ابغى اسوي حفلة ذكرى ميلاد لبنتي في الروضة وتكون حفلة بسيطة واغلب مكوناتها من البيت وانا اسويها لأن ماعتدي شغالة واحنا في مدينة صغيرة يعني ما تتوفر فيها التورتات الجاهزة اللذيذة

انا فكرت اسوي دونات وخلية واقماع وبيتزا وجبنيه يعني اشياء ما توسخ الأطفال مافيها شوكولاتات
بس ما اعرف اسوي تورتة بسيطة
هل ينفع بكيكة بيتي كروكر والبسها بالدريم ويب ولو عندكم افكار بسيطة عن التورتة او طرقة اشطال فطاير حلوة للأطفال ويكون حجمها صغير ,, تعروفون الأطفال ما ياكلون كثيييير
وراح اجيب ان شاء الله صحون سفري وملاعق وشك ملونين من ابو ريالين
وكمان بلونات
بس كنت ابي اوزع هدايا من ابو ريالين او ابو ريال للأولاد والبنات يعني بين لعبة وحلاوة وعصير او مثل كدا
كيف الفها ؟؟

والله يفرحكم بأطفالكم تساععدوني ..
04-04-1428 هـ, 09:58 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


هلا ياقلبي عقبال ما تشوفينها عروس ان شاء الله ..

بالنسبة للعجينة انصحج بهذي تصلح لكل شي وطرية جدا جدا ..
معجنات متنوعة روعة..



العجينة اللي استخدمتها هي عجينة الغالية دموع يائسة ، والله يابنات هالعجينة قمة بالروعة ولذيذة وطرية جدا..
ملاحظة انا ضاعفت المقدار هذا 5 مرات يعني استخدمت 10 اكواب طحين..

المقادير:
2ك طحين
1م ك خميرة فورية
3م ك حليب بودرة
2م ك سكر
2م ك زيت
ذرة ملح
ماء دافئ للعجن

الحشوات:

حشوة الأجبان:
1- جبن ابيض مفتت ونخلط معاه نعناع اخضر مفروم
2- جبن كرافت شيدر الاصفر
3- خلطة اجبان " جبن عكاوي وموتزريلا وجبن جدايل"

حشوة البيتزا:
نقانق شرايح ، زيتون اسود اسباني شرايح ، فليفلة خضراء باردة ، خلطة البيتزا "انا استخدمت الجاهزة" ، جبن موتزريلا

حشوة اللبنة:
لبنة مع نعناع اخضر او زعتر ، او الاثنين مع بعض

حشوة: الزعتر:
زعتر مع زيت زيتون

حشوة اللحم المفروم:
لحم مفروم بالصلصة والصنوبر

حشوة الدجاج:
دجاج مسحب او منتف مجموس مع بصل وجزر مبشور وفليفلة خضراء مبشورة مع فلفل اسود ورشة دارسين وشوية جبن

الطريقة :
نعجن جميع المقادير جيدا حتى تصبح لدينا عجينة لينة متماسكة نتركها مدة نص ساعة حتى تختمر..
نكور العجينة وندا نشكلها ونحشيها بحشوات المفضلة ونحطها بالصينية مدهونة شوية زيت وطحين..
ندهن المعجنات بشوية حليب سائل ونرشها باي نوع من الحبوب "انا حطيت بوبي سيد" ونخليها تخمؤ مرة ثانية ربع ساعة وبعدها ندخلها الفرن على 180 لمدة 10-15 دقيقة وبعدين نحمرها 5 دقايق بس..
وبالنسبة للبيتزا قبل التحمير نضيف الجبن وندخليها الفرن 5 دقايق..

وهذي طريقة خلية النحل ..



الخلية

الخلية 2




والكيكة ممكن بيتي كروكر أو انت تسوينها لان مافي اسهل من الكيك ، احشيها موس شوكولاته وغلفيها بالكريمة تطلع روووووووووعة ..

وبهذا الملف فيه طريقة للموش والكريمة والكيك سهل جدا ومضمون ..

ملف الحلويات السهلة واللذيذة والمميزة بالخطوات المصورة..


وهذي طريقة كيكة بطريقة الغالية دردشة ..



الكيك الاسفنجي


وهذي حلوة لانها ايس كريم ..



كيكة السويسرول الشوكولاته بالأيس كريم لذيذة جدا




04-04-1428 هـ, 12:32 مساءً
 



وهذي أشكال بسيطة لتزيين الكيك ممكن تسوينهم ..






وهذا الرابط راح ينفعج وااااايد للغالية ام عزيزان ..

كيكة القطار ... سهله وممتعه للاطفال ..



04-04-1428 هـ, 01:10 مساءً
 
مشاء الله اخت غرومه كفيتي وفيتي
04-04-1428 هـ, 02:18 مساءً
 
الله يفرحك فيها يارب ..

بالنسبه للهدايا .. ان سويت حفلة لبنتي ووزعت اشياء رمزيه " علب وردية اشكالها تجنن " وحطيتها باكياس وردية صغيرة من قماش الاورقنزا وحطيت معها حلويات طبعاً كل الاشياء من ابو ريالين ..

انتي اذا تبين توزعين الالعاب اشتري الاكياس الورقية الملونة من عند ابو ريالين بعد وسوي بطاقات فيها الاهداء وربطيعا بشريطة تطلع مره حلوة ..

ترا اهم شيء عند الاطفال المكان اترسي البيت بالونات وزينه وهم بينبسطون ..


الله يوفقك بحفله حلوه ..
04-04-1428 هـ, 03:22 مساءً
 


الساعة الآن 12:58 .