سلام حبيباتي تكفون ابغى طريقه اللازانيا اطفشت وانا ادور عليها ابي الكل يسالني كيف سويتيها وارفع خشمي عليهم
10-04-1428 هـ, 08:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا عزيزتي ..

بخبرج طريقتي في اللازانيا ..

المقادير :

1) معكرونه لازانيا .. ( شرايح بتحصلينها ) .
2) لحم مفروم او دجاج مفروم ..
3)طماطم + معجون طماطم ..
4) ثوم وبصل .
5)ملح +فلفل اسود + بهارات .
6) صلصه بشاميل .. (جاهزه من السوق مثل كنور ) او حضريها بنفسج في البيت + جبنه موزاريلا مبشوره ..

الطريقه :

1) قومي بغلي الماء وضعي الملح على حسب الرغبه بعدين ضعي قليل تقريبا ملعقه زيت .. من ثم غمسي اللازانيا وحاولي تضعينها مثلا شريحه شريحه او شريحتين . وعلى فكره ترا اللازانيا تنطبخ بسرعه لا تدعيها كثيرا في الماء المغلي لانها تنضج اسرع من المعكرونه العاديه لكن تأكدي انها نضجت ..

2) الحشوه : ضعي الزيت في المقلاه واضيفي اليه البصل وخليه يتحمر وبعدين ضيفي الثوم وبعدين الطماطم .. واطبخيهم عدل بعدين ضيفي اللحم المفروم او الدجاج المفروم واطبيخهم عدل بعدين خفي النار واضيفي الملح من ثم الفلفل الاسود وبعدين البهارات حسب الرغبه .. بعدين ضعي ملعقتين طعام معجون طماطم واخلطيهم عدل ..

3) نحضر الصينيه ندهنها بقليل من الزبده او الزيت .. ضعي اول طبقه شرايح اللزانيا بعدين حطي الحشوه مب كلها قليل منها وافرديها على الصينيه بعدين الطبقه الثانيه من اللزانيا وصبي عليه صلصه الباشميل.. وهكذا على حسب انتي كم طبقه تبين .. اخيرا ضعي الجبنه المبشوره على وجه الصينيه وعلى الفرن ..


وبالهناء والعافيه عزيزتي




10-04-1428 هـ, 09:47 مساءً
 
مرحبا اختي.... انا اسويها نفس طريقة الاخت ام حمد .. بالهناء والعافيه
11-04-1428 هـ, 01:40 صباحاً
 
مرحبا اختي أنا نفس طريقت أم حمد بس أزيد جبن مبشور موزريلا بين الطبقات وفي النهايه وتطلع روووعه
11-04-1428 هـ, 03:58 صباحاً
 
نفس الطريقه بس انا احط صدور اقطعها صغاااااااار
11-04-1428 هـ, 11:48 صباحاً
 


الساعة الآن 12:46 .