الجـــــــــــــــــــــــــــــــــزء الــــــــــــــــثـــــــــــــــــــــامن



احس أني وسط ليل طويل ناسي فجره أعيش بظلمته واسرح بأفكاري الى المجهول
أفكر وانتظر صبح جميل باسم وعطره وتصدمني هوى جيسي ولا ألقى لهمي حلول

الساعة 1:30
مبزرة الخضراء


نهيان )آه خلاص يعني بتم روحي الي يحبني ويعزني راح منو تملي في هالدنيا دام الغالي راح
لحظة أذكرت شي أنا كيف نسيت هالشي........................
نهيان قام من مكانه بسرعة وراح فتح دبة سيارته لقا الصندوق
.................................................. .................................................. .....
راشد: نهيان خل هالصندوق عندك
نهيان:أشو هذا.......................... اعترف منو معطنك هالصندوق
راشد:ههههههههههه محد
نهيان:لا بعد احمر .................(نهيان وهو لرافع حياته )وليش انزين تخليه عندي
راشد:أووووووووووف تراك وايد تسأل
نهيان:اخاف فيه شي هالصندوق وبدبسني فيه
راشد:ههههههههههههههه يا ريال هاي هدية
نهيان (يبتسم بخبث ):هيييييييييييييييي من منووووووووووووو
راشد:محد أنا الي بهدي
نهيان:لا لا................ في تطور ومنو سعيدة الحظ
راشد: بنت خالتي
نهيان:هييييييييييييييييييييييي قتلي وليش ما توديه بيتكم يوم انه بنت خالتك
راشد: طفرتبي بسألتك ترى يا الذكي اخاف الوالدة تشوفه وتفهم الموضوع على كيفها وأنا مب فايق
نهيان:لا والله يوم انك متعني وشارلها هدية شو تبها تفكر يعني هدية أخوة
راشد: ما يصير ما اشتريلها هدية وعيد ميلادها الخميس الياي
نهيان: وليش ما يصير ما تشتريلها هدية ان شاء الله
راشد: لان هي هادتني في عيد ميلادي فهمت يالذكي
نهيان:هييييييييييييييي يعنـــــــــــــــــــــي
راشد:لا يعني ولا شي هي مثل اختي لا أكثر ولا اقل
نهيان :اختك ورفع حياته
راشد:ههههههههههههههههههههههه

نزلت دمعة من عيون نهيان وهو يتتذكر راشد تنهد وبعدين اتذكر الصندوق
نهيان: هذا وين اوديه الحين شعرفني اي وحدة من بنات خلاته بيعطيها
فتح نهيان الصندوق ولقا ورد مجفف في كل الصندوق وعلى الاطراف شمعتين على شكل ورود حمر في وسطهم عطر بين اللوشن والصابون ماله
نهيان : نهيان لقى رسالة

الى الغالية وضحة

كل سنة وانتي بخير وعقبال مية سنة ان شاء الله

معنه مب وقت هالكلام بس اسمحيلي اقولج
لا تدمرين حياتج بسببي أنا مب الشخص المناسب لج
أتمنى انج تشوفين حياتج وتشليني من راسج
وتقبليني كأخو ( سامحيني اذا جرحتج بالكلام بس هذا لمصلحتج )



من أخوج المحب راشد


نهيان استغرب من الرسالة وخاصة أنه ما يعرف شي عن وضحة
اشوووووو راشد كان يحب لاء هو ما يحبها هي تحبه بس عمره ما قال عنها شكلها وايد تحبه ما أدري الحين شو حالها بس كيف بوصلها هديته لو عندي الحين اخت مب احسن الله يهداج يا امي ما يبتي الا أولاد أووووووووووووووووووووووف شو أسوي الحين هي بقول حق أمي خلا أسالها عنها يمكن تعرفها
راح البيت بسرعة فتح الباب شاف أمه وناصر بالصالة
نهيان:السلام عليكم
ام مطر:وعليكم السلاموالرحمة............ عظم الله اجرك ابوية
نهيان :أجرنا وأجرج اماية
نهيان:أقول أماية
ام مطر:قول ابوية
نهيان : خوات أم راشد يو
أم مطر:هي ما عندها غير اخت وحدة وشفتها اليوم كانت موجودة
نهيان:هييييييييييييييييييييييي وبناتها يو بعد ولا لاء
أم مطر:هي شفت بنات أنا .............. بنات منو عاد ما أدري
نهيان: كم بنت عندها هي
أم مطر: شعرفني أنا أبوية بس شو بلاك وايد تسأل
نهيان:لاء بس ( نهيان ما عرف شو يقول ياب حجة من عنده ) ............. سمعتهم وأنا مار يقولون وضحة ما أدري بلاها ما أدري قلت يمكن في شي
أم مطر: وضحة هي سمعت يقولون وضحة في المستشفى لكن منو وضحة ما أدري يا ابوك ما اعرف اهالي امها أنا
نهيان:هيييييييييييييييييي
ام مطر: بلاك أبوية
نهيان: ولا شي رايح ارقد انا تعبان
أم مطر :انزين ابوية روح ارتاح
نهيان:ان شاء الله اماية

نهيان(في المستشفى يعني اذا سالت في المستشفى بعرف أي غرفة هي بس متى بروح مافي وقت اخاف يظهرونها.............. أممممممممممممممممم بعد صلاة الظهر بسير شوي وبرد لان ما أظن حد بيكون عندها الحريم كلهم بيكونون في العزا )

.................................................. .................................................. ..............


