الـــــسلام عليكم والرحمه ...


انا من عشاق المعكرونه واحب اتفنن فيها .. المهم قررت المقادير :

1) كيس معكرونه (اي نوع تفضيلنه ) انا جربت الباستا ..
2)دجاج بدون عظم وشحم ..
3)مايونيز وجبنه موزاريلا (مبشوره ) وزيتون اسود مقطع حلقات ..
4)بصل
5)8 فصوص ثوم
6)ملح وبهارات (استخدمت قليل من بهار الصالونه +فلفل اسود+بهار الباستا حصلته في كارفور في علبه زجاجيه صغيره .. ) طبعا ممكن تستخدمين اي بهار انتي تحبينه يعني حسب الرغبه ..
7) فلفل حلو وحار ومعاهم ثلاث ورقات ملفوف .. ملعقه معجون الطماطم ..


الطريقه:

1) اغلي الماء وبعدين ضيفي الملح طبعا حسب الرغبه وقطعي ثلاث فصوص ثوم وضعيه في الماء المغلي ثم اضيفي المعكرونه .. بعد ما تحسين المعكرونه بدت تنضح قطعي الملفوف واضيفه للمعكرونه لان الملفوف لا يحتاج الكثير من الغلي لينضج .. صفي المعكرونه ..


2) الدجاج ويمكنك استخدام اللحم على حسب الرغبه قطعيه مكعبات وازيلي الشحم ثم اغسليه جيدا بالماء .. بعد ذلك قطعي البصل والثوم وضيعه في مقلاه بها زيت .. واقلي البصل ثم اضيفي الثوم حتى ينضجان بعدين وراهم تحطين الفلفل الحلو والحار . واخر شي تضيفين الدجاج واقليه معاهم حتى ينضج ثم اضيفي الملح وبعدين الفلفل الاسود طبعا كله حسب الرغبه وبعدين البهارات .. واضيفي ملعقه صغيره من معجون الطماطم ورشه تابسكو لو حبيتي الطعم السبايسي .. او رشه صويا صوص مثل ما قلت قبل على حسب الرغبه واخلطيهم جيدا ..

3) احضري صينيه .. وادهينها بقليل من الزيت .. احضري المعكرونه واضيفه اليها الزيتون الاسود المقطع واخلطيها جيدا ثم اضيفيي ثلاث ملاعق مايونيز للمعكرونه واخليطها ايضا ...

بأمكانك استخدام خلطه الدجاج كصوص للمعكرونه او انج :

4) تخلطينه مع المعكرونه جيدا وترشين الوجه بالجبنه وادخيلنها الفرن او المايكرويف بس لحد ما يذوب الجبن ..
جربوها وخبروني النتايج ..

وبالهنا والعافيه


10-04-1428 هـ, 03:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اممممممممممممممممم
شكلها لذيذه
اجرب واردلك
10-04-1428 هـ, 03:42 مساءً
 
أميرة الــورد .... بالهنا والعافيه اختي ... اتريا ردك
10-04-1428 هـ, 03:47 مساءً
 
مشكوووووره وأنا من عشاق المكرونه
شكلها روعه الله يعطيك العافيه
10-04-1428 هـ, 04:13 مساءً
 
تسلم الايادي اختي

ومشكووورة
10-04-1428 هـ, 04:30 مساءً
 


الساعة الآن 08:13 .