Analysis Services
اقتباس مشاركة  (aazzaazz)
السلام عليكم ورحمة الله وبركاته
اشكر صاحبة الموضوع على هذا التجمع واشكر كل البنات على تعاونهم
بدخل في الموضوع انا حابة افتح مشغل خياطة فقط وعندي كم سؤال ان شاء الله انكم تجاوبوني عليهم:
في البداية كم خياطة اجيب؟ يكفي اجيب وحدة تقص وتخيط وبعدين اجيب الثانية ولا اجيب ثنتين من البداية؟
ومين جربت الاستقدام وياليت اللي عندها اسم مكتب يستقدم خياطات تقولي؟
وكم راتب الخياطة اذا كانت استقدام وتقص وتخيط؟
وايش هي التجهيزات اللي يحتاجها المشغل من مكائن وكم عددها وايش اسمها؟
وتقريبا كم اجار المشغل اذا كان بشمال الرياض؟
والديكورات كم تكلف اذا كانت بسيطة؟
واللي عندها مشغل خياطة ياليت تقول كم كلفها المشغل من ايجار وديكور واستقدام ورواتب؟ يعني كم يكفي راس مال؟
ومتى طلع راس ماله وايش هي الصعوبات اللي واجهتها في البداية؟
معليش طولت عليكم بس انا واثقة ان شاء الله انكم تردون علي وتوجهوني لاني ابي اعرف كل شي قبل ابدا خاصة في الامور المالية
جزاكم الله خير

15-10-1430 هـ, 08:46 مساءً
 
كل عام والجميع بخير

بسراحه تجمع مفيد جداااا واستفدت منه كثير وسألت بعض الاسئله والبنات ماقصروا ردوا علي باللي يعرفونه

وانا الان ماعندي مشغل لكن قاعده اجمع معلومات لان عندي نيه افتتح مشغل والله يكتب اللي فيه الخير



والاخت بدر البدور لاتزعلين يا الغلا
وانا بحثت كثيييير عن الجهاز في مواقع اجنبيه ومادري جهازك اي واحد فيهم

شوفي الصور وقولي لنا على اساس احاول ابحث عن طريقة العمل عليه




















































والاجهزه كثثثثثثثثثثثثثثثيره اللي وجدتها مايحصى عددها وانا جيت عوارض بداية رمضان وعرض علي اشتري الجهاز وانا رفضت وحتى ماطالعت فيه ولا سألته عنه لاني كنت اعتقد مايشتغل عليه الا اخصائية بشره

بس الحين دخل رأسي وبحاول اروح لهم واسأله عن طريقة استخدامه وراح اكتبها بورقه خطوه خطوه واجي اقول لكم واذا سمحوا لي بصوره لاني ماراح اشتريه لين اقرر افتح مشغل والا لا
15-10-1430 هـ, 11:35 مساءً
 
