله الوحده تفتح مشغل وتخسر


لكن في وضع الاخت لبنى غير هي حطة خطه جدا ممتازه وضربت مشاغل الرياض رغم انها اشترت المشغل وكان ولا شي دمااااااااااااااااار اربع سنوات الى خمس ماشاء الله من مشغل ما يجي كم غرفه الى صالات ولا قاعة افراح لاقوة الا بالله

والحلوو في الموضوع جديتها وحزمها مع الموضفات واي وحده تقول ابي اشتغل تعطيها المجال بشروطها هي اثبتي نفسك شافتها كويسه وعليها اقبال اعتمدتها الين صارت العالم تروح عندها عشان تاخذ خبره وترجع تشتغل لحسابها الخاص

فقبل ما تحكموو على اسباب وضع السعر شوفوو وش اللي حدها على كذا والله يوفقكم يارب


وبقولك شي انا يا وحده ماني من الرياض لكن كل شغل المشاغل اخليها اذا رحت الرياض

البودي كير والاستشوار والفتله والحواجب هذي لبنى لانها ما تكلفني حتى 100 ريال اوفر لي بصراحه

لكن القص لا معتمده وحده تقص لي على 250 في غاردينا

والصبغ معتمده نسرين في سواريه للقصير على 800 وتحت نص الكتف على 1000 وشوي

يعني مو شرط الوحده تبحث عن الرخيص بس انتي شوفي وش الشي اللي تبدعين فيه يعني الصبغ مو كل وحده شاطره والقص مو كل وحده يدها حلوه على الشعر يعني مبروكه اذا شفتي ان هالحاجتين ممتازه عندك ارفعي سعرها كذا كذا بتجيك الزبونه غصب بحكم انها عارفه شغلك وضامنه شي مزبوط

بس الحاجات الثانيه عادي لو السعر بسيط بالعكس انتي كذا بتكسبي زباين وتضمني الرجل ما تنقطع على مشغلك

ادري سولفت كثير بس قلت بوضح لك الشي اللي مزعلك بس

والله يوفقكم يارب
29-09-1430 هـ, 04:46 مساءً
 
السلام عليكم هلا بنات وكل عام والكل بخير يارب

بنات بسالكم متى تطلع التاشيرات قبل تجهيز المشغل او بعد افيدوني الله يخليكم

وهل اذا طلعت بعد التجهيز بيمديني يعني بخلي المشغل كذا كم شهر لين يجون العاملات او كيف

وشكرا لكم
30-09-1430 هـ, 03:44 صباحاً
 


الساعة الآن 10:04 .