السلام عليكم

أنا ذقت هذا الحلى بعزيمة وعجبني مرة بس ما أأعرف مقاديرة اللي تعرف لا تبخل علي الله يجزاكم خير
هو بسكوت يسوى أقراص صغيرة بدقيق البر والعادي ويصي عليه شيره فيها عسل ودارسين وليمون أسود

الله يعافيكم لاتسفهوني
تقصدين الكليجاء الكذابه...

عموما هذي طريقه ممتازه للأخت بسر برحي



كليجاء كذابه ........من قصيميه صادقه
هلا والله وغلا بصويحباتي الحلوات
طبعا كلكم تعرفون الكليجاء حقتنا يا القصمان وكثير من الناس يحبونها
مهب حنا بس يا القصمان عاد انا قلت بعلمكم عليها لان الولده الله يحفظها
ويشفيها تسويها تجنن ماشاء الله بس صعب اعلمكم عليها لان امي تسويها
من غير مقادير معينه بس فيه كليجاء كذاب ( زي كنافه كذابه ) سهله ولذيذه
وبمقادير اتمنى انها تعجبكم .

الطريقه

1- نبداء با لشيره عشان يمديها تبرد وهي كاس شيره عاديه تحطي عليه
ثلاث ملاعق كبيره عسل + ثلاث ملاعق صغيره قرفه مطحونه تخلينها تطبخ
خمس دقائق مع بعض وتخلينهم على جنب لين تبرد.

2-بالخلاط حطي 3بيضات + نصف كاس سكر +نصف كاس زيت.

3- كاس طحين ابيض + كاس طحين بر + ملعقه كبيره بكم بودر +
ثلاث ملاعق كبيره حليب بودره + نصف ملعقه صغيره من( الزنجبيل
المطحون + هيل مطحون + ليمون اسودمطحون)
حطي المقادير رقم -2- بعد ماتخلطينهم على المقادير رقم -3-وعجنيهم
مع بعض لين يختلطوا زين خوذي من العجينه تقريباكبر صفار البيض
دوريها بين ايديك لين تصير مثل الكوره بعدين اضغطي عليها شوي
بين يديك لين تنفرش شوي و جيبي سكين وحطي على وجه القرص
خطين بطول وخطين بالعرض زي رسمه لعبة ( اكس او) وبينيهم زين
يعني اضغطي شوي علي السكين.وصفيهم بصينيه تيفال لين تنتهي
الكميه وحطيهم بالفرن من تحت الين يتحمرو وبعدين حمريهم من فوق
وبعد مايطلع من الفرن تكون الشيره بارده من زمان سقيهم بالشيره
وذوقي الطعم يميميميم الذيذ
اللي ينسيك طعم الكليجاء الصحيح يارب يعجبكم.

دعوتكم الصدقه لنا والمسلمين
برحيه


يمكن قصدك المخامير؟
تراني.. وشحليلي





إهداء من أبله: جروح الوداع
أم عبد الله
مشكوره راح أجربها وإن شاء الله تكون نفس الطعم اللي ذقت يعطيك العافيه

وشحليلي
لا ما أقصد المخامير أعرفها وبعدين هذي تجي يابسة زي البسكوت والمخامير لينة مشكورة على المرور
الله يعافيكم ابي طريقة المخامير اول مره اسمع فيها


الساعة الآن 04:49 .