بالنسبة لي اختي أنا ما اسلق الدجاج فبعد غسله و تنظيفه جيدا بالماء و شوي طحين و شوي خل و شطفه جيدا بالماء أنقعه في الخلطة سواء كنور او غيرها بعدين اقليه في زيت غزير و يكون ساخن جدا لااكن عقب ما احط الدجاج في الزيت أوطي النار و أغطي المقلاة و أخليه ينقلي على راحته لين يتحمر بعدين اقلبه للجهة الثانية و اغطيه لين ينضج و يتحمر و طبعا ياخد وقت لااااااااااكن من الداخل مستوي زين و لا دم و لا شي
و في طريقة ثانية سمعتها من الشاف أنطوان في قناة اللبنانية و هي نفس طريقة روووعة
بعد قلي الدجاج عادي و اكتسابه اللون شيل الدجاج و رصه في صينية الفرن و دخلها الفرن درجة 180 مدة ربع ساعة من تحت بس """هاذي كذالك طريقة ناجحة مجربتها و مضمونة و الدجاج ناضج و مستوي من الداخل و الخارج
اما طريقة البروستد مالتي فكتالي :
تنقع الدجاج في الحليب و بيضة مخفوقة و شوي ملح و رشة ملح صيني ""انا ما أستعمل الملح الصيني ""الأدجيناموتو " لاضراره أكتفي بالملح العادي اخليه بضع ساعات فيه بعدين أخد كوب طحين ورشة فلفل اسود و رشة فلفل أحمر حار "اختياري " و ملعقة نشا و احيانا احط ملع بقسماط وأحطهم في كيس نايلون و أحرك الكيس حتى يختلط و احط مثلا 3 او 4 قطع دجاج أرج الكيس لين تتغطى الدجاج بالخليط و اقليه و هاكذا لين أخلص القطع
ان شاء الله اكون افدتك
03-04-1428 هـ, 01:05 صباحاً
 
تسلمين ياعمري ماقصرتي بجرب طريقتك
03-04-1428 هـ, 06:24 مساءً
 
حبيبتي انا مااستخدم الخلطات الجاهزه وهاذي طريقتي
بعد ما انظف الدجاج زين مازين
اخلط بيض وملح وفلفل اسود وشوي حليب سايل
وفي وعاء ثاني اخلط طحين وبقسماط وشوي نشا وبيكنج باودر وبهارات مشكله وكمون وثوم بودره وشوي سمسم وطبعا الملح و فلفل اسود وتقدرين تحطين كورن فليكس العادي بعد ماتطحنينه شوي
بعدين اخذي قطع الدجاج وغطيها بالبيض وبعدين غطيها بخلطة الطحين ورصيها بصينية الفرن بعدين رطبي الدجاج بشوية زيت علشان مايطلع يابس
وذا خلصت قصدري الصينيه زين ودخليها الفرن وشيكي عليها بين وقت والثاني تقريبا يحتاج ساعه لين يصير جاهز بعد كذا
شيلي القصدير عنها وخليها تتحمر من فوق وتتقدم مع الخبز او بطاطا ودجز او الرز ...................وبالعافيه
ملاحظه :
انا ما اسلق الدجاج اسويه على طول ويطلع روعة ومستوي وناضج تمام
03-04-1428 هـ, 07:23 مساءً
 


الساعة الآن 10:22 .