السلام عليكم ورحمه الله وبركاته


بنات ابغى أسأل كيف احصل على بطاقه فيزا علما بأني مو موظفه

ابغى استخدمها مره وحده بس لاني لازم ادفع رسوم دوره اخذها

ولازم يكون الدفع عن طريق الانترنت بواسطه الفيزا

عندي حساب في بنك الأهلي

وابويا عنده بطاقه مزايا الاهلي

مادري كيف استفيد منها
وارسل لهم الـ 3000 الاف

بليييييييز محتاجه اعرف ضروري

دورت بكل مكان وسألت كثير ومافي اجابه واضحه للاسف

قلت مافي الا بنات حواء يعلموني الطريقة
انتظر تجاوبكم

الله يجزاكم كل خير ياارب

اختكم انجووله
25-03-1428 هـ, 02:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
البنك الأهلي عندهم البطاقة المسبقة الدفع وعليها شعار ماستر كارد أو فيزا
وأيضاً أطلبي بطاقة الأهلي للانترنت ، وبكذا تقدرين تدفعين رسوم الدورة ..

كل بطاقة بـ 100 ريال ..
25-03-1428 هـ, 05:11 صباحاً
 
اقتباس مشاركة  (:: أم صفية ::)
البنك الأهلي عندهم البطاقة المسبقة الدفع وعليها شعار ماستر كارد أو فيزا
وأيضاً أطلبي بطاقة الأهلي للانترنت ، وبكذا تقدرين تدفعين رسوم الدورة ..

كل بطاقة بـ 100 ريال ..
هلا اختي ام صفية

اول شي شاكره لك ردك واستجابتك

اسال الله ان يجعلها في ميزان حسنتاك


بالنسبه لبطاقه الاهلي اخذ أي نوع ؟

والمسبقه الدفع ب100 بس

يكون يكون الرصيد فيها 100 ريال ؟؟

مافهمت ايش قصدك ( بطاقه الاهلي العاديه تختلف عن بطاقه الانترنت وتختلف ايضا عن مسبقه الدفع ؟)


سوري مو فاهمه لأني مو موظفه ومو عارفه هالشغلات

بتمنى القى احد يفيدني

الله يعطيك العافيه يااااااااااارب
25-03-1428 هـ, 06:46 صباحاً
 
الله يجزاك خير يافوشيا <<< هي اللي علمتني على البطاقة

أختي Angel eyes

بطاقة الأهلي المسبقة الدفع وبطاقة الأهلي للانترنت تروحين تطلبينها من البنك <<< أجل من المطعم

البطاقة المسبقة الدفع طبعاً من اسمها معروفة
بطاقة الأهلي للانترنت ، اعتقد تصلحينها عشان تستخدمينها في النت وتكون نسبة الأمان 100 %

وتأخذين معك دفتر العائلة الأصل وقلم أزرق عشان تعبين البيانات وألف ريال احتياط ..
كل بطاقة يصلحونها لك بـ 100 ريال وكل سنة أو سنتين تجددينها

يبقى معاك 800 ريال اشحنيها في حسابك ، أنا صلحت كذا ماشرطوا علي مبلغ معين ..

طبعاً قبل مايصلحونها بيقعدون يماطلونك وإنهم مايقدرون يصلحون لك البطاقة وفلسفة حريم مالها آخر
بس لاتطلعين إلا وأنت صلحتيها

أنا رحت لهم يومها بعد الظهر رجعت بعد العصر ..

مارضوا يصلحونها

قلت لهم أنا كلمت البنك الأهلي 3 مرات وقالوا عادي نصلحها لك حتى لو ماكنت موظفة ولاعندك راتب
ودخلت موقع البنك الأهلي وعارفة مميزات البطاقة ومافيه شروط إني أكون موظفة أو عندي راتب

بس هم رافضين !!

آخر اليوم قاعده أطالع الأوراق اللي مصلحين فيها دعايات وفيها البطاقة اللي أبغاها

قلت لهم ذي أبغى أصلحها رجعوا يماطلوني

حطيت يدي على خدي وإذا بدموعي تتساقط

قالت لي الموظفة تعالي ..

قلت : أخيراً بتصلحونها

قالت لحظة نسأل ونشوف .. قعدت انتظر انتظر

قالوا ارتاحي

عدت للكرسي الحزين ، وهم قاعدين يجرون مكالمات ويستفسرون عن السالفة !

وبعد عناء وافقوا يصلحون لي البطاقة

وقالوا لي أول مره نعملها لأنه مافيه أحد كثير يطلبها <<< عذر أقبح من ذنب

بيقولون لك نشحن لك البطاقة بـ DHL على بريدك .. ولازم تدفعين 35 ريال لكل بطاقة

وفي أقل من أسبوع هاتفوني DHL عشان أروح أخذها والحمد الله وفرت 70 ريال

بعد ماتوصلك البطاقة كلمي البنك عشان يفعلونها لك ..

على فكره مو لازم تفتحين حساب في الأهلي

بس حلو يكون عندك حساب عشان تشحنين البطاقة وممكن تشحنينها عن طريق أي شخص عنده حساب في الأهلي من صرافتهم طبعاً ..

ولو بغيتي تفتحين حساب افتحي حساب الأجيال لمن تقل أعمارهم اعتقد عن 25 سنة

عشان مايأخذون عليك رسوم شهرية إذا نقص حسابك عن 5 آلاف ..

موفقة يارب
25-03-1428 هـ, 08:51 صباحاً
 


مكرر
25-03-1428 هـ, 08:59 صباحاً
 


الساعة الآن 01:31 .