بيت بو هزاع
غرفة هزاع

هزاع تم طول الليل وهو مقهور ومجروح وتم يطرش مسجات لليازية مسجات مب مجرد كلام
مسجات تجرح القلب يمكن حب أنه يجرحها يعذبها ما يدري

'راسك وش فيه لما اكلمك مرفوع
الظاهر اني فوق حجمك عطيتك
لحظة دقيقة نبي نرجع لماضيك
بذكرك بأي حال لقيتك
كان الضياع و دمعتك تخاويك
منهار و في عز انهيارك خذيتك
لاصار ذل النفس في قلب يغليك
يلعنك يا قلب عشقتك و شريتك
اضحك حبيبي دام الوقت مسليك
باكر بتموت من القهر لانسيتك

.................................................. ...................................

وينك تشوف الحال عقب فرقاك
أحلى من الاول واروع من اوقاته
لا تتحرىبتم اقول لك احبك واهواك
غلطان لان ماضيك طويت صفحاته

.................................................. ................................

كنت احسبك ماسه تصعب على كل رجال..
مادريت انك حجر الكل يدوسه
.................................................. ....................
من أول راح و اللي راح انتهى وولى
وأشوفك اليوم في قلبي طاح تمثالك
واذا قصدك تعاندني ترى من طبعي اتعلى
ولا أظن العمر واقف عليك و لا على أشكالك
توكل زيد بعنادك و من يتغلى يتخلى
وانا ماني بميت وراك و لاني بهالك
.................................................. ...................................
كانك لقيت اللي يحبك و يغليك
احنا بعد لقينا اللي يمسح ذكرياتك
ذكراك هذي انتهت دون تفسير
صارت اتسمى ماضي ذكرياتي
فرصة سعيدة واجتمعنا على خير
خلك بقايا ساكنة ماضياتي

.................................................. ......................................



لاصارت هذي علومك راح تخسرني
ماعمر احد راح من كيفه و ناديته
عند الكرامة ابيعك و انت خابرني
الله وكيلك ترى كل شي مريته
كانه هجر بالسلامة روح اهجرني

اخوي لا صد عني ماترجيته

.................................................. ...................................

عندي سؤال وخابر في تجريح
لكن ضروري تاخذه بانبساطي
ارفعك بيدي للسما ترجع تطيح
قلي وش اسوي فيك لا صرت واطي

.................................................. ..............................

ان بغيت اعشق بلقى كثر حبات الرمال
ولكن انت لو بغيت صعب مثلي تلقى

.................................................. ....................



هزاع كان يطرش المسجات ورا بعض مثل المينون من تستلم اليازية الرسالة يطرش الثانية كان ما يعرف شو يسوي وده يجرحها مثل ما جرحته وده يعذبها مثل ما عذبته وأنا الي سهرت الليل اهاذي بج وحبيتج من كل قلبي تسوين جي فيني خسارة صدق الي قال في هالزمن لاجرحت وعذبت يحبونك ولا حبيت وتعذبت ينسونك

هزاع ما كان يدري ان اليازية تصيح وهي تسمع هالكلام الجارح الي ينهال عليها واحد ورا الثاني كل ما تخلص قرايت مسج تبدأ بالثاني

كل المسجات أهانة لها وتجريج مب قادرة تتستحمل اكثر من جي
شلت اليازية التلفون واتصلت بهزاع

بس هزاع ما رد عليها ويوم تعبت فرت المبايل على الشبرية
بس ما وحالها الا وهو مطرشلها رسالة انصدمت بها


مالك امل ارجع الا بشرطين
نفذ شروطي كانك تبيني ارجع
الشرط الاول رجعتي مع فلسطين
والثاني خل الشمس في الليل تطلع

يوم السبت
الساعة 10:30
في الجامعة الامريكية

حمدة: هههههههههههههههههه تدرين انه سوالف وايد حبيته الصراحة
الريم: مالت عليج وعلى ذوقج ما أدري شو حبيتي فيه
حمدة:ههههههههه احسه طيب وحنون بس مب راضي يظهر شخصيته الأصليه ليش ما أدري
الريم: امحق حنون .............. اسكتي الله يخليج
حمدة : أقولج شي وما تعصبين
الريم:قولي
حمدة:شكلج تحبينه
الريم( باستهزاء ): ههههههههههههه وحليلج يا حمدو تدرين أنا على شو ناوية
حمدة:على شو
الريم :في الصيف بنسير لهم وبنتم شهرين وأنا راح أكون في بيتهم تدرين شو بسوي به
حمدة (بخوف) شوووووووووووووووو
الريم:بوهمه الحب بس يوم بتاكد انه خلاص مات فيه بقوله يخطبني ولما بيخطبني برفضه بعد ما يكون ميت عليه وبجي بذله مثل ما ذلني
حمدة:الريم مينونه انتي حرام عليج
الريم: ومب حرام عليه لما مد ايده عليه
حمدة:الريم انت مب الريم الي أعرفها لا تخلين الحقد ينتشر في قلبج لأنه مثل المرض اذا تمكن منج
الريم:حمدوووووووو غيري السالفة ......... الا شو صار بعرسج متى حددتوه
حمدة:28 / 8
الريم:هيييييييييييييييييييييييييييييي
الريم ماكانت تبا ترمس في السالفة لأنها ما تبغي حد يأثر عليها على الي بتسويه

