بسم الله الرحمن الرحيم

والله يابنات ان مستحيه منكم دائما اطلب منكم طبخات ولا مره قد اضفت انا اي أكله بس اعذروني مالي الا8 اشهر متزوجه
بس الان قلت بما اتعلمت لازمم افيد بنات حواء رغم اني متأكده انو ماشاء الله عليك مميزات
المهم طبق اليوم شوربه لذيذه وسهله ولما جوني اهل زوجي خلصوها وعجبتهم وطلبوا المقادير
المهم المقادير كالتالي
بصله مفرومه وناعمه مره
دجاج مسلوق مقطع مكعبات
ثلاث ملاعق طعام دقيق ابيض
ملعقه طعام مليانه نشا
خضار مشكله انا استعمل الجاهزه
واذا ماعندك جاهز انتي قطعي جزر وفاصوليا وكوسه وحطي نص علبة ذره
زنجبيل طازج مبشور
كأسين حليب سائل
علبة قشطه
ملعقتين جبنه كاسات
ملح اجناموتو شويه بس
ملح عادي
ملعقة كزبره ناشفه وطبعا صغيره
رشه فلفل اسود
شويه كمون
وبس
طريقه الطبخ :
حطي الخضار وخليها تنسلق في قدر لوحدها
نحط ملعقتين زيت و حميه في القدر وأضيفي له الدقيق وحركيه
واضيفي كاسين الحليب بالتدريج واستمري في التحريك
واضيفي علبه القشطه وملعقتين الجبن واستمري حركي لين ماتذوب القشطه في الحليب
واضيفي النشا وحركي وظيفي الملح والبهارات
وحطي الدجاج المسلوق والخضار واخيرا حطي الزنجبيل
واتركيه يغلي غلوه وحده
وطفي النار وقدمي الشوربه
وانتبهي لاتكثري الدقيق ولا تصير ثقيله مره

وبالهنا والعافيه
مشكوره اختي على الشوربه ان شاء الطبقها بقرب وقت وعلمك وش صار معي
مشكوووووره شكلها روعه أبسويها لبابا هو من عشاق الشوربه وأذا جيت عندهم دايم يطلب شوربه جديده أبجربها أن شاء الله والله يعطيك العافيه
يسلم يدينك ويعطيك العافيه
لوحه فنيه
ام عيالها
الغريبه
الله يخليكم اسعدني جدا مروركم الله يسعدكم


الساعة الآن 06:49 .