Analysis Services
rose_mari

بارك الله فيج اختي.. على شرحج الوافي ومساعدتج للاخوات..


واتمنى انج ماتزعلين او تاخذين بخاطرج من البنات... لانهم مايقصدون التعميم..لكنهم يتكلمون عن تجربة... وانتي ادرى ياقلبي باللي يصير.. واحنا العرب كلنا اخوان وحبايب ...

وان شالله البنات بعد يحافظون في كلامهم... ويذكرون تجاربهم بدون تعميم..

و مثل ما قالت الاخت الي زعلتي من كلامها... ترى الزباين ما يثقون الا بمكياج العربيات..والخليجيات.. لا هنود ولا فلبينيات...

لا تزعلين يا قلبي .. ومالج ان شالله الا طيبة الخاطر...


على فكرة... ليش ما تتفقون يا صاحبات المشاغل تعطون العاملات عندكم دورات.. عشان يفهمون شغلهم صح... لان حرام والله الي صاير الحين في الصالونات.. اكل فلوس على الفاضي.. لاخدمات سنعة... و لا شغل نظيف... فارجوكم لا تحطون خدمة في مشاغلكم الا وانتوا راضين مية بالمية عن شغل العاملات الي عندكم عنها..
14-10-1428 هـ, 05:23 صباحاً
 
اخت روز ماري لا تزعلين مني ادري ان الاصابع مو زي بعض بس والله ما قلت هل كلام الا من تجربه معي وكنت رح اتضرر منها بشكل كبير لولا ان الله ستر
كل مااجيب عامله عربيه تجلس عندي فتره لين تتعلم الشغله وتوزع رقمها على الزباين وتطلع وتاخذهم بينما العاملات الفلبينيات سارلهم اكثر من عشر سنين عندي ما سووزيهم مع اني ما استثنيهم من اللعب من وراي بس احنا العرب الي خربنا صورتنا لا تنسين اني عربيه
للاسف بطلو يشتغلون بامانه الا ما ندر وكمان الاجنبيه حتو لو كانت سياه فما تقدر تلعب بذيلها لانها على كفالتك وما تقدر تسافر الا باذنك
حتى العامله السعوديه ما تجي ملتزمه يوم تداوم وعشره لا مره تقول عندي عزيمه ومر عرس ومره عزاء ومره بنسافر مع اهلها وتبي راتب عالي وهي تداوم نصف دوام الفلبينيه
لا تفهمين ان كلامي تفريق بين العرب انا اكثر وحده اكره الي يقول عن عربي هذولا الاجانب الاجانب هم الي ما يتكلمون اللغه العربيه
وفي الاخير حقك علي اذا كلامي زعلك
الاخت لجين انا فاتحه مشغل من زمان اذا عندك اي سؤال اسالي حبيبتي
14-10-1428 هـ, 01:03 مساءً
 
بنت قطر افكارك حلوه بس للاسف صعب نطبقها لان السوق مليان من البضائع الصينيه الرخيصه والزباين سارو يهتمون برخص البضائع اكثر من اهتمامهم بالجوده
وانا اشوف ان موقع المشغل يلعب دور في هذا الشي فالاحياء الي يسكنها ناس اغنياء ممكن يمشي عندهم هل مشروع لاكن الاحياء الشعبيه يفضلون الجاهز اوفر وارخص
14-10-1428 هـ, 01:11 مساءً
 
قمر قطر عيوني والله تواجدك بيننا فخر وعز لنا واثريتي موضوعنا واتمنى من الله ان يوفقك ويوفق كل من خطت بيدها نصيحه او تجربه لأخواتها في هذا المجال
**********************
روز ماري ((ياعيوني)) حنا ما نستغني عنك وعن خبرتك في هذا المجال

وصراحه كلامك مفيد حتى انا استفدت رغم اني مالكه مشغل وجاتني اكثر من كوافيره

واكثر من جنسيه المهم ياعيوني ام نواره اعتذرت وكمان ارجوا ان تقبلين اعتذاري

معها وترى حنا خوات ومابينا زعل واتمنى انك ماتتركينا

واقسم لك((وانه لقسم لوتعلمون عظيم)) انا صاحبات المشاغل
عانينا ال امرين من الخليجات والسعوديات ومختلف الجنسيات
وان كانت ام نواره عبرت بتعبير قاسي شوي
للك خالص شكري وتقديرى

77777&&&&&&&&&&&77
لجين عيوني ام نواره كفت ووفت اتمنى لك التوفيق
16-10-1428 هـ, 11:00 صباحاً
 
((لا آله الأانت سبحانك اني كنت من الظالمين))
16-10-1428 هـ, 04:45 مساءً
 


الساعة الآن 06:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