نا مااعرف اطبخ ولالقيت احد يشجعني ممكن تساعدوني وتقفون وياي افشل لما اكون باجتماع الاكل مسوي في البيت الا انا جاهز الرسمي مو مره حتى البيض مااعرف اسويه جد مو دلع
نفسيتي زي الزفت بس انظف في البيت وبس وفي العزايم ابتلش ؟؟؟؟؟؟؟؟؟؟؟؟؟
وابو الشباب ما يحب التشكيل عشان كذا نسيت الي تعلمته عند اهلي لما اسوي حلى او اي شي
مايقول حلو عجبني لا يسكت ولاحتى ياكل قظمه وحده مليت
سبحان الله وبحمده سبحان الله العظيم
الصلاة والسلام على من لانبي بعده
صلى الله عليه وسلم
عفوا لااقبل الرد من الرجال
ليش يالغلا وش السبب انهم مايشجعونك ؟؟


اللهم إجعل المملكة العربية السعودية بلداً آمناً مطمناً و سائر بلاد المسلمين برحمتك يا أرحم الرحمين

شوفي .. مستحيل تغلبيني في التحطيم ...

قبل أتزوج كنت احب اجيب وصفه لاكله و اجربها مع بنت خالتي من باب الهوايه مو حب الطبخ بس يعني نادر و ما كان عندي اهتمام و اعتبر الاقل موهبه بين خواتي محد ينتظر مني اني اطبخ .. و انا مشكلتي إني عندي خوات و قريبات .. بالذات أختي الي اكبر مني على طول ... هذي رسميا من ضمن التوب 3 في العايله .. و العايله مليانه طباخات سنعات .. فتخيلي بعد ما تزوجت انا و اختي .. اخذنا اخوان و عشنا بنفس البيت ... الكل يقارن بيني و بينها و معتبريني رفلا و ما يطلع مني و و و .. هذا كلام العايله كلها الا زوجي هالفقير كان يشجعني بس انا ما طبخت الا مرتين ثلاث و بعد ما شفتهم مصخوها صرت ما اطبخ خير شر ... والله كان يجيني تحطيم فظيع مو ان نيتهم شينه لا بس نحن عايلتنا كذا عيارين و طاحت على راسي .. بس قبل شهر مدري نزل علي الوحي و قررت اطبخ ... و انا ما اعرف اطبخ الا الشي الي احبه ... بس سبحان الله مع اني ما احب الرز و طبخاته من اول مره لي فلحت فيه ... صح كنت احيان اخربط في قياس الما او انسى الملح .. و اضطر اذوق الاكل كل خمس دقايق اتأكد من الطعم .. بس بعد أول اسبوع صرت اطبخ و انا مغمضه .. بس ما احتري إن اكلي دايم يكون توب ... يعني انتي لا تحترين زوجك يمدحك .. انا اول فتره ما احتريت من زوجي مدح بالعكس قلت له انتقد اريد اعرف شالي يعجبك و الي ما يعجبك عشان اطبقه لاني ما طبخت الا له ... فانتي خذي ذوقه و تعليماته حبه حبه و لا تحترين نتايج سريعه لا عطي روحك شهر .. و صدقيني بعد اسبوع بتكونين اوكييي ... بعدين لا تبدين من راسك اقعدي اقري في القسم و طالعي قناة الطبخ .. مو عشان وصفه بذاتها لا ... بس لانك تتشربين التعليمات كذا ... يعني بتصيرين تنتبهين ان الغالبيه تقايس موية الرز في القدر انها تقوم فوق الرز بشوي .. او إن الكبسه عكس البرياني مرقتها تكون خفيفه و قليلة الخضار .. الخ ... شغلات صغيره بس تاثر واااايد :::

اهم شي هيئي روحج للغلط مره و مرتين و ثلاث و بتصيرين بعدها تعرفين من اخطائج شو صح و شو غلط ... و ابدي بالاشيا المضمونه مثل ايدامات الخضار و صينية الدجاج بالفرن و غيره من الاشيا السهله .. و من باب تعدلين على روحك قدام زوجك صلحي شغلات جانبيه سهله و بسيطه يم الطبق الرئيسي يعني سلطه مميزه شوربه خبز بالثوم .. الخ

و الله يوفقك علمينا وش يصير معااك ^-^
سبحان الله و بحمده * سبحان الله العظيم








اللهم لك الحمد كما ينبغي لجلال وجهك و عظيم سلطانك


انا اقول ان الرفلا هي اللي ما تعرف الطبخ ولا تفكر تسويه اما اللي ودها تطبخ هذي زي ماتقولي بذرة طيبه ممكن تزرعيها وتطلع نبتة مثمرة تسر الناظرين وانتي مادام انك تحبي تطبخين وتسالين عنه فهذا شئ طيب وثقي انك تبي تصيري طباخة ماهرة ولك ذوقك الخاص ,,,المهم تسالين وتطبقين وتكررين الطبخه وراح تشوفي والله يوفقك
يالغاليه مافيه احد انولد مبدع الطبخ يجي بالتعلم شوي شوي انا اكثر الاحيان ماتضبط معي خصوصا الرز ومثل ماقالو الاخوات ابدئ بالطبخات السهله وفيه في المنتدى اكلات مره روعه الله يوفقك


الساعة الآن 03:08 .