.................................................. .......
يوم السبت الساعة
1:30
مستشفى توام

نهيان لو سمحتي أي غرفة موجودة وضحة خميس خالد ال...................
الموظفة قالتله عن الغرفة وفأي مكان
نهيان: مشكووووووووووووورة

راح نهيان لين الغرفة تردد أنه يدخل حطا أذنه على الباب شاف الغرفة هادية
دق الباب
:ادخل
فتح الباب ودخل شاف وحدة شكلها مريضة وويها شاحب
وضحة رفعت راسها أنصدمت بلي شافته وعلطول تغشت بالوقاية
نهيان:تم ساكت وخاصة أن ذاكرته رجعت لراشد ووضحة وايد تشبه راشد مثل اللون مثل العيون حتى مثل النظرة
وضحة( صدق أنه ما يستحي ما يشوف الغرفة غلط ليش واقف وفاج حلجه بعد)
نهيان:أحم ........
وضحة: شو تبغي واقف الشيخ
نهيان:أنا يايبلج أمانة
وضحة:أمانة ............أمانة أشووووووووو
نهيان:أمانة من عند راشد......................



.................................................. ........................

سعيد:يا بنت الناس بلاج انتي ما تقدرين ما رجعت لأن الريال متوفي تبيني اهد اهله واروح أخطب
سارة: والله انا ما يخصني أنا رمست امي وقلتلها
سعيد:أنزين انا بي عندكم يوم الأثنين لا تخافين
سارة: ومب لازم تي قبل عسب تخبر الشيخة روضة
سعيد:أشعليج منا أنتي ما يخصج فيها فاهمة أنا الي بتزوج مب هي
سارة: بس هي مرتك
سعيد: شلي روضة من بلاج ما يخصج بها اقولها ما أقولها هذا شي راجعلي أنتي كل الي يخصج أناااااااااا ............ أنا وبس
سارة:أنزيييييييييييييييييييييييييييين خلاص ما بنرمس عندها بس بسالك سؤال
سعيد:شووووووووووووووووو
سارة:أنت تحبها؟؟؟؟؟؟؟؟؟؟؟؟؟؟؟؟؟؟؟؟
سعيد: .................................................. ...
.................................................. ............................................

وضحة من سمعت اسمه تيبست في مكانها ودمعت عينها تمت تتطالع نهيان
ونهيان مب عارف شو استوابها وليش صخت وخاصة أنه ما يشوف ويها وهي متغشية
ما حس الا بوضحة تصيح وتصارخ
نهيان (أهي شو هالوهقة ) شو شو بلاج شو استوى
وضحة على حالها تصيح
نهيان:اسكتي يا بنت الناس فضحتينا
وضحة :راشد راااااااااااااااااااااااااااح رااااااااااااااااااااح
هني نهيان دمعت عينه وتذكر:اسمعي أنا لازم اروح الحين أهدي لين ما أخلص كلامي وبعدين كملي صياحج
وضحة هدت شوي
نهيان :هذي هدية من راشد محطها عندي عسب يعطيج اياها يوم عيد ميلادج بس ما خذها لانه..............
سكت نهيان وبعدين بلع ريجة كمل: المهم هذا الشي لج وأنا عطيتج أياه عسب أبري ذمتي
أنا الحين رايح مع السلامة
ظهر نهيان من المستشفى وركب سيارته كان ماسك نفسه جدام البنية بس الحين خلاص ما يقدر انهار نهيان بالصياح خلاص ما يروم يستحمل تم يصيح مثل الياهل الي فقد أمه

أما وضحة تمت تصيح وانهارت وتعبت أكثر وخاصة لما عرفت أنه قبل لا يموت كان مذكرنها وكان يفكر بها

.................................................. .................................................. ...
وديمة:الحقي ألحقي فطيم
فاطمة:بلاج بلاج
وديمة:واي قلبي بيوقف
فاطمة:ههههههههههههه تحريت عندج سالفة
وديمة:ليش ها شي بسيط
فطيم:هي بعد منو هذا
وديمة:أيه أحترمي نفسج لأي أدوسج في بطنج الحين
فطيم:انزييييييييييييييييييييييييييييييييييييي ين ههههههههههههههههه
وديمة:محلاته والله ولا كله بصوب وشعره بصوب
فطيم:والله أنتي يالسة تتغزلين به وهو مب داري عن هوا دارج
وديمة: لاوالله لو مب داري جان ما خطبني
فطيم: عيل ليش ما رديتي عليهم يوم تبغينه
وديمة:أتغلى عليه
فاطمة:ههههههههههههه ضحكتيني هو ما يدري انج تحبينه ولا يدري عنج أصلا حليله هو بغا يعرس وخلا امه تختارله ومن حظج أن أم غانم حطت عينها عليج ولا جان أنتي الحين ميتة غصة
وديمة:أصلاَ لو أنا مب حلوة جان أمه ما اختارتني له بين هالبنات كلهم
فاطمة:هههههههههههههه الحمدالله والشكر والله جان زين خالد يدخل الحين ويسمع رمستج ليخليج تحلمين زين بغانم
وديمة:ههههههههههههه فال الله ولا فالج

