اختي نايفة

ياليت تقولي تجربتك من الألف للياء

بداية الفكرة إإإإإإإإإإإإإإإ إإإإإإإإإلى لمن كملتي


نحنا نستفيد ونكون عطينا اللي بتدبدأ تجربة واااضحة ما تحتاج بعدها للسؤال

هذا اذا تكرمت

وشاكرة لك
هلا اختي نحلة كسوله اسمك مايدل على نشاطك ماشاء الله
ابشري راح اكتب لكم كل اللي سويته من الالف الى الياء

بالنسبة للاجراءات شغلتها طويلة انا قدمت سجل تجاري كامل يحمل اسم مؤسسة
مثلا تكون باسمك ويكتب باسمك (مؤسسة هدى عبدالله للتجارة)
الشروط والاوراق الهامه :
1_ ان لاتكون المتقدمة موظفة
2_ الاوراق المطلوبة : 1_ صورة من بطاقة الاحوال او البطاقة الشخصية
2_ صورة من بطاقة ولي الامر مع الاصل للمطابقة
3_ وكالة عامه منك لولي امرك مثلا زوجك او والدك
4_ برنت لسجلك من الاحوال
5_ توكيل من الموكل الاول اللي هو ولي امرك لمديرك التجاري
( شخص تثقين به طبعا غير ولي امرك )
ولابد ان يكون المدير التجاري لديه مؤسسة
6_ تعريف من عمل زوجك او ولي الامر الموجود
7_ اختيار النشاط
هذا بالنسبة للسجل التجاري
بالنسبة للنشاط يعني لما اتضيفي النشاط تحت اسم المؤسسة
الاوراق المطلوبة :
1_ الورقة الاصل من تسديد الرسوم السنوية ولابد ان يكون تاريخها ساري المفعول
2_ الاصل من السجل التجاري المستخرج الاول
3_ تعبئة نموذج الطلب ( طبعا من وزارة التجارة طلب اضافة نشاط)
4_ برنت من سجلك من الاحوال
5_ برنت من سجل الاحوال لمديرك التجاري
6_ الوكالة العامة لولي امرك مع توكيل منه لمديرك التجاري
7_ تسديد رسوم السجلات بعد استلامها ( سجل الجرد _ سجل الشهري _ سجل الاستاذ )
تعليق : سجلات كبر الطاوله والله ماتقدرين اتشيلينها مفروضة عليكي فرض ولا مافيه اضافة نشاط رسومها 105 ريال فقط
8_ صورة من بطاقة الاحوال
9_ صورة من البطاقة الشخصية لولي امرك

( طبعا الافضل انك تعطينها معقب والمعقب يعطيه ولي امرك توكيل لانهاء الاجراءات )

نصيحة يابنات اضيفوا اكثر من نشاط راح يقبلون واهم شي الاستيراد والتصدير ينفعكم بعدين
مثلا مركز نسائي لاتكتبن مشغل بس مركز نسائي يشمل ( خياطة ، ادوات تجميل ،اكسسوار،
تجهيز حفلات ؛ تغليف هدايا ، ملابس) كل شي يخطر على بالك راح ترتاحون بعدين لو حبيتي اتعدلي او اتغيري مشروعك
هذا انا تعبت وانا اكتب مابالك بتحضيرها والروحه والجيه الله يعينكم
ماادري اذا نسيت شي لو تذكرتك رجعت وكتبته لكم
طبعا كل نشاط راح اتسوينه له شروط لحاله

يالله يابنات ادعولي بالتوفيق في مشروعي الجديد لاتبخلون علي الله يوفقكم
النايفه جزاك الله خير ووفقك و اسعدك حنا كنا محتاجين لمن يعطيي البنات

صوره واضحه للأعمال الخارجيه الخاصه بالرجال لأن انا ولي امري قام

يكل شيء ومسكت الإداره الداخليه ويعطيك العافيه وخليك على تواصل ويانا
هلا بك كرستاله
انا بالخدمة باي وقت واللي حابه تسال عن شي
تذكرت حاجه نسيت اقولها لكم لازم اتسوون اعلان عند وزارة التجارة تكلفته 900 ريال
لاضافة النشاط حتى لايكون هناك تشابه بالاسماء وبعدها تتم الموافقة
بالتوفيق للجميع
((لا آله الأانت سبحانك اني كنت من الظالمين))


الساعة الآن 09:58 .