كيف الجميع ان شاءلله بخير
بالنسبه لجهاز البشره الصوره الثانيه مقاربه كثير للجهاز اللي في محل عوارض ابو 10 وظائف
بحاول اشرحلكم اللي فهمت من شرح البائع مع انى للحين ما اشتغلت عليه المشغل جاهز مع وقف التنفيذ
دعواتكم يرزقنى الله بعاملات وابدا يااارب مالكم بالطويله
الجهاز عباره عن عصا البخار نعبي المويه في المخزن الخاص فيه ومهم جدا تكون مقطره ونحرص علي تغير
المويه بعد 4 او 5 استعمالات واليد نقدر نتحكم فيها نوجها زى مانبي يمين يسار فوق تحت عن طريق محبس بعد مانظغط زر تشغيل البخار
ننتظر دقايق لحد مايطلع البخار وفيه ساعه خاصه بتوقيت البخار
النقطه الثانيه اللمبه تتوجه على الوجه لها زر خاص بالتشغيل ونقدر برضو نتحكم في توجيه الاضاءه
النقطه الثالثه في درج اسفل الجهاز وله برضوه زر خاص وهذ جهاز خاص بتسخين المناشف عباره عن درجين ممكن يشيل 6 مناشف صغيره
نستخدمها للوجه اثناء تنظيف البشره وتكون دافيه
النقطه الرابعه نبداء من اليسار اول زر خاص بالمساج وهو عباره عن يدين الاولى تكون على شكل عصا هذا تمسكه الزبونه بيدها عشان الذبذبات
والثانى يكون على شكل عجله وهذا يتمرر على البشره لعمل المساج وملحق يد ثانيه اضافيه تكون بدل العجله بشكل دائري لنفس الغرض
النقطه الخامسه عباره عن فرشة التقشير وملحق معاها فرشه كبيره وفرشه صغيره بلاضافه الي مخدتين دائريه للماسك
ويتحكم بسرعتها بزر
النقطه السادسه زر خاص بسحب الرؤس السوداء وهذابعد نتحكم فيه بزر من خفيف الي عالي
عباره عن زجاجتين وحده زي دائريه وحده مسطحه شوي تأدي نفس الغرض نفس الزجاجه فيه فتحه صغيره هذا من خلالهانتحكم بتمريرها على البشره
يعنى مجرد مانبد نمررها على البشره نسكرها وقبل مانسحبها من البشره نشيل يدنا من على الفتحه الصغيره عشان ماتاثر على البشره
النقطه السابعه الليزر وهذي برضوه لها راسين راس زي الملعقه وراس عباره عن عصا وكلها حلوه وهو يستخدما في اخر مرحله لتسكير المسام ويستخدم مع كريمات الكولاجين
عشان يفتح البقع الداكنه وهو سهل جدا ويتحكم فيه نعليه ونوطيه بزر عباره عن ضوء وصوت ويلسع بشكل بسيط في حالا علينه
النقطه الثامنه عباره عن علبه يتعباء فيها التونيك وبين كل خطوه وخطوه ترشي التونك العلبه تظغطي على الفواهه وتبداء ترش التونيك
بلاضافه الي جهازعباره عن عدسه كاشف للبشره بس ما احس فيه فايده تذكر
هذا مافي جعبتى بس ان شاءلله تفهمون منى وتستفيدو من الموضوع
تحياتى للجميع
16-10-1430 هـ, 01:43 صباحاً
 
بنات ايش رايكم كل وحدة تقول لنا افكار نزود منها دخل المشغل
انا بقول ايش اللي افكر فية هاليومين
ناويه احط بطاقات عضوية 4 فئات (150/300/450/600)
150 اربع زيارات سواء خلال شهر او شهرين
300 ست زيارات سواء خلال شهر او شهرين او ثلاث شهور
450 ثمان زيارات خلال اربع شهور
600 عشر زيارات خلال 6 شهور
وناوية اسوي تخفيضات ايش رايكم
16-10-1430 هـ, 04:21 صباحاً
 
اممممممم

فكرتك حلوه ست الحسن وقريبه من فكره في بالي

وهي عباره عن قسائم او بطاقات هدايا

يعني
يكون فيه قسيمة نيولوك ب 1500 مثلا
او قسيمه ب500
يعني باسعار مختلفه واسما مختلفه وشكلها يكون انيق وفاخر اقصد القسيمه وتشتريها الزبونه وتهديها

يعني انا اختي والده وودي اهديها هديه غير
اروح اشتري لها قسيمة نيولوك واهديها لها وهي تروح للمشغل وتسوي جميع الخدمات حقت المشغل من صبغ وقص وحمامات وشيل حلاوه يعني اي خدمه في المشغل تسويها

اما اللي ب500 تكون محدده فيها الخدمات مسبقا يعني مثلا صبغ وقص فقط
واتمنى اللي تقدر تبيعها عن طريق الانترنت يكون احلى لان راح نشوف الازواج يشترونها ويهدونها لزوجاتهم وانا دائما افكر ليه المشاغل عندنا ماتطبقها واذا جاتكم الزبونه تشرحون لها واكيد راح تعجبهم


ويمكن تكون هالفكره مطبقه عندنا وانا مو داريه

وسامحونا طولنا بس احب الكل يفهم الفكره




وراح افكر وارد اقول لكم اذا طلع معاي شيء
16-10-1430 هـ, 06:32 صباحاً
 


الساعة الآن 11:10 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