الجزء الـــــــــــــــــــتـــــــــــــــــــاسع





بعد مرور شهرين على الاحداث السابقة

سرمد الليل وضوى ليلي واهجعوا ربعي حواليه بت تسهرني غرابيلي من وليف تايه برايا
اشتكي للبدر مواويلي وانثر أشواقي على ضياه آه وجد هدلي حيلي والهوى فتاك يا بنية


بوظبي
بيت سعيد
الساعة 11:30 فليل

دخل سعيد البيت كان مضايج وكاره عمره

اووووووووف خلاص لازم أصارحها ما يصير أتم على عماها بس كيف....... كيف بقولها....... شو بتسوي بتتركني لا ما أظن يا ربي مب حالة هاي شو اسوي الحين ملجتي الشهر الياي ومحد يدري لين الحين أوووووووووف يا ربي شو اسوي شو اقول.......... اذا روضة عرفت أكيد الكل بيعرف اماية أبوية شو بيكون موقفهم ما أظن بيسكتون
تنهد تنهيدة تحسس الي عنده أنه انسان ضايع تايه ما يدري شو يسوي أو بالأصح شو سوى

ركب على الدري رايح غرفتهم فتح الباب وهو مصر يفاتحها بالموضوع اليوم بس للأسف ما لقى حد راح غرفة اليهال ولقاها يالسة ترقد فيصل
دخل سعيد:السلام عليكم
روضة :وعليكم السلام
راح سعيد ويلس وياهم على الشبرية :شو الشيطان بعده ما رقد
فيصل لما سمع الصوت فتح عيونه شوي شوي لأنه كان بيرقد وشاف ابوه مبتسم
رد غمض عينه
ضحك سعيد عليه وباس راسه
سعيد: روضة يوم بتخلصين أنزلي تحت أبغيج
روضة استغربت بس بعدين طوفت يمكن يباني في شي عادي يعني
بعد ما رقد فيصل نزلت روضة تحت وشافت سعيد حاط ايده ورا ظهره ورايح وراد في الصالة
عقدت روضة حياتها وراحت عنده:سعيد
سعيد: فج عينه كأنه مستغرب ييتها وهذا الي زاد حيرت روضة: بغيتني
سعيد:هي يلسي
راحت روضة ويلست وهو تم رايح راد مب عارف كيف يفتح الموضوع
مرت دقيقتين وهو رايح راد
روضة: تنهد شفيك سعيد بلاك أنت مب طبيعي اليوم
سعيد:ها لاء ولا شي احمد وين
روضة: راقد من زمان
سعيد:هيييييييييييي ...............روضة أنتي حرمة عاقل بقولج شي بس اتمنى أنج تهدين وتسمعيني لين ما اخلص
روضة:بدت تخاف:شو قول
سعيد: روضة أنا قريب بعرس
شهقت روضة وحطت ايدها على حلجها:شو ..........كيييييييييييييييييييييييييف
سعيد: كيف بعد ................. مثل ما الناس تعرس
روضة وهو تصيح وتصارخ: كيف مثل ما الناس تعرس فهمني ليييييييييييييش .......... لييييييييييييييش وانا الي سويت كل شي عسب تكون مرتاح ومتهني ...............في مرة طلبت مني شي وقتلك لاء ......... في يوم قصرت عليك ولا على عيالك ............ حرمتني من الشغل سكت وقلت ان شاء الله أول زواجنا ذليتني لين ما قلت بس وسكت وما قلت شي ............ حتى احساسي ومشاعري كنت اتحكم بهم عسبك كنت أمثل جدام الناس أني سعيدة ومستانسة وأنا يالسة أشرب المر منك كل يوم......... كل دقيقة ما كنت تضيعها الا وأنت كنت تجرحني وتقولي أني واقع مر انفرض عليك كل هذا مستحملتنه كنت مخلتنك ملاك جدام هلي عسب محد يغلط عليك حتى جدام هلك كنت أبين اني سعيدة عسب محد يقولك شي وعقب هذا كله بشو جازيتني بشووووووووووو حرااااام عليك حراااااااااااااااااااااااااام وتمت تصيح
سعيد تم يطالعها وهو ساكت كانت عيونه تدمع عليها ......على هالأنسانة الي عطته كل شي وهي صابرة وساكتة بس شو يسوي هذا مب بايده هو ما يقدر يتحكم بقلبه شو يسوي
سعيد: روضة ليش تصيحين اللحين انتي كنتي تدرين اني بيوم بتزوج عليج أنا ما خدعتج أنا صارحتج بكل شي من أول يوم زواجنا وبعدين لا تنسين انا ما بتخلى عنج ولا بهدج أنتي بتمين حرمتي أم أحمد الغالية عمري ما بقصر عليج بولا شي
روضة:بعد شو بعد ما تكون متزوجنها حراااااااااااااام عليك هدمت حياتي لييييييييييييش سويت جي ليييييييييييش
سعيد:بس عاد..... أنتي من قبل تدرين أني أحبها
روضة: كنت عايشة على أمل انك في يوم بتتغير وما بتقاوم كل الحب والحنان و الرعاية الي منحتك أياها يوم من الايام بتحبني بتعطف عليه لكن أنت شو سويت بيه .ها ................(.وهي تصارخ) شو سويت حرام عليك هدمت الأمل الوحيد الي كنت عايشة على شانه أنك تحبني في يوم من الايام
سعيد:روضة بس لا تصيحين
روضة:لا اصيح كيف ما تباني أصيح وانت يالس تقولي خبر وفاتي كيييييييييييييييييييييف حرام عليك جتلتني يوم عرسي مرة ورديت جتلتني اليوم مب كافي عليك الي سويته يوم عرسنا انا كنت خلاص ميته ورديت ...........ورديت جتلتني اليوم
سعيد (عينه تدمع ) : روضة أنا ما جتلتج أنتي حرمتي أم عيالي كيف أجتلج أجتل روحي ولا أجتلج
روضة: جذاااااااااااااااب أنت ما تحب الا نفسك مستحيل تفكر في حد غير نفسك
سعيد عصب: أسمعي عاد يا بنت الناس أنا ييتج وقتلج كل شي وأنت حرة ........على فكرة ملجتي الشهر الياي
روضة: لا والله ياي تقولي الحين بعد ما خلصت كل شي
سعيد: والله أنا قتلج وأنتي كيفج
ياي سعيد بيظهر بس سمع كلمة ما عجبته
صد عليها:شووووووووووووووووو ما سمعتج شو قلتي
روضة: طلقني

