السلام عليكم اخواتي .. طبعا اكيد الكل يعرف طريقة كبسة الهامور الى انا اسويها لاكن

مو طبخت ست الستات امي الغاليه .. والله بلاني في ام زوج تفرق بحريم الاولاد بالطبخ


تكفون يوم الجمعه . اهل زوجي بيتغدون عندي وابي هذي الليله تعدي على خير يالله همتكم

وشاركوني .. ام زوجي تسويهاا انا ابي اسويها وعليها حشوو عشان المنظرر


والله يجزااكم الف خيرر.
(اللهم يامثبت القلوب ثبت قلبي على دينك)
ولا تضيقين حبيبتي ***** الله انك قدها وقدود
انا الي اعرفه ان امي تسميه مطبق سمك يعني طبقات الرز والسمك والحشو وبعدين رز
ماطول عليك جيبي السمك وغسليه ونظفيه(لاتنسين القشور وهالخرابيط انا اخلي حق السمك ينظفه وانا اغسله بس ) وتبليه بالثوم وعصير اليمون والكمون والكزبره مطحونين طبعا ....سويه قبل الطبخ ب4 ساعات

الحين نجي للخطوه الثانيه اقلي السمك لين يستوي وحطيه على جنب في هالوقت قومي واغسلي الرز واطبخيه بمويه حاره وشويه هيل لين يستوي بس مو مره يعني يبيله شويه سواء وقومي وحطي ملعقه زعفران في كاس وصبي عليها مويه حاره وخليها على جنب لين يغمق لون المويه ويصير برتقالي

الحين قومي وقطعي بصل صغير مره للحشو او الكشنه واحمسيه بالزبده مع صنوبر وزبيب ولما ينهد حيله حطي بطرف الملعقه الصغيره فلفل اسود مطحون وبهارات مطحونه بكذا يصير الحشو جاهز

الحين تجيبين قدر كبير وتحطين نص كميه الرز وتصبين عليها شويه من شراب الزعفران وتحطين السمك المقلي ونص كميه الحشو (الكشنه) وتحطين الي باقي من الرز وتجيبين الملعقه الخشب اليد حقتها وتسوين فتحات بالرز وتصبين فيها شراب الزعفران وتساوين سطح الرز عندك وتحطين الباقي من الحشو على الوجهه وتسكرينها بالقصدير زين وتقصرين النار مره

نجي الحين وبعد مانشف الرز لتقديم طبعا تجيبين التبسي المدور الكبير الي بتقدمين فيه وبكل انتباه تقلبين القدر في التبسي وتستمتعين بالريحه والشكل والطعم ..

تحذير هام : جربي الطبخه على زوجك وعيالك اول يعني مو تجيك التجارب يوم العجوز تجي

اتمنى اني اكون اعرف اشرح والله يبيض وجهك قدامهم
اللهم اني استودعك احبتي فحفظهم واسعدهم يارب ومتعهم بدنياهم بالصحه والعافيه
هذا الموضوع فيه طريقه حلوه للحشو ... بس اتوقع تناسب اللحم و الدجاج اكثر
http://forum.hawaaworld.com/showthread.php?t=761349

و هذي كبسة السمك على الطريقه البحرينيه و ايضا معاها طريقة حشو مختلفه و هي الظاهر انسب للسمك
http://forum.hawaaworld.com/showthread.php?t=817925

الله يبيض ويهج جدام عمتج و يعديها على خير ^-^
سبحان الله و بحمده * سبحان الله العظيم








اللهم لك الحمد كما ينبغي لجلال وجهك و عظيم سلطانك


الله يبيض وجهج قدامهم
هذا موضوعي شوفيه اختي ما قصرت وردت علي
وزي ما قالو البنات جربي في عيالج اول خخخ
http://forum.hawaaworld.com/showthread.php?t=840824


الساعة الآن 08:25 .