اهلين اخواتي المبدعات في هذا القسم مشرفات وعضوات
الله يجزاكم كل خير..جدا استفدنا منكم والله
بس تكفون الله يجعل الجنة مستقر لكم بعد طول العمر اشرحوالي هذه الطريقة اللي على هالرابط بالتفصيل الممل
لأني ماني فاهمة هي تقصد اخلط العجينة مع الحشوة مع بعض ....والإ كل طبقة لوحدها بس ماقالت
والله تعبت افهمها << تقول افك طلاسم هههههه
عموما الطبق للأخت شادن
http://forum.hawaaworld.com/showthread.php?t=618317

الرجاء التجاوب والرد ....
04-04-1428 هـ, 04:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
( حبه جزر مبشور- حبه فلفل رومي مقطع مربعات - حبه بطاطس مسلوقه ومقطعه مربعات
ربع حزمه بقونس -ربع حزمه كزبره- بصل أخضر ثلاث حبات كاملة مقطعه - فلفل أخضر حارأربعه حبات مقطعه صغار - 8حبات جبن كيري مقطعه مربعات )هذي كلها بعد ماتقطعينها تحطيها في زبديه عميقه) هذي فهمتيها صح خضار مقطعه

بعدين نخلط المقادير هذي مع بعض
2كاس صغير دقيق
1كاس صغير زيت
1كاس صغير ماء
1كاس صغير حليب بودرة
4بيضات
ملح -فلفل اسود ربع ملعقه صغيره (حسب ما تحبي يكون الفلفل)
نص ملعقه طعام بكنج بودر
نص ملعقه صغيره فانليا

وبعدين نحطها على المقادير السابقه الي قطعتها وحطتها في زبديه ...نحركها مع بعض الي ماتتداخل بينها وتصير خلطه وحده

ونجيب صينيه مدهونه بزيت ونحط الخليط كله فيها وندخلها الفرن من تحت حتى تستوي وبعدها تولعي عليا الفرن من فوق ..وتطلع لك شكل كيكه مالحه بالخضار

ان شاء الله فهمتي
04-04-1428 هـ, 05:31 مساءً
 
أتمنى تكووونين فهمتي للطريقة

حبيت ابين لج بس الاخت جزاااهااا الله خير ماااقصرت

وبالعااافية علىى قلوبكم
04-04-1428 هـ, 05:35 مساءً
 
الغريبة جزاك الله الف خير ياعسل
وانا بس حبيت اتاكد انها كانت تقصد فكرة الخلطة الواحدة وانتي وضحتيها وريحتيني
ما انحرم ياقمر

ام شيخة مشكورة ياغالية والف شكر لك ايضا
04-04-1428 هـ, 11:13 مساءً
 


الساعة الآن 10:27 .