.................................................. .................................................. ..

عذبيني جننيني ما عليه غربليني اذبحيني يا بدوية اموت في طبع البداوةوالصخاوة وين عهدج يا صفية
يا حبيبة يا قريبة افهميني يا عجيبة يا أديبة احتويني أنا حبيتج وربي ما أخبي ولا اعتقد حبي خطية

العين
بيت أم سلطان


ميرة:اوووووووووووف يا ربي حاسة قلبي بيطلع من مكانه
سلطان:ليش كل هذا عسب النتايج
ميرة:أكيد هذا مستقبلي
سلطان:الله يخليج انا قلت يمكن تحاتين أخوج الي عرسه يوم الخميس
ميرة: جي أنت بتعرس ولا بتموت
سلطان: قام من مكانه: بسم الله عليه فال الله ولا فالج صدق ما عندي سالفة يالس وياج
ميرة:هههههههههههههه ليش تخاف من الموت جي شو مسوي في حياتك
سلطان : عنلات فيسج صدق ما تستحين هذا موضوع ترمسيني فيه وانا عرسي عقب خمس أيام
ميرة: عن شو تباني أرمسك يعني
سلطان: يعني عن العروس شو أخبارها
ميرة: زينه
سلطان: خلصت اغراضها
ميرة :هي من زمان ما باقي شي على العرس
سلطان:هي زين زين
ميرة:ها عاد ما أوصيك اول بنت سمها ميرة
قام سلطان من مكانه متضايج وظهر ميرة استغربت بلاه هذا
سلطان (انا كيف ما فكرت بهالشي دامنا معرسين أكيد بتحمل واذا حملت شو بسوي يا ربي شكلي وهقت عمري بهالعرس أنا شلي أوافق بس انا كنت موافق قبل ما أعرف أنها هي العروس بس هاي انا ما أبغيها تكون ام عيالي ما توقعت انها هي الي تكون أنا يوم عرفت أنها هي كان همي كله اغايضها وادبها وأقصر من لسانها هالطويل والحيين شو بسوي )

.................................................. .........................................

ليش الناس تموت مره وأنا اموت مرتين
الناس تعيش مره وأنا اعيشك مرتين

سعيد:شووووووووووووووووووووو
روضة:شو الي شووووووووووووو قتلك طلقني سمعت ولا لاء
سعيد: شقا أطلقج أنت تخبلتي
روضة: لا والله عيل انت عادي تعرس وأنا حرام أطلق
سعيد:رووووووووووووضة أنتي عندج عيال فكري بهم اعقلي شوي
روضة: طول عمري عاقل شوف شو صار فيه
سعيد: روضة أنتي معصبة لما تهدين بيكون لينا كلام ثاني
روضة:لا ثاني ولا ثالث قتلك طلقني يعني طلقني...........(بتحديد) ولو اني ما أبغي الناس تقول ظهرت من بيت ريلها نصاص الليالي جان ظهرت عسب جي بتم لين باجر وباجر بخلي خالد ولا سالم يشلوني
سعيد: واذا قتلج أني مب مرخصنج بتظهرين بدون شوري
روضة : والله عاد ما يهمني أنا
وراحت روضة فوق
سعيد تم مكانه مغتاض منها وظهر ركب سيارته وتم يحوط بها
أووووووووووووووووف شو الحالة شو هالوهقة الي طحت بها روضة تبا تطلق وأنا مستحيل أطلقها ومستحيل بعد أهد سارة
ما أظن أهلها بيرضون تطلق محد يبغي بنته تكون مطلقة وكل حد يرمس عليها
أتذكر سعيد شي دايماَ يطري على باله

سعيد:يا بنت الناس بلاج انتي ما تقدرين ما رجعت لأن الريال متوفي تبيني اهد اهله واروح أخطب
سارة: والله انا ما يخصني أنا رمست امي وقلتلها
سعيد:أنزين انا بي عندكم يوم الأثنين لا تخافين
سارة: ومب لازم تي قبل عسب تخبر الشيخة روضة
سعيد:أشعليج منا أنتي ما يخصج فيها فاهمة أنا الي بتزوج مب هي
سارة: بس هي مرتك
سعيد: شلي روضة من بلاج ما يخصج بها اقولها ما أقولها هذا شي راجعلي أنتي كل الي يخصج أناااااااااا ............ أنا وبس
سارة:أنزيييييييييييييييييييييييييييين خلاص ما بنرمس عندها بس بسالك سؤال
سعيد:شووووووووووووووووو
سارة:أنت تحبها؟؟؟؟؟؟؟؟؟؟؟؟؟؟؟؟؟؟؟؟
سعيد:.....................................
سارة: سعيد وينك
سعيد:ها وياج وياج
سارة: ما رديت على سؤالي
سعيد: أقول أرمسج بعدين هكو ربيعي ياي عندي

