Analysis Services
بنت ذقت امس عند وحده عازمتنا كيكه لذيييييذه والصراحه اكلها كله لذيييذ وقالت انه كل الاكل من كتاب نحبه الاطباق وان شاء الله ناويه اشتريه لان كل اللي سوته حلو...بس
اليوم ابي اسوي الكيكه اللي ذقتها عندها لان تاخذ وقت طويل تقول يبيلها 3 ساعات فيالفريزير وانا ابيها حق بكره الظهر فابي اسويها بالليل..
هي من مكوناتها قالت كيك جاهز وتسويه طبقات وتسوي كريمه من القشطه والدريم ويب..وفي طبقه شوكلاته تسيحها وتصبها فوقها...وبعدين تحطهم في صحن دائري وتحطه في الفريزر ولما تطلعه تقلب القالب ويصير شكلها مثل البركان تقريبا...الحين ابي اي وحده تكتب لي الطريقه بالتفصيل عشان اسويها اليوم الله يخليكم ضروري لان عجبتني حسيتها كانها ايس كريم
09-04-1428 هـ, 05:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
12وحده دخلتوا ولاتردون
09-04-1428 هـ, 06:21 مساءً
 
فالج طيب الغالية

الكتاب عندي

وهذا حلى القبة

المقادير :
نصف كرتون كيك جاهز يحضر ويخبز
4 مغلفات شوكولاته ميكيتا او هوبي او جالكسي

الكريما :
2 قشطة
2 ظرف كريم كراميل
3 م ط حليب بودرة
3 ملاعق سكر
ربع بيالة ماء


الطريقة :
يغلف القالب بالقصدير ويعد الكيك ويقطع مكعبات صغيرة

تخلط مقادير الكريما

وتسيح الشوكولاته بواسطة حمام مائي

الان :
في القالب المغلف بالقصدير ضعي قليل من الكيك
ثم صبي القليل من الكريما
ثم القليل من الجالكسي
ثم كيك
ثم كريما
ثم جالكسي
وهكذا بمعنى انك تجعلينه طبقات بحيث تتداخل الكريما مع الكيك والكاكو

الآن ضعي القالب في الفريزر 3 ساعات وعندي التقديم اقلبي القالب وازيلي القصدير وصبي عليه صوص هيرشي السائل للتجميل


آآآآآآآآخ تعبت من الكتابة
بس المهم أكون أفدتك
ولا تنسيني من دعوة صالحة بظهر الغيب يا أختي
09-04-1428 هـ, 06:39 مساءً
 
مشكورة وماقصرتي والله اني احبج في الله واييييييييييييييييييييييييييييييييييييييييييييد من قبل ماتساعديني والحين اموت عليج اكثر لانج ماقصرتي وساعدتيني ولابخلتي علي ولج من مو دعوه وحده الا اكثر من دعوه الله يرزقج ويعطيج كل اللي تتمنينه ويبعد عنج الشر والحساد ويسر امرج
09-04-1428 هـ, 11:16 مساءً
 
جزاكن الله خيراً
09-04-1428 هـ, 11:33 مساءً
 


الساعة الآن 07:57 .