Analysis Services
  • «
  • <
  • 1
  • 2
  • »
السلام عليكم و رحمة الله و بركاته

أختي لوليتا , لا و الله حبيبتي أنا مش خبيرة لا في الحادق و لا الحلو , يعني يادوب بأمشي حالي في النوعين.
على أية حال سوف أقول لك طريقة الكسكسي الحلو الجاهز و البيتي و ان شاء الله يعجبك.

الكسكسي الجاهز
ــــــــــــــــــــــــــــــــــــ
المقادير
-----------
- علبة كسكسي متوسط ( فيه ناعم و خشن و متوسط ) .
- 3\4 كوب ماء مغلي ( كوب شاي اللي أصغر من ال MUG) .
- 4 م.ك. زبدة.
- لوز محمر + زبيب محمر + جوز الهند ( اختياري ) .
- سكر بودر.

الطريقة
-------------
- يصب الماء المغلي على الكسكسي و تضاف الزبدة و يقلب من أن لأخر لمدة ساعتين على الأقل.
- يرفع على نار هادئة مع التغطية و التقليب من أن لأخر لمدة 10 - 15 ق .
- يحمر اللوز و الزبيب.
- في طبق التقديم يصب الكسكسي و يرش فوقه اللوز و الزبيب و جوز الهند .
- يوضع السكر البودر في طبق مستقل على أن يضيف كل شخص السكر في طبقه كما يحب و لأن السكر البودر يسيح لو أضيف على الكسكسي خاصة و هو ساخن .
و على فكرة طعمه بيكون جنان و بيعجب الكل.


الكسكسي البيتي
ــــــــــــــــــــــــــــــــــ
- هاتي 2 كوب دقيق و رشي عليهم 1\2 كوب ماء و قلبيه بالملعقة.
- ضعيه في الخلاط و اضربي لحد ما يفرفت في الخلاط.
- هاتي مصفاة و غربليه منها حتى تتخلصي من الدقيق الزائد.
- ضعي شاشة على مصفاة فوق وعاء به ماء ساخن و على النار .
- ضعي الكسكسي في الشاشة و غطيه و قلبي كل شوية لحد ما يستوي.
- ضعيه في طبق و أضيفي له الزبدة و يرش باللوز المحمر و الزبيب و جوز الهند و السكر في طبق مستقل زي
الطريقة اللي فوق .

أنا عارفة أن الطريقة دي لا تعجب المغربيات لأنهم أساتذة في الكسكسي لكن و الله رائعة و سريعة و على الأقل تنفع للي زينا اللي مالهومش في الكسكسي أوي.
ياريت يا لوليتا لو جربتيها تقولي لي رأيك ايه.و طلعت مضبوطة معاك و اللا لأ .
01-03-1424 هـ, 10:43 صباحاً
 
ايه ده يا نورما ده كله ومش خبيره مشاء الله عليكي ربنا يعطيكي الف عافيه على تعاونك والطبق الي كتباه شبيه
بالاكله الي ذوقتها
بس طريقتك بسيطه وسهله وجديده بالنسبه لي
حاجربها في اقرب فرصه
لان الحلوين والطعمين بيحبو الكسكس كثيرررررررررر
وشكرا على مساعدتك:24:
01-03-1424 هـ, 07:31 مساءً
 
السلام عليكم و رحمة الله و بركاته

حبيبتي أحلى أم لأحلى حلوين , يارب حبيبتي تكون دي هي الطريقة اللي أنت عاوزاها و يارب و ده أهم يعجب الحلوين و الطعمين ان شالله يخليهم لك يارب حبايب قلبي و يبارك لك فيهم.
02-03-1424 هـ, 09:59 صباحاً
 
تسلم ايدك نورما انتي استاذة والله واوعدك اجربة واقولك النتيجة انشاء الله لاني بحب اجرب كل حاجة وانشاء الله اجربة تسلم ايدك يا استاذة
والله استاذة ورئيسة قسم كمان
03-03-1424 هـ, 06:59 صباحاً
 
السلام عليكم و رحمة الله و بركاته

حبيبتي لوليتا , مش أوي كده أحسن أصدق , لا و الله يا حبيبتي مش أستاذة و لا حاجة كل الحكاية أن أنت اللي طيبة و حلوة زيادة عن اللزوم , أشكرك حبيبتي على الاطراء و لو أني لا أستحقه و ربنا يخليكي ليه يارب.

و مستنية ردك بعد التجربة.
03-03-1424 هـ, 08:58 صباحاً
 


الساعة الآن 05:11 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