سعيد ما يدري ليش ما رد عليها وجذب وقال أنه ربيعه ياي معنه محد كان ياي عنده يمكن لأنه ما عنده جواب....... سعيد ما ينكر انه يغلي روضة ويعزها مهما كان هاي ام عياله وهو قال أنه يحبها ما ينكر هالشي......... قال لها هي بعد بس سارة مب قصدها الحب العادي الي تحب به اخوك ولا ربيعك ولا صديقك قصدها العشق الي تعشق به انسانه تكون هي كل حياتك ما تقدر تعيش بدونها تفكر فيها دايماَ اذا فرحت تفرح واذا زعلت تزعل تكون أنت الماي لها اذا عطشت وأنت الدفا اذا بردت وأنت الدوا اذا مرضت تكون انت بحياتها كل شي الابو الصديق الاخو كل شي
من غير ما تتكلم أو تقول الي فيك تفهمك ...... تكون هي عينك الي تشوف بها وقلبك الي ينبض نظرتها تسحرك وضحكتها تذوبك

.................................................. .................................................. ...

.. يا حبيبي طالت المدة ....لا كتاب ولا خبر جاني ....
الآدمي ما يترك موده.... ليش يا المظنون تنساني


هزاع انجلب حالة في هالشهرين صار انسان ثاني اتغير كلياَ صار ما يتفاهم ويا حد كله يواجع ويصارخ صار انسان ميت الاحساس فيه كان ما يرقد كل يوم الا وهو مطرش مسج جارح لليازية بس صار يشفق عليها يطرش مسج واحد بس كل ليلة
بس صارله أسبوع ما يطرش انشغل بعرس سلطان بس ما درى أن اليازية قامت تحاتي ليش ما قام يطرش صح انه كان يطرش مسجات جارحة بس عالأقل كانت تتطمن انه بخير وعايش لكن من أسبوع ما طرش صارت كارها حياتها يمكن هالشهرين ما حست ببعده لأنه كان دايماَ يطرشلها مسجات لكن من اسبوع حست انه خلاص ما له حس في حياتها اشتاقت له لأيام قبل لضحكته لمصخرته وياها لكل شي....... كانت تبا تتصل به تطمن بس عليه وتصكر بس ما ينفع تتصل من مبايلها
ظهرت اليازية من غرفتها وراحت الصالة مستحيل تاخذ مبايل حد من خواتها لان محد يدري أنها كانت تكلم هزاع رقم البيت هزاع ما يعرفه والحين محد من خواني في البيت يعني عادي اتصل
اتصلت مرة مرتين محد رد بس ارتاحت في المرة الثالثة لما سمعت صوته وهو يقول:ألووووووووو
:الوووووووووووووو
اليازية سمعت صوت باب ينفتح صكرت التلفون بسرعة وركضت لغرفتها
سمعت حد يركب الدري بس صار شي ما كانت متوقعتنه أن التلفون رن
راشد راح للتلفون استغرب من الرقم
راشد:ألوووووووووو
هزاع انصدم راشد يعني هذا بيتهم منو بيكون متصل بتلفوني أكيد هو
راشد:ألوووووووووو
هزاع:مرحبااااااااااا الساااااااااااااع
راشد استغرب هزاع ليش يتصل بيتهم ومن وين عرف الرقم
راشد: مرحب باجي علومك
هزاع: بخير والله ........ العلوم الا صوبك
راشد:هي الحمدالله
هزاع: استغرب بلاه ليكون اليازية متصلة
راشد: يا حييك والله
هزاع:أقول راشد اسمحلي ما كنت أدري أنه بيتكم
راشد: لا أفا عليك بس ليش كنت متصل
هزاع:ها لا شفت الرقم في كاشف بيتنا كذا مرة قلت يمكن حد من الاهل يبغي شي ترى العيوز ظاهرة
راشد: ما أدري والله يمكن الوالدة متصلة
هزاع:أكييييييييييييد اكيييييييييييييييد أنزين عيل يالله نتلاقا باجر
راشد:ان شاء الله
هزاع : فمان الله
راشد:فمان الكريم

هزاع( اليازية متصلة ليش غريبة شو تبا أمممممممممممممم اتصل بها أحسن )
راح هزاع وياب مبايله واتصل باليازية
اليازية : ما ردت
هزاع طفرتني هاي ليش متصلة يوم ما تبا ترمسني
طرشلها مسج


اشتاق لك شوق له الشوق يشتاق..
شوق يشوق شايق الشوق شوقة..
شوقي وشوق الشوق عشاق..
وشوق ضرب شوق زايد اشواقة..
وشوق المشتقي ذابح اشواق..
اشتاق وشوق لي من البعد شاقة..
أقول باختصار..
((((مشتاقلك))))




ما كلفت نفسك تسالني عن أحوالي..
ماتدري إن التجاهل يجرح شعوري ..
أغيب وأرجع وذكرك دوم ع بالي..
وإنت غيابي يشابه عندك حضوري..
مسموح خذ راحتك يا حضرة الغالي..
ما أقدر أعاتبك دامه انتهى دوري


يا صاحبي صبري على البعد محدود!!
وماهو صحيح إن الصبر من صفاتي..
تدري أعزك موت وأموت بك زود..
وأغليك أكثر لو أحس بغلاتي..
أوعدني أن الوصل ما عاد مفقود..
((وأوعدك))
لحظة..
ما تفارق ...(حيــــاتــــي)

هزاع تنهد نهيدة ألم وحسرة يمكن على حب كان يتمنى تكون نهايته سعيدة
بعد ما طرش المسجات فر المبايل وراح يتسبح
.................................................. ................................

