السلام عليكم و رحمة الله و بركاته

والله يا بنات ما نزلت الموضوع الا بعد ما فقدت الامل ... و درت على الاقسام كلها اقرا للصفحه العشرين و الثلاثين ... بس ما فيه فايده الواحد مخه خلص قام ما يجمع ...

الزبدددده ... زوجي له سنييين امنية حياته أطبخ له ... و بعد ما تخرجت و رجعت لي الروح قلت خلاص بتسنع و أطبخ يستاهل بو عيالي .. و الحمد لله من أول طبخه مع إني مبتدئه بالمرررررره بيضت الويه و بعد اسبوع صرت أسوي البرياني و الكبسه و الصالونه .. الخ ..

بتقولون وين المشكله ... بقولكم المشكله بهالريال الي ما يعرف شو يريد .. ما كملنا شهر الا و قال خلااااااااااص ستوووووووووب ما اريد اكل .. الاخ زاد وزنه و هو معدته من الاساس ما تستحمل ثقيل

و انا ادري لو اوقف طبخ ما بيعجبه ... بس اطبخي و اتعبي و ما بكل غير سندويتش جبنه

قلت له زيييين يا حبيبي يا بعد قلبي ماااا في اي مشكله انا اصلا ما احب الرز و ما احب اسويه بس اسويه عشانك خليني اسوي لك اكل على ذوقي ... قال لا لانه بسلامته يعرف ذوقي شوربات و باستا و ايطالي على صيني .. و هو دقه قديمه و ذوقه محدووود عالاخر ... قالي اذا تبين صلحي رز ابيض و سلطه و خلص ... طبعا ما ينفع الصالونه العاديه لانه ما يقدرها وايد اللهم الا اذا كانت ناشفه ممكن يمشيها ...

طبعا فكرت اسوي دجاج مشواي و اقدمه مع خضار و خبز ... او رز ابيض مع صالونه ناشفه ... بس هذا الي طلع معاي للحين ما ببالي شي ثاني ..

و الحين بعد ما قلت قصة حياااااتي ... الله يخليكم بنات و يجزيكم عني خير الجزااااء ...

يا ليت اللي عندها وصفات لاكلات صحيه و خفايف ... بس مو شغل اجنبي بحت لانه ما يحب هالاشيا .... و انواع رز بالخضار و غيره

و الاهم الي عندها روابط و طرق لإيدامات مختلفه اقدر اقدمها مع الرز الابيض او مع الخبز اكون شاااااااااااااا كره


الله يخليكم لا تجحدون الموضوع ... و ردوا علي من باب الله ياجركم لانكم تفرجون عني كربه من قلب

سبحان الله و بحمده * سبحان الله العظيم








اللهم لك الحمد كما ينبغي لجلال وجهك و عظيم سلطانك


الله يعيننا على هالازواج
بامكانك تعملين له ايدام دجاج زي الشاورما وميزته انه مافيه زيت يعني تسلقين الدجاج بعدين تقطعينه صغار
كشني بزيت زيتون بس نقطتين وحطي جميع انواع الخضروات اللي تحبينها سواء جزر اوكوسة او فلفل رومي مع شوي ماء الين تستوي
في الاخير حطي الدجاج لان قديه مستوي وخليها تتحمر وقدميها بالهناء والعافيه
او سوي ايدام دجاج بالخضروات في الفرن
اتمنى اني افدتك ياعيوني


سبحان الله وبحمده سبحان الله العظيم
روح الجود ... تسلمييييييييييي ييين ملاييين و الله يجزاج خير فكره وايد حلوه و بحطها ضمن الوصفات الي بسويها ... خاصه إنها على ذوقه
سبحان الله و بحمده * سبحان الله العظيم








اللهم لك الحمد كما ينبغي لجلال وجهك و عظيم سلطانك


callnouf

تسلمين على مرووورج حبيبتي ... و إن شاء الله أجربها .. و على فكره ترا امس و انا ادووور طحت على موضوعج رز الغداء اللذيذ و واااايد عجبني و اضفته للمفضله و ناويه الثنين يكونن ضمن الوصفات الي اجربهم ^-^

الله يجزاااج عني كل الخير
سبحان الله و بحمده * سبحان الله العظيم








اللهم لك الحمد كما ينبغي لجلال وجهك و عظيم سلطانك


>مين؟؟؟؟؟
وت ايفر؟؟؟؟
لا لا ما أصدق؛؛
حيا الله صديقة الطفوله
كيف حالك
وكيف سهيل؟؟(سوسو)
وكيفكم كلللللللللكم؟؟؟ ؟
والله اني مشتااااااااااقه لك
وما أنسى وقفتك معي يوم كنت أمر بهاذيك المشاكل
صدق صدق استفدت من نصايحك وذكر تجاربك
المهم أنا واياك نفس النمونه
يعني نتشابه في اشياء كثييييييييره
1-نفس القسم كنا ندرس
2-دوبنا تخرجنا
3-كنا ما نطبخ لرجالنا واللحين بحلنا بهم
4-رجالنا طايحين هاليومين في الدايت
5-عيالنا(سوسو)


عموما خذي مني نصيحه
وش صرت أسوي أللحين
أسوي دجاج بالفرن مع خضاروناكلها مع خبز توست قليل الدسم وصلى الله وبارك
كل يوم نفس الوجبه بس تختلف طريقة الشواء


مرة أجيب صينيه معدن حقت الفرن
وأحط شرايح بصل وفلفل اخضر وبطاطس ونص دجاجه مشيولة الجلد ومتبله في ملح وخل وليمون وكمون وبهار لمدة ساعتين واكثرواغطيه بالقصدير مضبوووووووط وأحطه في الفرن ساعه تقريبا(يعتمد على وزن الدجاجه وحرارة الفرن)


ومره اجيب دجاجه متبله بنفس الخلطه السابقه واحطها على شبك الفرن وتحتها صينيه فيها مويه عشان تتبخر وتحمرها(جنااااا اااااان هالطريقه)


ومره أتبلها بنفس التتبيله السابقه مع اضافة صويا صوص
وسماق وأحطها مع خضار في الصينيه وعالفرن

وهكذا

أهم شئ تبلي الدجاج مبكر وغززيه بالسكين عشان يتشرب التتبيله

الله يوفقك ويسخر لك ويحقق أمانيك ويهون عليك ويخلي لك احبابك
لو كنت متوكلاً عليه حق التوكل لما قلقت للمستقبل، ولو كنت واثقاً من رحمته تمام الثقة لما يئست من الفرج، ولو كنت موقناً بحكمته كل اليقين لما عتبت عليه في قضائه وقدره، ولو كنت مطمئناً إلى عدالته بالغ الاطمئنان لما شككت في نهاية الظالمين


الساعة الآن 09:38 .