الصبر مر شرا الخيلي والهجر نار اشعلت بيه هايم بالود يا حليلي ليت قلبك يعطف شوية
منك يا خلي طفح كيلي تهت بين الشمس والفيا ليت بس تحن وتميلي قبل لب النود عصريا

العين
بيت مطر
غرفة مطر

مطر أووووووووووووف انا ليش قتله الصراحة ما توقعت رده جي وهو الي كان دايماَ يشجعني عالزواج يقولي جي
هذا بعد ربيعي أونه ...............آه عنبوج يالدنيا

مطر كان صدق ضايج وخاصة بعد ما سمع رمسة منصور له اليوم كان كل ما يرقد ترن في أذنه رمسة منصور
ويتذكر الي صار اليوم في ميلسهم

مطر : منصور
منصور: هلا
مطر:أمممم بغيتك في سالفة
منصور: شو............تعال بلاك تتنافض ههههههه
مطر: هذا وقتك أنت بعد
منصور:أنزيييييييييييين ههههههه شو السالفة
مطر: منصور ما أدري من وين أبدأ
منصور: شو بلاك مطر ما من بينا هالرمسة ارمس محتاج شي
مطر: منصور أنا بعرس
منصور فج عيونه واستغرب:ها
مطر: بلاك أقولك بعرس
منصور: لا والله مبروك بو غيث ألف مبروك ومنو سعيدة الحظ
مطر: ...............
منصور: اشفيك مطر
مطر: رضيعتك
منصور:شوووووووووووووووو
مطر: بلاك
منصور:لا بس اتفاجأت
مطر: انزين استأذن انا الحين
منصور:بلاك يا ريال عصبت تريا انزين بسأل الأهل وبرد عليك
مطر:الصراحة ما توقعت ردك جي
منصور: شقا جي
مطر:أنا أدري انك رافضني عسب
منصور:منو قال أني رافضنك الحين
مطر: صدق يعني موافق
منصور: ههههههههههههه لو انا العروس كنت وافقت بس الشور مب عندي
مطر: منصور أنا أتكلم جد
منصور: أنزين يوم تتكلم جد ليش ما يبت اهلك
مطر: رد عليه أنت أول وبعدين بيب العيوز
منصور: والله أنت تدري.............
مطر: خلاص منصور وصلني ردك ما في داعي توضح أنا أدري انك ما بتزوج اختك واحد ماضيه اسود
ظهر مطر من الميلس وتم متغصص وحتى لاحظ ان منصور يتصل به كم مرة وهو ما رد عليه
.................................................. .........................................
بيت بو خالد
الساعة 11:30

أم خالد : يا بوية أنت رمسها أنا تعبت منها وأم غانم متصلة تبا تعرف الرد
خالد:أوف هي شو قالتلج يوم سألتيها
أم خالد: ما قالت شي سكتت ولا رمست
سالم: دامها سكتت يعني موافقة
خالد: شقا موافقة أنت بعد يمكن مستحية تقول لاء انا بقولها ما عندي مانع بس ما بترمس براحة لازم حرمة تقولها أمي
سالم ببلاهة: هي لازم حرمة تقولها أنتي ما تنفعين اماية
أم خالد (باستهزاء ): شووووووووووو........... ليش أبوية شو شايفني جدامك ريال
سالم: هههههههه محشومة اماية مب قصدي جي بس انتي تعرفين لازم وحدة قريبة من سنها انا اقول خلو فطيم ترمسها
خالد: هي أنا اقول جي بعد
ام خالد: خلاص قولوا حق فطيم ترمسها
خالد: ان شاء الله انا اليوم بقولها
سالم:الا النتايج ما ظهرت
أم خالد : ما أدريبها تقول اليوم الفير
سالم :هي يلا الله يوفقها
رن مبايل سالم في هالوقت
وقام
سالم: وين لي بيتصل فينا .... وين لي ما يصبر بلانا
انقضى الموعد وملينا .... يمكن الغالي نسانا
العنود: السلام عليكم
سالم: وعليكم السلام زين اتصلتي بيه الشيخة
العنود:لا والله منو الي اتصل بك عيل وقتله(وهي تعيب عليه ) مشغول اتصلي بعدين
سالم:ههههههههه حرام عليج انا صوتي مب جي
العنود: لييييييييييييييييش بلاه صوتي
سالم:هههههههههه ما بلاه شي يا بنت الحلال بلاج معصبة قوليلي علومج
العنود: زينة أنت شخبارك
سالم: دامني سمعت هالصوت الحلو فأنا بخير
العنود:بدينا بصكر تراني
سالم:ليش وانا ثرني شو قلت
العنود: لاء ما قلت شي سلامتك شو تسوي
سالم: ما شي يالس ويا الوالدة أنتي حبيبي شو تسوين
العنود:سلووووووووووم
سالم: عيونه وقلبه امري
العنود: بصكر تراني
سالم ليش غناتي
العنود:أوف مب منك من الي يتصل بك
وصكرت في ويهه
سالم:هههههههههههههه ذبحتني هاي ما يسوى علينا هالكلمتين الي قلناهم

.................................................. ...........................................

مطر:منووووووووووووو
ناصر:أنا ناصر
مطر: دش شو تبا
ناصر: منصور في الميلس يباك
مطر: همممممممممم أنزين أنا نازل

.................................................. ........................................
ظهر من الحمام وهو رابط الفوطة على خصرة لبس ثيابة ورقد سمع مسج ياينه
هزاع راح لقا مسجات لم يرد عليها ثلاث

فتح الأول

( أقول لا تنسا باجر ورانا شغل قوم الساعة سبع الصبح بنسير دبي )

هزاع :والله جني انا الي بعرس مب هو هههههههه

فتح الثاني ولقاه من ربيعه معضد

( وينك ما ترد اتصل بيه ضروري ابغيك في سالفة )

فتح الثالث وكان من اليازية

ما هو جفى لو شفتني عنك أبطيت ..
عمر الجفا ما راود النفس يمك ..
باسم الغلا ساكن وبالقلب حليت ..
بأقصى خفوقي مسكنك يوم ضمك ..
لا ما تخلى عنك لو غبت وأبطيت ..
غلاك يسري مثل ما سار دمك ..

هزاع قرا المسج وحط المبايل على الطاولة لحظة المسج الأخير كان من اليازية
شكلي كنت اتوهم شو هالمسج شو معناه تبانا نرجع مع بعض عيل ليش سوت الي سوته شو كان قصدها وليش ما ترد يوم اتصل
اتصل هزاع بها بس بسرعة سكر الخط
شو بلاني من أول ما قالت بنرد مثل أول اتصلت بها ماعلي لازم اول أعلمها درس عمرها ما تنساه بعدين بردها
.................................................. .................................................. ..
بيت مطر
الميلس

دخل مطر الميلس وهو يصك عقم الكندورة
مطر : السلام عليكم
منصور: وعليكم السلام
منصور: بلاك يا ريال ما خليتني أكمل رمستي وظهرت حتى مبايلك ما ترد عليه
مطر:لاء كنت شوي ضايج وجي
منصور: ضايج من شوووووووو
مطر( يستهبل هذا ولا شو ) : طالعة بنظره
منصور:هههههههههههههههههه والله ضحكتني بلاك
مطر:لا والله ما تدري بلاني الصراحة انصدمت بك ما توقعت أنت من بين هالناس كلهم تردني
منصور:أفا عليك ما عاش من يردك يا بو غيث
مطر: يطالعه
منصور: والله وربي شاهد على رمستي لو كنت لين الحين وأنت بعدك مثل أول ما رديتك وانت ياي تخطب عندي ........ تباني اردك وانت تايب أفا والله شكلك ما تدري بغلاك
مطر مبتسم: يعني أنت موافق
منصور: من ناحتي موافق بس الشور عند البنية
مطر بلهفة : ومتى بتشاورونها
منصور:ههههههههههه أشوفك مستعيل
مطر:لاء بس عشان ارمس الوالدة وجي
منصور:أنزين انا بشاور البنية وبشوف ردها اذا وافقت بقولك
بس أنا اقول لو تطرش الوالدة قبل ما ارمس البنية احسن
مطر: أخاف تردني وأنا ما ابغي أحرج اماية
منصور: على هواك

مطر كان خايف من رد شمة خاصة أنها يمكن ترفضه بعد ما هدها عسب جي فضل أنه يرمس منصور يرمسها وبعدين يطرش أهله
.................................................. .................................................. ..................
بيت ابو خالد
غرفة خالد

خالد وهو يدخل الغرفة: مرحباااااااااااااا بالشيوخ
فاطمة: مرحبتين
خالد: شحالج
فاطمة: بخير
تجدم خالد وعج عمره على القنفة الي عدالها : رحتي موعدج عند الدكتورة
فاطمة:هي
خالد: شو قالولج
فاطمة: لين الحين كل شي طبيعي
خالد: الحمدالله
خالد: ما سألتي بنت ولا ولد
فاطمة:بلى بس ما بقولك خلها مفاجئة
خالد: لاوالله ما يخصني أنا أبغي أعرف
فاطمة:هههههههههه ما بتصير مفاجئة عيل
خالد: والله بزعل واذا زعلت تعرفين كيف زعلي
فاطمة:ههههههههههههه أنزين يا بوك ذليتنا ولد
خالد:شوووووووووووووو لا تقولين احلفي
فاطمة:والله
خالد: صدق انا بيني ولد ما أصدق وتم يضحك بصوت عالي ههههههههههههه
فاطمة: خالد بلاك تخبلت
خالد : تنهد: الحمدالله ........ الله عوض صبرنا خير
فاطمة: الحمدالله يا بو مريم
خالد:لاء الحين انا بو عبدالله
فامة: ان شاء الله يا بوعبدالله
خالد: انزين نسيتيني السالفة
فاطمة:شووووووووووو
خالد:أباج ترمسين وديمة وتسالينها عن رايها بغانم تحيرنا وايد على الريال
فاطمة: خلاص ان شاء الله برمسها قريب
.................................................. .................................................. ...................